Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସାଲେପୁର : ଆମ୍ବୁଲାନ୍ସକୁ ପିଟିଲା କାର୍, ଡ୍ରାଇଭର ଆହତ
  • ||
  • କଟକ : ସି-ସୋର ଘାଟରୁ ଅଜଣା ମୃତଦେହ ଉଦ୍ଧାର, ଭାସି ଆସିଥିବା ସନ୍ଦେହ
  • ||
  • ଚଣ୍ଡିଗଡ : ପଦ୍ମ ବିଭୂଷଣ ଫେରାଇଲେ ପଞ୍ଜାବର ପୂର୍ବତନ ମୁଖ୍ୟମନ୍ତ୍ରୀ ପ୍ରକାଶ ସିଂହ ବାଦଲ
  • ||
  • ନୂଆଦିଲ୍ଲୀ : ଅନଲାଇନ୍‌ରେ ହେବନାହିଁ CBSE ବୋର୍ଡ ପରୀକ୍ଷା, ପୂର୍ବଭଳି ପରୀକ୍ଷା ଦେବେ ଛାତ୍ରଛାତ୍ରୀ
  • ||
  • ଝାରସୁଗୁଡା : ବାପା ନା’ ରାକ୍ଷସ, ନିଶାଶକ୍ତ ଅବସ୍ଥାରେ ୧୧ ବର୍ଷର ଝିଅ ସହ କଲା ଦୁଷ୍କର୍ମ !
  • ||
  • କନ୍ଧମାଳ : ହଜିଗଲା ମା’ର ମମତା, ୪ ବର୍ଷ ଝିଅର ଗାଲ କାଟିଦେଲା ସାବତ ମା’ !
  • ||
  • ବଡବିଲ : ହାତୀ ଆକ୍ରମଣରେ ଚାଲିଗଲା ଜଣଙ୍କ ଜୀବନ, ଆତଙ୍କ ଖେଳାଇଛନ୍ତି ୧୧ଟିକିଆ ହାତୀ ପଲ
  • ||
  • ଓ୍ବାଶିଂଟନ୍ : ‘ପିଜ୍ଜା ହଟ୍’ର ଶୁଭାରମ୍ଭ କରିଥିବା ଫ୍ରାଙ୍କ୍ କାର୍ନିଙ୍କ ପରଲୋକ
  • ||
  • ବଲାଙ୍ଗୀର : ଭିଜିଲାନ୍ସ ପଞ୍ଝାରେ ରେଞ୍ଜର, ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ଏକକାଳୀନ ୩ଟି ସ୍ଥାନରେ ଚଢାଉ
  • ||
  • ଭୁବନେଶ୍ବର : ଅଫଲାଇନ୍‌ରେ ହେବ ମାଟ୍ରିକ୍ ଏବଂ ଯୁକ୍ତ ୨ ପରୀକ୍ଷା : ଗଣଶିକ୍ଷା ମନ୍ତ୍ରୀ
  • ||

ଇସଲାମିକ ଷ୍ଟଡିଜ୍ ପ୍ରବେଶ ପରୀକ୍ଷାରେ ଟପ୍ପର ହେଲେ ହିନ୍ଦୁ ଯୁବକ, ଦେଶର ପ୍ରଥମ ଅଣ-ମୁସଲିମ ଭାବେ ଏହି କୃତିତ୍ବ କଲେ ହାସଲ

17/11/2020 at 5:56 PM

ଜୟପୁର ୧୭/୧୧ : ରାଜସ୍ଥାନର ଜଣେ ଅଣ-ମୁସଲିମ ଯୁବକ ଇସଲାମିକ ଷ୍ଟଡିଜ୍ ପ୍ରବେଶ ପରୀକ୍ଷାରେ ଟପ୍ପର ହେବାର ଗୌରବ ଅର୍ଜନ କରିଛନ୍ତି । ଏହି କୃତିତ୍ବ ହାସଲ କରି ଇତିହାସ ରଚିଛନ୍ତି ଶୁଭମ ନାମକ ଜଣେ ଯୁବକ । ସେ ଏହି ଗୌରବ ହାସଲ କରିବାରେ ପ୍ରଥମ ଅଣ-ମୁସଲିମ । ଟାଇମ୍ସ ଅଫ ଇଣ୍ଡିଆର ଏକ ରିପୋର୍ଟ ଅନୁଯାୟୀ ଫିଲୋସୋଫୀରେ ସ୍ନାତକ ପାସ କରିଥିବା ଶୁଭମ ଧର୍ମ ବିଷୟରେ ବିସ୍ତୃତ ଭାବେ ଜାଣିବାକୁ ଚାହାଁନ୍ତି ବୋଲି କହିଛନ୍ତି ।

