Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ମୃତ୍ୟୁ ହାରରେ ସାମାନ୍ୟ ହ୍ରାସ : ରାଜ୍ୟରେ ଗତ ୨୪ଘଣ୍ଟାରେ କରୋନା ନେଲା ୩୯ ଜଣଙ୍କ ଜୀବନ, ୩୪୭୧ରେ ପହଞ୍ଚିଲା ମୋଟ୍‌ ସଂଖ୍ୟା
  • ||
  • କାମାକ୍ଷାନଗରରେ ଦୁଇ ସାହି ମଧ୍ୟରେ ଗୋଷ୍ଠୀ ସଙ୍ଘର୍ଷ : ଜଣେ ମୃତ, ୨ ଗୁରୁତର
  • ||
  • ନୟାଗଡ : ୫ ଦିନ ପରେ ମିଳିଳା ନିଖୋଜ ଶିଶୁକନ୍ୟାର ମୃତଦେହ, ଶରୀରଠୁ ଅଲଗା ହୋଇ ପଡିଛି ମୁଣ୍ଡ
  • ||
  • ଖୋର୍ଦ୍ଧା : ଠାକୁରପଡ଼ାରେ ଯୁବକଙ୍କୁ ନିର୍ମମ ହତ୍ୟା ଘଟଣା, ୩ ଗିରଫ
  • ||
  • ଭୁବନେଶ୍ୱର : ୧୮ ଓ ୧୯ରେ ବଢିବ ବର୍ଷା, ୨୦ରୁ ବଦଳିବ ପାଗ
  • ||
  • କମୁଛି ସଂକ୍ରମଣ, ରାଜ୍ୟରେ ୨୪ ଘଣ୍ଟାରେ ୩୬୩୧ କୋଭିଡ୍ ପଜିଟିଭ୍ ଚିହ୍ନଟ
  • ||

ଭାରତ-ଚୀନ୍ ସୀମାରେ ଶହୀଦ ହେଲେ ୨୬ ବର୍ଷୀୟ ଯବାନ୍

11/09/2020 at 7:16 PM

ଶିମଲା ୧୧/୦୯ : ଭାରତୀୟ ସେନାରେ ମାତୃଭୂମି ପାଇଁ ସେବା କରୁଥିବା ଜଣେ ଯବାନ ଶହୀଦ ହୋଇଛନ୍ତି | ହିମାଚଳ ପ୍ରଦେଶ ଶିମଲା ଜିଲ୍ଲା ଚୌପାଳ ଉପମଣ୍ଡଳର ବୀର ପୁତ୍ର ଅତର ରାଣା ଦେଶ ସେବା କରି ଶହୀଦ ହୋଇଛନ୍ତି | ସେ ପଞ୍ଜାବ ରେଜିମେଣ୍ଟରେ କାର୍ଯ୍ୟରତ ଥିଲେ | ଅରୁଣାଚଳ ପ୍ରଦେଶରେ ଭାରତ-ଚୀନ ସୀମାରେ LAC ରେ ନିୟୋଜିତ ହୋଇଥିଲେ | ତେବେ ମୃତ୍ୟୁର କାରଣ ଏବେ ଯାଏଁ ସ୍ପଷ୍ଟ ହୋଇନାହିଁ | କିନ୍ତୁ ବୀର ପୁତ୍ର ଦେଶ ସେବା କରି ବଳିଦାନ ଦେଇଥିବା କୁହାଯାଉଛି |

ଅତର ରାଣା ତାଙ୍କ ପରିବାରରେ ଜଣେ ହିଁ ରୋଜଗାର କ୍ଷମ ଥିଲେ | ବାପା ମାଙ୍କ ସହ ତାଙ୍କର ଆଉ ୨ ଭଉଣୀ ଓ ୩ ଭାଇ ଅଛନ୍ତି | ଶହୀଦ ଅବିବାହିତ ଥିଲେ | ତାଙ୍କୁ ୨୬ ବର୍ଷ ବୟସ ହୋଇଥିଲା | ୨୬ ବର୍ଷ ବୟସରେ ସେ ଦେଶ ସେବା କରି ଜୀବନ ଦେଇଛନ୍ତି | ୧୯୯୪ ମସିହାରେ ଧାର ଚନ୍ଦନା ପଞ୍ଚାୟତର ଧାର ଗାଁରେ ଜନ୍ମ ହୋଇଥିବା ଅତର ରାଣା ୨୦୧୨ ମସିହାରେ ଭାରତୀୟ ସେନାରେ ଯୋଗ ଦେଇଥିଲେ |

ପଞ୍ଚାୟତ ସରପଂଚ  କହିଛନ୍ତି ଯେ ଅତର ରାଣାଙ୍କ ଜଣେ ଭାଇଙ୍କୁ ସେନା ମୁଖ୍ୟାଳୟରୁ ଜଣେ ଅଧିକାରୀ ଫୋନ କରି ଶହୀଦଙ୍କ ସମ୍ପର୍କରେ ସୂଚନା ଦେଇଥିଲେ | ଏହାପରେ ପୁରା ଅଞ୍ଚଳରେ ଶୋକର ଛାୟା ଖେଳିଯାଇଛି | ଶହୀଦଙ୍କ ପରିବାରକୁ ସାନ୍ତ୍ୱନା ଦେବାପାଇଁ ଗ୍ରାମବାସୀ ତାଙ୍କ ଘରେ ପହଞ୍ଚିଥିଲେ | ସୈନିକ କଲ୍ୟାଣ ବୋର୍ଡର ଉପ ନିର୍ଦେଶକ ଏନପି ଅତ୍ରି କହିଛନ୍ତି ଯେ ଭାରତ-ଚୀନ ସୀମାରେ ଲାଇନ୍ ଅଫ୍ ଆକଚୁଆଲ୍ କଣ୍ଟ୍ରୋଲରେ ନିୟୋଜିତ ଥିବା ୨୬ ବର୍ଷୀୟ ଯବାନ ଶହୀଦ ହୋଇଥିବା ସୂଚନା ମିଳିଛି | ଶନିବାର ଦିନ ବିମାନ ଯୋଗେ ଶହୀଦଙ୍କ ପାର୍ଥିବ ଶରୀର ଦିଲ୍ଲୀ ନିଆଯିବ ବୋଲି କୁହାଯାଉଛି |

   Related Posts