ମୁମ୍ବଇ ୦୭।୧୧ - ମହାରାଷ୍ଟ୍ର ଅଙ୍କ ଛିଡୁନି, ଜାରି ରହିଛି ହାଇଡ୍ରାମା । ଫଳ ବାହାରିବାର ୧୫ ଦିନ ପରେ ବି ମହାରାଷ୍ଟ୍ରରେ ସରକାର କିଏ ଗଢିବ, କିଏ ମୁଖ୍ୟମନ୍ତ୍ରୀ ଆସନ ଅଳଙ୍କୃତ କରିବ ତାକୁ ନେଇ ଜାରି ରହିଛି ବିବାଦ ।
ଆଜି ଶିବସେନା ମୁଖ୍ୟ ଶିବସେନାର ସମସ୍ତ ଏମ୍.ଏଲ୍.ଏ.ଙ୍କୁ ଧରି ବୈଠକ କରିଛନ୍ତି । ଆଉ ସମସ୍ତଙ୍କୁ ନିଜ ଘର ପାଖ ହୋଟେଲ୍ ରେ ଏକାଠି ରଖିଛନ୍ତି । ସେପେଟ ବିଜେପି ରାଜ୍ୟପାଳଙ୍କୁ ଭେଟିଥିଲେ ବି ସରକାର ଗଠନ ନେଇ ଦାବି ଜଣାଇନାହିଁ । ବରଂ ସରକାର ଗଠନରେ କାହିଁକି ଡେରି ହେଉଛି ତାହା ଜଣାଇଛି । ଯାହାକୁ ନେଇ ମହାରାଷ୍ଟ୍ର ରାଜନୀତି ବି ତେଜୁଛି ।
