ଫତେହପୁର ୩୦/୩- ହାଇପ୍ରୋଫାଇଲେର ସେକ୍ସରାକେଟ ଠାବ କରିଛି ପୋଲିସ । ଏହି ଘଟଣାରେ ୩ଜଣ ଯୁବତୀ ଓ ୨ଜଣ ଗରାଖ ଗିରଫ ହୋଇଛନ୍ତି ।
ଫତେପୁର ଆଓ୍ଵାସ ବିକାଶରେ ଚାଲିଥିଲା ଏହି ଦେହ ବ୍ୟବସାୟ । ପୋଲିସ ସହଜରେ ଏହି ରାକେଟକୁ ଧରିବାକୁ ହୋଇ ନଥିଲା ସଫଳ । ଫୋନ ନେଟଓ୍ଵାର୍କିଂରେ ଚାଲୁଥିଲା ଗରାଖ ଖୋଜା ଓ ବ୍ୟବସାୟ ।
ପୋଲିସର ଏକ ସ୍ମାର୍ଟ ଟିମ ଏହି ରାକେଟ ଉପରେ ରଖିଥିଲା ନଜର । ଦେହ ବ୍ୟବସାୟ ଚାଲୁଥିବା ଭଡ଼ାଘରକୁ କିଏ ଯିବା ଆସିବା କରୁଛି ତାହାର ନଜର ମଧ୍ୟ କିଛିଦିନ ହେଲା ଖବର ରଖୁଥିଲା ପୋଲିସ । ଗୁରୁବାର ସଂଧ୍ୟାରେ ପୋଲିସ ସିଭିଲ ଡ଼୍ରେସରେ ସେହି ଭଡ଼ାଘର ପାଖରେ ଛପିରହିଥିଲା ।
କିଛି ସମୟ ପରେ ପୋଲିସ ସେହି ଭଡ଼ାଘର ଉପରେ କରିଥିଲା ଚଢ଼ଉ । ଚଢ଼ଉ ବେଳେ ଆପତ୍ତିଜନକ ଅବସ୍ଥାରେ ୩ଜଣ ଯୁବତୀ ଓ ଜଣେ ଯୁବକଙ୍କୁ ଗିରଫ କରାଯାଇଥିଲା । ସେହି ଘରୁ ମଧ୍ୟ ଆପତ୍ତିଜନକ ସାମଗ୍ରୀ ଉଦ୍ଧାର କରାଯାଇଥିଲା ।
ପୋଲିସ ଘଟଣାର ଛାନଭିନ କରି ଜାଣିବାକୁ ପାଇଛି ଏହି ଘଟଣା ସହିତ ଘର ମାଲିକାଣୀର ସଂପୃକ୍ତି ରହିଛି । ମାଲିକାଣୀ ଫୋନ ନେଟଓ୍ଵାର୍ମ ମାଧ୍ୟମରେ ଗରାଖ ଯୋଗାଡ଼ କରିବା ସହ ବ୍ୟବସାୟକୁ ଗୁପ୍ତଭାବରେ ଚଳାଉଥିଲା । ଘର ମାଲିକାଣୀଙ୍କୁ ମଧ୍ୟ ପୋଲିସ ଗିରଫ କରି କୋର୍ଟ ଚାଲାଣ କରିଛି ।