Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସ୍ବିସ୍‌ ଓପନ୍‌: ୧୯ ମାସ ଓ ୧୩ ଟୁର୍ଣ୍ଣାମେଣ୍ଟ ପରେ ଫାଇନାଲରେ ପହଞ୍ଚିଥିଲେ ସିନ୍ଧୁ, କ୍ୟାରୋଲିନାଙ୍କଠୁ ହାରିଲେ
  • ||
  • ସରିଲା ବିଜେପିର ଦୁଇ ଦିନିଆ ରାଜ୍ୟ କାର୍ଯ୍ୟକାରିଣୀ, ଗୃହୀତ ହେଲା ରାଜନୈତିକ ଚିଠା ପ୍ରସ୍ତାବ, ପ୍ରସ୍ତୁତ ହେଲା ରଣନୀତି
  • ||
  • ଭାରତ ଓ ଚୀନ୍ କେହି କାହା ଲାଗି ବିପଦ ନୁହେଁ, ପରସ୍ପରର ମିତ୍ର : ୱାଙ୍ଗ ଇ
  • ||
  • ଅନ୍ତର୍ଜାତୀୟ ମହିଳା ଦିବସ: ବର୍ଣ୍ଣାଢ଼୍ୟ ଉତ୍ସବ ‘ୱିମେନ୍ ଆଚିଭର୍ସ୍ ଅଫ୍ ଓଡ଼ିଶା’ରେ ରାଜ୍ୟର ସଫଳ ମହିଳାଙ୍କୁ ସମ୍ବର୍ଦ୍ଧନା
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୭୦ କୋଭିଡ୍ ପଜିଟିଭ୍, ୩୩୭୭୪୪ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ନୂଆପଡ଼ା : ହଳଦି ଗାଁରେ ପୁଣି ଥରେ ବାଘ ଆତଙ୍କ, ଭୟରେ ଗ୍ରାମବାସୀ
  • ||
  • ପାକିସ୍ତାନରେ ହିନ୍ଦୁ ପରିବାରର ୫ ସଦସ୍ୟଙ୍କୁ ହତ୍ୟା ! ସନ୍ଦେହଜନକ ଅବସ୍ଥାରେ ମିଳିଲା ମୃତଦେହ
  • ||
  • ମୋହନା : ଅନ୍ଧବିଶ୍ୱାସର ଭୟଙ୍କର ରୂପ, ସୁସ୍ଥ ରହିବା ପାଇଁ ଏବେବି ଶିଶୁଙ୍କୁ ଦିଆଯାଉଛି ଚେଙ୍କ
  • ||
  • ଭିସୁଟର ୪୦ ଛାତ୍ର କୋଭିଡ୍ ପଜିଟିଭ୍ ମାମଲା : କମ୍ପାନୀର ଦାବି-‘ଆଣ୍ଟିଜେନ୍ କିଟରେ ତ୍ରୁଟି ନଥିଲା’
  • ||
  • ସୋନପୁର : ପଡୋଶୀଙ୍କ ସହ କଥା କଟାକଟିରୁ ଫୁଟିଲା ଗୁଳି, ଜଣେ ମୃତ
  • ||

ହାଇକୋର୍ଟଙ୍କ ନିର୍ଦ୍ଦେଶ-ସାଧୁସନ୍ଥ ଓ ଅସହାୟଙ୍କୁ ହାଡଭଙ୍ଗା ଶୀତରୁ ରକ୍ଷା କରିବାକୁ ବ୍ୟବସ୍ଥା କରନ୍ତୁ ରାଜ୍ୟ ସରକାର

