Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୯୦୧ ଛୁଇଁଲା ମୃତକଙ୍କ ସଂଖ୍ୟା
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୩୪ କୋଭିଡ୍ ସଂକ୍ରମିତ, ୩୩୩୪୪୪ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଲକ୍ଷ୍ନୌ : ଟ୍ରାକ୍‌ରୁ ଖସିଲା ଟ୍ରେନ୍‌, ଶହିଦ ଏକ୍ସପ୍ରେସ୍‌ର ୨ଟି ବଗି ଲାଇନ୍‌ଚ୍ୟୁତ
  • ||
  • କେନ୍ଦୁଝର : ସ୍ତ୍ରୀକୁ ପିଟିପିଟି ମାରିଦେଲା ସ୍ବାମୀ, ଅଭିଯୁକ୍ତ ଅଟକ
  • ||
  • ଖସୁଛି କରୋନା ଗ୍ରାଫ୍‌, ଦେଶରେ ଗତ ୨୪ଘଣ୍ଟାରେ ୧୩,୭୮୮ କୋଭିଡ଼ ସଂକ୍ରମିତ ଚିହ୍ନଟ
  • ||
  • ଭୁବନେଶ୍ୱର : ବିଶିଷ୍ଟ ଶ୍ରମିକ ନେତା ଲଳିତ ନାୟକଙ୍କ ପରଲୋକ
  • ||
  • କେନ୍ଦୁଗୁଡ଼ା ଘାଟିରେ ଓଲଟିଲା ଟୁରିଷ୍ଟ ବସ୍ : ଜଣେ ମୃତ , ୧୦ ରୁ ଅଧିକ ଆହତ
  • ||

ଆତଙ୍କବାଦୀ ହମଲାରେ ୨୪ ବର୍ଷୀୟ ଯବାନ ଶହୀଦ, ନଭେମ୍ବରରେ ହୋଇଥାନ୍ତା ବାହାଘର…

1/08/2020 at 1:18 PM

ହମିରପୁର ୦୧/୦୮ : ହିମାଚଳ ପ୍ରଦେଶ ଆଉ ଜଣେ ଯବାନ ଶହୀଦ ହୋଇଛନ୍ତି | ଜାମ୍ମୁ କାଶ୍ମୀରରେ ଆତଙ୍କବାଦୀଙ୍କ ସହ ଗୁଳି ବିନିମୟରେ ହମିରପୁର ଜିଲ୍ଲାର ଜଣେ ଶହୀଦ ହୋଇଛନ୍ତି | ୨୪ ବର୍ଷ ବୟସ୍କ ଶହୀଦ ରୋହୀନ କୁମାରଙ୍କ ଆସନ୍ତା ନଭେମ୍ବର ମାସରେ ବିବାହ ହେବାର ଥିଲା | ଶହୀଦ ଯବାନ ଭାରତୀୟ ସେନାର ୧୪ ପଞ୍ଜାବ ରେଜିମେଣ୍ଟରେ କାର୍ଯ୍ୟରତ ଥିଲେ | ସେ ୪ ବର୍ଷ ପୂର୍ବରୁ ସେନାରେ ଭର୍ତ୍ତି ହୋଇଥିଲେ |

ହମିରପୁର ଡିସି ହରିକେଶ ମିନା କହିଛନ୍ତି ଯେ ରୋହୀନ କୁମାର ଶହୀଦ ହୋଇଥିବା ଖବର ମିଳିଛି | ଏ ସମ୍ବନ୍ଧରେ ଅଧିକ ତଥ୍ୟ ଆସିନାହିଁ | ଶହୀଦଙ୍କ ପରିବାରକୁ ମଧ୍ୟ ଫୋନରେ ଖବର ଦିଆଯାଇଛି | ନିକଟରେ ଚୀନ ସେନା ସହ ହିଂସାରେ ହମିରପୁରର ୨୨ ବର୍ଷ ବୟସ୍କ ଯବାନ ଅଙ୍କୁଶ ମଧ୍ୟ ଶହୀଦ ହୋଇଥିଲେ |

