ଭୁବନେଶ୍ବର ୩୦|୬: ଲୋକସଭା ନିର୍ବାଚନରେ ଶୋଚନୀୟ ପରାଜୟ ପରେ କଂଗ୍ରେସରେ ଏବେବି ଲାଗିରହିଛି ହାଇଡ୍ରାମା । ପରାଜୟର କାରଣ ଖୋଜିବାକୁ ଦିଆଯାଇଥିବା ୧ ମାସ କଣ୍ଟ  ଆଜି ପୁରିଲା ।  ହେଲେ ଏପର୍ଯ୍ୟନ୍ତ ହୋଇପାରିଲାନି ସମୀକ୍ଷା ।  ସେପଟେ ଖୋଦ ରାହୁଲ ମଧ୍ୟ ପଦ ଛାଡ଼ିବା ଜିଦ୍‌ରେ ଅଟଳ ।  ଆଉ ତାକୁ ନେଇ ଜାତୀୟ କଂଗ୍ରେସରେ ଛୁଟିଛି ଏବେ ଇସ୍ତାଫର ସୁଅ।

{"id":129168}

କଂଗ୍ରେସରେ ହଟଚମଟ । ମାସେ କଣ୍ଟ ପୂରିଲା କିନ୍ତୁ ପରାଜୟର କାରଣ ଖୋଜା ସମୀକ୍ଷା ସରିଲାନି।  ଗତ ନିର୍ବାଚନରେ କଂଗ୍ରେସର ଶୋଚନୀୟ ପରାଜୟର କାରଣ ଖୋଜିବା ପାଇଁ ମେ ୩୦ ତାରିଖରେ ରାଜ୍ୟ କଂଗ୍ରେସ ଭବନରେ ନରସିଂହ ମିଶ୍ରଙ୍କ ଅଧ୍ୟକ୍ଷତାରେ ବସିଥିଲା ବୈଠକ । ମାସେ ଭିତରେ କାରଣ ଖୋଜିବା ଲାଗି ଦିଆଯାଇଥିଲା କଣ୍ଟ ।୨୧ ଜଣିଆ କମିଟିକୁ ନେଇ ହୋଇଥିବା ସମୀକ୍ଷା ବୈଠକରେ ସ୍ଥିର ହୋଇଥିଲା ଯେ ୩୦ଟି ଜିଲ୍ଲାରେ ପରାଜୟର ସମୀକ୍ଷା ପାଇଁ ୬ଟି ସବ୍ କମିଟି ଗଠନ କରାଯିବ । ପ୍ରତି କମିଟିରେ ୫ ଜଣ ସଦସ୍ୟ ରହିବେ ଏବଂ ପ୍ରତି କମିଟିକୁ ୫ ଟି ଜିଲ୍ଲାର ଦାୟିତ୍ବ ଦିଆଯିବ।  ସମସ୍ତ କମିଟି ମାସେ ଭିତରେ ସେମାନଙ୍କ ତଦନ୍ତ ରିପୋର୍ଟ ଦେବେ । ତଦନ୍ତ ପାଇଁ ଦିଆଯାଇଥିବା ମାସେ କଣ୍ଟ ଆଜି ପୂରିଛି ହେଲେ ଏ ପର୍ଯ୍ୟନ୍ତ ତଦନ୍ତ କିନ୍ତୁ ସରିନି ।

{"id":129169}

ନିର୍ବାଚନରେ ଶୋଚନୀୟ ପରାଜୟ ପରେ ଏବେ ବି ଜାତୀୟ କଂଗ୍ରେସରେ ସଙ୍କଟ ଲାଗିରହିଛି । ନିଜ ମୁଣ୍ଡକୁ ପରାଜୟର ଦୋଷ ନେଇ ସଭାପତି ପଦ ଛାଡିବାକୁ ଅଡି ବସିଛନ୍ତି ରାହୁଲ ଗାନ୍ଧି । ହେଲେ ତାଙ୍କୁ ମନାଇବା ପାଇଁ ଦଳର ବରିଷ୍ଠ ନେତା ଉଦ୍ୟମ ଜାରି ରଖିଛନ୍ତି।  ରାହୁଲଙ୍କୁ  ସମର୍ଥନ କରି ଗତ ୨ ଦିନ ମଧ୍ୟରେ ବହୁ ପୁରୁଖା ନେତା ନିଜ ନିଜ ପଦରୁ ଇସ୍ତଫା ଦେଇଛନ୍ତି ।  ଉତ୍ତର ପ୍ରଦେଶ କଂଗ୍ରେସ ର ୩୫ ଜଣ ସଦସ୍ୟ, ହରିୟାଣା, ମେଘାଳୟ, ଛତିଶଗଡ ଏବଂ ମଧ୍ୟପ୍ରଦେଶ  ବହୁନେତା ସେମାନଙ୍କ ପଦରୁ ଇସ୍ତଫା ଦେଇସାରିଛନ୍ତି।

{"id":129170}

୨୦୧୯ ନିର୍ବାଚନ ପରେ ସମଗ୍ର ଦେଶରେ ବିପର୍ଯ୍ୟୟର ସମ୍ମୁଖିନ ହୋଇଥିବା କଂଗ୍ରେସରେ ଏବେ ଇସ୍ତଫାର ସୁଅ ମୋଦିଙ୍କ କଂଗ୍ରସ ମୁକ୍ତ ଭାରତ ଅଭିଯାନକୁ ଆହୁରି ବଳ ଯୋଗାଇବ ବୋଲି ଆଲୋଚନା ହେଉଛି।