17/01/2021 at 2:14 PM

ଚଣ୍ଡୀଗଡ଼ ୧୭/୦୧ : ହରିୟାଣାରେ ବର୍ତ୍ତମାନ ଭୀଷଣ ଶୀତ ପଡିଛି। ଭୀଷଣ ଶୀତ ଦାଉରୁ ଅସହାୟ ଲୋକଙ୍କୁ ସୁରକ୍ଷା ଦେବାକୁ ପଞ୍ଜାବ ଓ ହରିୟାଣା ହାଇକୋର୍ଟ ଆଗକୁ ଆସିଛନ୍ତି। କୁରୁକ୍ଷେତ୍ରରେ ଥିବା ବ୍ରହ୍ମ ସରୋବର ଓ ଅନ୍ୟ ସ୍ଥାନମାନଙ୍କରେ ରହୁଥିବା ସାଧୁସନ୍ଥ, ଅସହାୟ ଓ ଭିକାରିଙ୍କୁ ଥଣ୍ଡାର ପ୍ରକୋପରୁ ରକ୍ଷା କରିବାକୁ ବ୍ୟବସ୍ଥା କରିବାକୁ ହାଇକୋର୍ଟ ନିର୍ଦ୍ଦେଶ ଦେଇଛନ୍ତି। ହରିୟାଣା ସରକାରଙ୍କୁ ଦେଇଥିବା ନିର୍ଦ୍ଦେଶରେ କୋର୍ଟ କହିଛନ୍ତି, ସରକାର ଅସହାୟ ଓ ସାଧୁସନ୍ଥଙ୍କ ପାଇଁ ରାତ୍ରି ଆଶ୍ରୟ ବ୍ୟବସ୍ଥା କରନ୍ତୁ। ହାଡଭଙ୍ଗା ଶୀତରେ ଏହି ଅସହାୟ ଲୋକ ଓ ସାଧୁସନ୍ଥଙ୍କ ସ୍ଥିତିକୁ ନେଇ ଅଦାଲତରେ ହୋଇଥିବା ଆବେଦନକୁ ନେଇ କୋର୍ଟ ଏହିଭଳି ଆଦେଶ ଦେଇଛନ୍ତି।

ଗଣମାଧ୍ୟମ ସୂଚନା ଅନୁଯାୟୀ, କୁରୁକ୍ଷେତ୍ରର ସରୋଜ ଜୈନ ନାମକ ଜଣେ ବୟସ୍କ ବ୍ୟକ୍ତିଙ୍କ ଆବେଦନ ଉପରେ ହାଇକୋର୍ଟ ଶୁଣାଣି କରିଛନ୍ତି। ଅଦାଲତରେ ଓକିଲ କହିଥିଲେ ଯେ, କୁରୁକ୍ଷେତ୍ରରେ ସ୍ଥିତ ବ୍ରହ୍ମ ସରୋବର ଓ ସନ୍ନିହିତ ସରୋବର ଅଞ୍ଚଳରେ ଅନେକ ସାଧୁସନ୍ଥ ଓ ଅସହାୟ ରୁହନ୍ତି। ହାଡଭଙ୍ଗା ଶୀତରେ ଏମାନଙ୍କୁ ଖୋଲା ଆକାଶ ତଳେ ଶୋଇବାକୁ ପଡେ। ଆବେଦନକାରୀ କହିଛନ୍ତି ଯେ ସେ ଅନେକଥର ଏମାନଙ୍କୁ କମ୍ବଳ ମଧ୍ୟ ବାଣ୍ଟିଛନ୍ତି। କିନ୍ତୁ ଖୋଲା ଆକାଶ ତଳେ ଶୋଉଥିବା ଯୋଗୁଁ କାକରରେ ଏମାନଙ୍କ କମ୍ବଳ ମଧ୍ୟ ଓଦା ହୋଇଯାଇଥାଏ।

ଆବେଦନକାରୀ ନିଜ ଆବେଦନରେ ସୁପ୍ରିମକୋର୍ଟଙ୍କ ଏକ ନିଷ୍ପତ୍ତି ମଧ୍ୟ ଦର୍ଶାଇଛନ୍ତି | କୋର୍ଟରେ ସେ କହିଛନ୍ତି ସର୍ବୋଚ୍ଚ ନ୍ୟାୟାଳୟ ଏକ ଆଦେଶରେ ଅସହାୟ ଲୋକଙ୍କ ପାଇଁ ରାତ୍ରି ଆଶ୍ରୟ କେନ୍ଦ୍ର ବ୍ୟବସ୍ଥା କରିବାକୁ ଆଦେଶ ଦେଇଛନ୍ତି। ଏହାକୁ ଦୃଷ୍ଟିରେ ରଖି ଧର୍ମ ନଗରୀ କୁରୁକ୍ଷେତ୍ରରେ ସାଧୁସନ୍ଥ, ଅସହାୟ ଶ୍ରମିକ ଓ ଭିକାରିଙ୍କ ପାଇଁ ମଧ୍ୟ ଏହିଭଳି ଆଦେଶ ଦିଆଯାଉ ବୋଲି ସେ ଆବେଦନରେ କହିଛନ୍ତି। ଆବେଦନକାରୀଙ୍କ ଦଲିଲ ଶୁଣିବା ପରେ ହାଇକୋର୍ଟ ଏହିଭଳି ନିର୍ଦ୍ଦେଶ ଦେଇଛନ୍ତି। ହରିୟାଣା ସରକାର ଜବାବ ଦେଇଛନ୍ତି ଯେ ସରକାର ଏହି ମାମଲାରେ କାମ କରୁଛନ୍ତି।

   Related Posts