Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କମିବାରେ ଲାଗିଛି କରୋନା ପ୍ରଭାବ, ସୁସ୍ଥ ହୋଇ ଘରକୁ ଫେରିଲେ ଆଉ ୭୦୭ ଆକ୍ରାନ୍ତ
  • ||
  • ବିରାଟ ବାହିନୀ ଚିତ୍‌ପଟାଙ୍ଗ, ଭାରତକୁ ୫୧ ରନରେ ହରାଇ ସିରିଜ୍ ହାତେଇଲା ଅଷ୍ଟ୍ରେଲିଆ
  • ||
  • କାର୍ତ୍ତିକ ପୂର୍ଣ୍ଣିମାରେ ପବିତ୍ର ଗଙ୍ଗା ସ୍ନାନକୁ ନେଇ ଦୁଇ ଦିନ ପାଇଁ ହରିଦ୍ୱାର ସୀମା ସିଲ୍
  • ||
  • ହାଡଭଙ୍ଗା ଶୀତ ଯୋଗୁଁ ମନାଲିରେ ଜଣକର ମୃତ୍ୟୁ, ଜିରୋ ଡିଗ୍ରୀ ତଳକୁ ଖସିଲା ପାରଦ
  • ||
  • ଡାଲିରେ ୧୫ ଟଙ୍କା ରିହାତି ଦେବେ ସରକାର
  • ||
  • ଭୁବନେଶ୍ୱର : କମିଲା କୋଭିଡ୍ ମୃତ୍ୟୁ ସଂଖ୍ୟା : ଗତ ୨୪ ଘଣ୍ଟାରେ ଯାଇଛି ୪ ମୁଣ୍ଡ, ୧୭୩୪ରେ ପହଞ୍ଚିଲା ମୃତକଙ୍କ ସଂଖ୍ୟା
  • ||
  • ଭୁବନେଶ୍ୱର : ରାଜ୍ୟରେ ଚିହ୍ନଟ ହେଲେ ୫୧୮ କରୋନା ସଂକ୍ରମିତ, ୩୧୮୩୦୭ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ସୋର : ଡକାୟତ ଗ୍ୟାଙ୍ଗ୍ ଓ ଗ୍ରାମବାସୀଙ୍କ ମଧ୍ୟରେ ଖଣ୍ଡ ଯୁଦ୍ଧ : ୪ ଗୁରୁତର, ଜଣେ ଗିରଫ
  • ||
  • ନୂଆଦିଲ୍ଲୀ : ଭାରତରେ କମୁଛି ସଂକ୍ରମଣ, ଗତ ୨୪ଘଣ୍ଟାରେ ୪୧୮୧୦ କରୋନା ଆକ୍ରାନ୍ତ ଚିହ୍ନଟ
  • ||
  • ଉଦଳା : ଜମିବାଡି ବିବାଦକୁ କେନ୍ଦ୍ରକରି ଡବଲ ମର୍ଡର ! ସଂମ୍ପର୍କୀୟ ଭାଇ ଓ ପୁତୁରାକୁ ହତ୍ୟା କଲା ଭାଇ
  • ||

ହାଇକୋର୍ଟରେ ଘରୋଇ ବିଦ୍ୟାଳୟ ଫି’ ଛାଡ଼ ମାମଲା, ରାଜ୍ୟ ସରକାରଙ୍କୁ ଜବାବ ମାଗିଲେ କୋର୍ଟ

25/04/2020 at 9:41 AM

କଟକ ୨୫।୦୪ କରୋନା ଭଳି ମହାବିପତ୍ତି ସମୟରେ ରୋଜଗାରର ସମସ୍ତ ପନ୍ଥା ବନ୍ଦ । ଏଭଳି ଅସମୟରେ ଜଣେ ଅଭିଭାବକ ତା’ର ପିଲା ପାଇଁ ସ୍କୁଲ୍‌ ଫି’ ଦାଖଲ କରିବାକୁ ଅକ୍ଷମ । ବିଶେଷକରି ଘରୋଇ ସ୍କୁଲ୍‌ କ୍ଷେତ୍ରରେ ଏହି ସମସ୍ୟା ଅଧିକ । ତେଣୁ ମାର୍ଚ୍ଚରୁ ଜୁନ୍‌ -୪ ମାସର ଟ୍ୟୁସନ୍‌ ଫି’ ଛାଡ କରିବାକୁ ହାଇକୋର୍ଟରେ ଏକ ମାମଲା ରୁଜୁ ହୋଇଥିଲା । ଏହାର ଶୁଣାଣି କରି ହାଇକୋର୍ଟର ବିଚାରପତି ଜଷ୍ଟିସ୍‌ ବି.ଆର୍‌. ଷଡ଼ଙ୍ଗୀ ଏବଂ ଜଷ୍ଟିସ୍‌ ଏସ୍‌.କେ. ପାଣିଗ୍ରାହୀଙ୍କୁ ନେଇ ଗଠିତ ଖଣ୍ଡପୀଠ ରାଜ୍ୟ ସରକାରଙ୍କୁ ଜବାବ ଦାଖଲ ଲାଗି ନୋଟିସ୍‌ ଜାରି କରିଛନ୍ତି । ସମ୍ବଲପୁରର ଆଇନଜୀବୀ ମହମ୍ମଦ ମୁସ୍ତାକ୍‌ ଅନ୍‌ସାରୀ ଏହି ମାମଲା ରୁଜୁ କରିଥିଲା ବେଳେ ରାଜ୍ୟ ମୁଖ୍ୟ ଶାସନ ସଚିବ, ବିଦ୍ୟାଳୟ ଏବଂ ଗଣଶିକ୍ଷା ଶିକ୍ଷା ସଚିବଙ୍କୁ ଏନେଇ ଜବାବ ଦାଖଲ ପାଇଁ ନିର୍ଦ୍ଦେଶ ମିଳିଛି ।