ଶୁଭମ କହିଛନ୍ତି ଇସଲାମକୁ ନେଇ ଅନେକ ଭୁଲ ଧାରଣା ବ୍ୟାପୁଛି । କେବଳ ଏହି ଧର୍ମ ନୁହେଁ ଅନେକ ଧର୍ମକୁ ନେଇ ଏହି ଭଳିଭାବେ ଭୁଲ ଧାରଣା ବ୍ୟାପିବାରେ ଲାଗିଛି । ବିଶ୍ବର ଅନେକ ନେତା ଧର୍ମକୁ ନେଇ ବିଭିନ୍ନ ପ୍ରକାର ଅରୁଚିକର ମନ୍ତବ୍ୟ ମଧ୍ୟ ଦେଉଛନ୍ତି । ତେଣୁ ଏହିସବୁ ଚିନ୍ତାଧାରାକୁ ଅଧ୍ୟୟନ କରିବା ପାଇଁ ସେ ଇସଲାମିକ ଷ୍ଟଡିଜରେ ପୋଷ୍ଟ ଗ୍ରାଜୁଏଟ କରିବା ପାଇଁ ଚିନ୍ତା କରିଥିବା କହିଛନ୍ତି ।

୨୧ ବର୍ଷୀୟ ଶୁଭମ ପ୍ରଥମେ ୟୁପିଏସସି ପରୀକ୍ଷା ପାସ କରି ସିଭିଲ ସେବାରେ ଯୋଗ ଦେବାକୁ ଚାହୁଁଥିଲେ । ସେ କହିଛନ୍ତି ୟୁପିଏସସି ପରୀକ୍ଷା ପ୍ରସ୍ତୁତି ପାଇଁ ଇସଲାମିକ ଷ୍ଟଡିଜ୍ ଅନେକ ସାହାଯ୍ୟ କରିବ । ଶୁଭମଙ୍କର ବାପା ଜଣେ ବ୍ୟବସାୟୀ ଏବଂ ମା ଜଣେ ଗୃହିଣୀ । ସେ କହିଛନ୍ତି ଏହି ବିଷୟରେ ଅଧ୍ୟୟନ ପାଇଁ ତାଙ୍କ ପିତାମାତା ପ୍ରୋତ୍ସାହିତ କରିଛନ୍ତି ।

ଶୁଭମଙ୍କୁ ଏବେ କାଶ୍ମୀରରେ ରହି ପଢିବାକୁ ହେବ, ତେଣୁକରି ତାଙ୍କ ସୁରକ୍ଷାକୁ ନେଇ ପିତାମାତା ଚିନ୍ତାରେ ଅଛନ୍ତି । ଶୁଭମ କହିବା ମୁତାବକ ଦେଶରେ ମୋଟ ୧୪ଟି କେନ୍ଦ୍ରୀୟ ବିଶ୍ବ ବିଦ୍ୟାଳୟ ମଧ୍ୟରୁ କେବଳ କାଶ୍ମରରେ ହିଁ ଇସାଲାମିକ ଷ୍ଟଡିଜର କୋର୍ସ ସଞ୍ଚାଳନ ହେଉଛି । ସେଥିପାଇଁ ତାଙ୍କୁ ସେଠାରେ ୨ ବର୍ଷ ରହିବାକୁ ପଡିବ ବୋଲି ସେ କହିଛନ୍ତି । ସେ କାଶ୍ମୀର ଯାଇଛନ୍ତି ଏବଂ ସେଠାକାର ଲୋକମାନେ ବହୁତ ବନ୍ଧୁବତ୍ସଳ ବୋଲି ଶୁଭମ କହିଛନ୍ତି । ସେହିଭଳି ଜଗତଗୁରୁ ରାମନାଥ ଆଚାର୍ଯ୍ୟ ରାଜସ୍ଥାନ ସଂସ୍କୃତ ୟୁନିଭରସିଟିରେ ଅନେକ ମୁସଲିମ ଯୁବକ ପିଏଚଡି କରୁଛନ୍ତି । ରାଜସ୍ଥାନ ୟୁନିଭରସିଟିର ଉର୍ଦ୍ଦୁ ବିଭାଗରେ ୨ ଜଣ ଆସିଷ୍ଟାଣ୍ଟ ପ୍ରଫେସର ମଧ୍ୟ ଅଛନ୍ତି ।

   Related Posts