ଆସାମ ୧୦/୫ : ଆସାମରେ ଆଜିଠୁ ଆରମ୍ଭ ହିମନ୍ତ ଯୁଗ । ନୂଆ କରି ମୁଖ୍ୟମନ୍ତ୍ରୀ ଭାବେ ଶପଥ ନେଇଛନ୍ତି ହିମନ୍ତ ବିଶ୍ୱ ଶର୍ମା । ବିଧିବଦ୍ଧ ଭାବେ ସେ ଆମାମର କମାଣ ସମ୍ଭାଳିଛନ୍ତି । ପଦ ଓ ଗୋପନୀୟତାର ଶପଥପାଠ କରାଇଛନ୍ତି ରାଜ୍ୟପାଳ ଜଗଦୀଶ ମୁଖୀ । ସମାରୋହ ଉତ୍ସବରେ ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଜେପି. ନଡ୍ଡାଙ୍କ ସମେତ ଅନେତ ନେତୃବୃନ୍ଦ ଉପସ୍ଥିତ ଥିଲେ ।

wp:html

Himanta Biswa Sarma takes oath as the Chief Minister of Assam. He is being administered the oath by Governor Jagdish Mukhi. BJP national president JP Nadda and other leaders present at the ceremony. pic.twitter.com/1bZQVPlWsd

— ANI (@ANI) May 10, 2021

/wp:html

ମୁଖ୍ୟମନ୍ତ୍ରୀ ଭାବେ ଶପଥ ନେବା ପୂର୍ବରୁ ସେ ଦୋଳ ଗୋବିନ୍ଦ ଏବଂ କାମାକ୍ଷା ମନ୍ଦିର ଯାଇ ପୂଜାର୍ଚ୍ଚନା କରିଥିଲେ । ଗତକାଲି ବିଜେପି ବିଧାୟକ ଦଳ ବୈଠକରେ ହିମନ୍ତ ମୁଖ୍ୟମନ୍ତ୍ରୀ ହେବା ନେଇ ଘୋଷଣା ହୋଇଥିଲା । ମୁଖ୍ୟମନ୍ତ୍ରୀ ହେବା ପରେ ବର୍ତ୍ତମାନ ତାଙ୍କ ସମ୍ମୁଖରେ ବଡ ଚାଲେଞ୍ଜ ହୋଇ ଛିଡା ହୋଇଛି କରୋନାକୁ ନିୟନ୍ତ୍ରଣ କରିବା । କରୋନା ସଂକ୍ରମଣ ମାମଲା ରାଜ୍ୟରେ ଦ୍ରୁତ ଗତିରେ ବ୍ୟାପୁଛି, ତେଣୁ ମୁଖ୍ୟମନ୍ତ୍ରୀ ଶର୍ମା ଏହାକୁ କିପରି ନିୟନ୍ତ୍ରଣ କରିବା ତାହା ଏବେ ସମସ୍ତଙ୍କ ମନରେ ପ୍ରଶ୍ନ ।

wp:html

Assam: Chief Minister-designate Himanta Biswa Sarma visited Doul Gobinda Temple and Kamakhya Temple today before the swearing-in ceremony#Guwahati pic.twitter.com/zvDjy2WtlY

— ANI (@ANI) May 10, 2021

/wp:html

ଶର୍ମା ବିଜେପି ପୂର୍ବରୁ କଂଗ୍ରେସରେ ଜଣେ ସକ୍ରିୟ ରାଜନେତା ଥିଲେ । କଂଗ୍ରେସରୁ ଆସି ବିଜେପିରେ ଯୋଗଦେବା ପରେ ପୂର୍ବୋତ୍ତର ରାଜ୍ୟର ମୁଖ୍ୟମନ୍ତ୍ରୀ ହୋଇଥିବା ୩ୟ ନେତା ହୋଇଛନ୍ତି ଶ୍ରୀ ଶର୍ମା । ହିମନ୍ତ ୨୦୧୪ରେ କଂଗ୍ରେସରୁ ଇସ୍ତଫା ଦେଇ ଭାରତୀୟ ଜନତା ପାର୍ଟିରେ ସାମିଲ ହୋଇଥିଲେ । କଂଗ୍ରେସ ସରକାରରେ ସେ ଶିକ୍ଷା ମନ୍ତ୍ରୀ ଥିଲେ ଏବଂ ମୁଖ୍ୟମନ୍ତ୍ରୀ ହେବାକୁ ମନ ବଳାଇଥିଲେ ।