ରୋହୀନ କୁମାରଙ୍କ ପିତା ରସିଲ ସିଂହ ମିଠା କାରିଗର | ଆସନ୍ତା ନଭେମ୍ବର ମାସରେ ତାଙ୍କର ବିବାହ ହେବାର ଥିଲା | ବିବାହ ପାଇଁ ସମସ୍ତ ପ୍ରସ୍ତୁତି ମଧ୍ୟ ଆରମ୍ଭ ହୋଇସାରିଥିଲା | କିନ୍ତୁ ହଠାତ ଏହି ଦୁଖଦ ଖବର ପରିବାରକୁ ଦୋହଲାଇ ଦେଇଛି | ହମିରପୁର ବଡସରର ହନେ ଯବାନ ଦୁଇ ଦିନ ପୂର୍ବରୁ ଳେହରେ ଶହୀଦ ହୋଇଥିଲେ |

ପାକିସ୍ତାନ ଲଗାତାର ସୀମାରେ ଅସ୍ତ୍ର ବିରତି ଉଲଙ୍ଘନ କରି ଫାଇରିଙ୍ଗ କରୁଛି | ଶୁକ୍ରବାର ରାତିରେ ଜାମ୍ମୁ କାଶ୍ମୀର ରଜୋରିରେ ପାକିସ୍ତାନ ତରଫରୁ ହୋଇଥିବା ଫାଇରିଙ୍ଗରେ ରୋହୀନ କୁମାର ଶହୀଦ ହୋଇଛନ୍ତି |

ଅପରପକ୍ଷରେ ଭାରତୀୟ ସେନା ଶୁକ୍ରବାର ଦିନ ଜାମ୍ମୁ କାଶ୍ମୀର କୂପବାଡା ଜିଲ୍ଲାରେ ନିୟନ୍ତ୍ରଣ ରେଖାରେ ଅନୁପ୍ରବେଶ କରିବାକୁ ଉଦ୍ୟମକୁ ଅସଫଳ କରି ଅସ୍ତ୍ରଶସ୍ତ୍ର ଓ ଗୋଳାବାରୁଦ ଜବତ କରିଛି | ସୁରକ୍ଷା ମନ୍ତ୍ରାଳୟ ପ୍ରବକ୍ତା କର୍ଣ୍ଣଲ ରାଜେଶ କାଲିୟା କହିଛନ୍ତି ଯେ, ଶୁକ୍ରବାର ଭୋର ପାଖାପାଖି ୩ଟା ସମୟରେ କୂପବାଡା ଜିଲ୍ଲାରେ ମାଛିଲ ସେକ୍ଟରରେ ନିୟନ୍ତ୍ରଣ ରେଖାରେ ୬୦୦ ମିଟର ଦୂରରେ ଅଜଣା ଲୋକଙ୍କ ସନ୍ଦିଗ୍ଧ ବ୍ୟବହାର ନେଇ ସନ୍ଦେହ କରିଥିଲେ | ଅନୁପ୍ରବେଶ ଉଦ୍ୟମ କରୁଥିବା ଆତଙ୍କବାଦୀଙ୍କୁ ଭାରତୀୟ ସେନା ଅଟକାଇ ଦେଇଥିଲେ | ଲଗାତାର ବୁଲି ବିନିମୟ ହୋଇଥିଲା | ଘଟଣାସ୍ଥଳରୁ ଦୁଇଟି ଏକେ ରାଇଫଲ, ଗୋଟିଏ ସ୍ନାଇପାର ରାଇଫଲ, ୮ଟି ଗୋଳାବାରୁଦ ଓ ଅନ୍ୟାନ୍ୟ ଯୁଦ୍ଧ ସାମଗ୍ରୀ ଜବତ ହୋଇଛି |

   Related Posts