କିଶନଗଞ୍ଜ ୧୯|୮: କିଶନଗଞ୍ଜ ପୋଲିସ ଏବଂ ଚାଇଲ୍ଡ ଲାଇନ୍ ଟିମ୍ ର ମିଳିତ ଉଦ୍ୟମରେ ସଦର ଥାନା ଅଞ୍ଚଳରେ ଚାଲିଥିବା ସେକ୍ସ ର୍ୟାକେଟ୍ ର ପର୍ଦ୍ଦାଫାଶ ହୋଇଛି । ପୋଲିସ ଦଲାଲକୁ ଗିରଫ କରିବା ସହ ୨ଯୁବତୀ ଏବଂ ୭ନାବାଳିକାଙ୍କୁ ଉଦ୍ଧାର କରିଛି ।
ଏସଡିପିଓଙ୍କ ସୂଚନା ଅନୁସାରେ ରବିବାର ରାତିରେ ପୋଲିସକୁ ସୂଚନା ମିଳିଥିଲା ଯେ, ସଂପୃକ୍ତ ଦଲାଲ ସମସ୍ତ ଝିଅମାନଙ୍କୁ ବିଳମ୍ବିତ ରାତିରେ ଦେଶର ବଡ ବଡ ସହର ନାଗପୁର ଏବଂ କାନପୁର ଆଦି ଅଞ୍ଚଳକୁ ପଠାଇବାର ଯୋଜନାରେ ଥିଲା । ତାପରେ ପୋଲିସ ଯୋଜନା ପ୍ରସ୍ତୁତ କରିଥିଲା ର୍ୟାକେଟ୍ ର ପର୍ଦ୍ଦାଫାଶ କରିବାକୁ । ବିଳମ୍ବିର ରାତିରେ ପୋଲିସ ଏବଂ ଚାଇଲ୍ଡ ଲାଇନ୍ ଟିମ୍ ର ମିଳିତ ଭାବେ ଚଢାଉ କରି ଯୁବତୀମାନଙ୍କୁ ଉଦ୍ଧାର କରିଛନ୍ତି । ସମସ୍ତ ଯୁବତୀ କିଶନଗଞ୍ଜର ଭିନ୍ନ ଭିନ୍ନ ଅଞ୍ଚଳର ବୋଲି ଜଣାପଡିଛି । ପୋଲିସ ଅଭିଯୁକ୍ତ ଦଲାଲକୁ ପଚରାଉଚରା ଜାରି ରଖିଛି ।