ଆବେଦନକାରୀ ପିଟିସନ୍‌ରେ ଉଲ୍ଲେଖ କରିଥିଲେ ଯେ, କରୋନା ପାଇଁ ଗତ ମାସେ ହେଲା ସମସ୍ତ ବିଦ୍ୟାଳୟ ବନ୍ଦ ରହିଛି । ଆଗକୁ ଆହୁରି କେତେ ମାସ ବନ୍ଦ ରହିବ ତାହା କହିବା ମୁସ୍କିଲ୍‌ । କିନ୍ତୁ ସ୍କୁଲ୍‌ ବନ୍ଦ ରହିଲେ ମଧ୍ୟ ବିଦ୍ୟାଳୟ କର୍ତ୍ତୃପକ୍ଷ ଟ୍ୟୁସନ୍‌ ଫି’ ନେବା ପାଇଁ ଦାବି କରୁଛନ୍ତି । ଏହି ସମୟରେ ଅନ୍ୟାନ୍ୟ ଫି’ ବୃଦ୍ଧି ଆଶଙ୍କାକୁ ବି ଏଡ଼ାଇ ଦେଇହେବ ନାହିଁ । ଗୋଟିଏପଟେ ଲୋକଙ୍କର ରୋଜଗାର ନଥିଲାବେଳେ ଅନ୍ୟପଟେ ବିଦ୍ୟାଳୟର ଫି’ ବୋଝ ଚିନ୍ତା ବଢାଇ ଦେଇଛି । ଉଭୟ କେନ୍ଦ୍ର ସରକାର ଏବଂ ରାଜ୍ୟ ସରକାର ଘରୋଇ ବିଦ୍ୟାଳୟଗୁଡ଼ିକୁ ଫି’ କମାଇବା ଲାଗି ଅନୁରୋଧ କରିଛନ୍ତି । କିନ୍ତୁ ଏହା ସତ୍ତେ୍ୱ କୌଣସି ଘରୋଇ ବିଦ୍ୟାଳୟରେ ଫି’ ଛାଡ଼ କିମ୍ବା ହ୍ରାସ ପାଇଁ କିଛି ବି ପଦକ୍ଷେପ ନିଆଯାଇନି ।

ତେଣୁ ସାମୂହିକ ସ୍ୱାର୍ଥକୁ ଦୃଷ୍ଟିରେ ରଖି ଏ ଦିଗରେ ରାଜ୍ୟ ସରକାର ଆବଶ୍ୟକ ପଦକ୍ଷେପ ନେବାକୁ ଆବେଦନକାରୀ ପ୍ରାର୍ଥନା କରିଛନ୍ତି । ମାର୍ଚ୍ଚରୁ ଜୁନ୍‌ ପର୍ଯ୍ୟନ୍ତ ଘରୋଇ ବିଦ୍ୟାଳୟଗୁଡ଼ିକ ଟ୍ୟୁସନ୍‌ ଫି’ ସଂଗ୍ରହ ନକରିବା, ଏଭଳି ଅସମୟରେ କୌଣସି ଫି’ ବୃଦ୍ଧି ନକରିବା ପାଇଁ ରାଜ୍ୟ ସରକାର ଆବଶ୍ୟକ ପଦକ୍ଷେପ ନେବାକୁ ଆବେଦନକାରୀ ପ୍ରାର୍ଥନା କରିଛନ୍ତି । ସ୍କୁଲ୍‌ ଫି’ ଛାଡ଼ ଯୋଗୁଁ ଘରୋଇ ବିଦ୍ୟାଳୟଗୁଡ଼ିକ ପକ୍ଷରୁ ସେମାନଙ୍କ ଶିକ୍ଷକ, ଶିକ୍ଷୟିତ୍ରୀ, କର୍ମଚାରୀଙ୍କୁ ଦରମା ଦେବା ସ୍କୁଲ୍‌ କର୍ତ୍ତୃପକ୍ଷଙ୍କ ପାଇଁ ସମସ୍ୟା ହୋଇପାରେ । ଏଭଳି କ୍ଷେତ୍ରରେ ରାଜ୍ୟ ସରକାର ବିଦ୍ୟାଳୟଗୁଡିକୁ ଆର୍ଥିକ ସହାୟତାର ହାତ ବଢ଼ାଇବାକୁ ହାଇକୋର୍ଟ ନିର୍ଦ୍ଦେଶ ଦେବା ଲାଗି ମଧ୍ୟ ଆବେଦନକାରୀ ପ୍ରାର୍ଥନା କରିଛନ୍ତି ।

   Related Posts