Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବାତ୍ୟା ଅପ୍‌ଡେଟ୍‌: ସାମ୍ଭାବ୍ୟ ବାତ୍ୟାକୁ ଦୃଷ୍ଟିରେ ରଖି ବାତିଲ୍‌ ହେଲା ଟ୍ରେନ୍‌
  • ||
  • ଶେଷରେ ରଦ୍ଦ ହେଲା ତିନି କୃଷି ଆଇନ, ବିଧେୟକ ଉପରେ ମୋହର ମାରିଲେ ରାଷ୍ଟ୍ରପତି ରାମନାଥ କୋବିନ୍ଦ
  • ||
  • ପଞ୍ଜାବ ନିର୍ବାଚନ ପୂର୍ବରୁ ବିଜେପିକୁ ବଡ଼ ସଫଳତା, ପଦ୍ମ ଧରିଲେ ଶିରୋମଣି ଅକାଳି ଦଳର ମନଜିନ୍ଦର ସିଂହ
  • ||
  • ନୂଆ କୋଭିଡ୍‌ ଭାରିଆଣ୍ଟକୁ ନେଇ ସଚେତନ ରହିବାକୁ ଅପିଲ୍‌ କଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ
  • ||
  • ଜୁନିୟର ହକି ବିିଶ୍ୱକପ୍‌: ସେମିରେ ପ୍ରବେଶ କଲା ଫ୍ରାନ୍ସ
  • ||
  • ବଙ୍ଗୋମୁଣ୍ଡା ଆଇଆଇସିଙ୍କୁ କୋର୍ଟ ଚାଲାଣ କଲା ଭିଜିଲାନ୍ସ
  • ||
  • ଖଣ୍ଡପଡା : କଲେଜ ସମ୍ମୁଖରୁ ୨ ଛାତ୍ରୀଙ୍କୁ ଉଠାଇନେଲେ ଦୁର୍ବୃତ୍ତ, ପ୍ରତିବାଦରେ ଛାତ୍ରଛାତ୍ରୀଙ୍କ ରାସ୍ତାରୋକ
  • ||
  • ଭୁବନେଶ୍ବର : ୪ କୋଚ୍‌ଙ୍କୁ ବାଧ୍ୟତାମୂଳକ ଅବସର, ଅପାରଗତା ଓ ଦାୟିତ୍ବରେ ଅବହେଳା ପାଇଁ କାର୍ଯ୍ୟାନୁଷ୍ଠାନ
  • ||
  • ଗ୍ରାହକଙ୍କୁ ପୁଣି ମହଙ୍ଗା ମାଡ, ସିଲିଣ୍ଡର ପିଛା ୧୦୦ ଟଙ୍କା ବଢିଲା
  • ||
  • ସାନଖେମୁଣ୍ଡି : ବିଲରେ ପଡିଛି ନରକଙ୍କାଳ, ଧାନ କାଟିବା ବେଳେ ଦେଖିଲେ ଲୋକେ
  • ||

୭ ବର୍ଷ ପରେ ଆସିଲା ରାୟ, ୩୭୮ ଓଏଏସ୍‌ ଅଫିସରଙ୍କ ଚାକିରି ବୈଧ : ୨୦୦୬ ମାମଲାରେ ସ୍ୟାଟଙ୍କ ନିର୍ଦ୍ଦେଶକୁ ରଦ୍ଦ କଲେ ହାଇକୋର୍ଟ

26/10/2021 at 2:56 PM

କଟକ ୨୬।୧୦: ୨୦୦୬ ଓଏଏସ ନିଯୁକ୍ତି ବିବାଦ ମାମଲା । ସ୍ୟାଟଙ୍କ ନିର୍ଦ୍ଦେଶକୁ ରଦ୍ଦ କଲେ ହାଇକୋର୍ଟ । ୩୭୮ଟି ପଦବୀରେ ନିଯୁକ୍ତିକୁ ନେଇ ଉପୁଜିଥିଲା ବିବାଦ । ନିଯୁକ୍ତିକୁ ଅବୈଧ ଘୋଷଣା କରିଥିଲେ ସ୍ୟାଟ । ତେବେ ସ୍ୟାଟଙ୍କ ନିର୍ଦ୍ଦେଶ ଉପରେ ପ୍ରଥମେ ରହିତାଦେଶ ଜାରି କରିଥିଲେ ହାଇକୋର୍ଟ । ୨୬ ତାରିଖ, ମଙ୍ଗଳବାର ମାମଲାର ରାୟ ପ୍ରକାଶ ପାଇଛି । ସ୍ୟାଟଙ୍କ ନିର୍ଦ୍ଦେଶକୁ ରଦ୍ଦ କରିଛନ୍ତି ହାଇକୋର୍ଟ ।

ଖବର ଅନୁଯାୟୀ, ଚାକିରୀର ସ୍ଥାୟୀତ୍ବକୁ ନେଇ ଦୀର୍ଘ ବର୍ଷ ହେଲା ସନ୍ଦେହ ଭିତରେ ରହିଆସିଥିବା ୩୭୮ ଜଣ ଓଏଏସ ଅଫିସର , ଏବେ ଆଶ୍ୱସ୍ତି ଅନୁଭବ କରିବେ । ସେମାନଙ୍କ ନିଯୁକ୍ତି ବୈଧ ବୋଲି ଘୋଷଣା କରିବା ସହ ପୂର୍ବରୁ ସ୍ୟାଟ ଦେଇଥିବା ରାୟକୁ ରଦ୍ଦ କରିଛନ୍ତି ହାଇକୋର୍ଟ । ୨୦୦୬ ମସିହାରେ ୩୭୮ ଓଏଏସ ପଦବୀ ପାଇଁ ବିଜ୍ଞପ୍ତି ପ୍ରକାଶ କରିଥିଲା ଓପିଏସସି । ବିଜ୍ଞପ୍ତି ମୁତାବକ କ୍ଲାସ ଟୁ ପୋଷ୍ଟ ପାଇଁ ଦରଖାସ୍ତ ଆହ୍ୱାନ କରାଯାଇଥିଲା , ହେଲେ କୃତକାର୍ଯ୍ୟ ହୋଇଥିବା ପ୍ରାର୍ଥୀ ମାନଙ୍କୁ କ୍ଲାସ ୱାନ ପୋଷ୍ଟରେ ନିଯୁକ୍ତି ଦେଇଥିଲେ ସରକାର । ଯାହାକୁ ବିରୋଧ କରି ସ୍ୟାଟରେ ଏକାଧିକ ମାମଲା ଦାୟର ହୋଇଥିଲା ।

୨୦୧୪ ମସିହାରେ ସ୍ୟାଟ ନିଜ ରାୟ ପ୍ରକାଶ କରିବା ସହ ସମସ୍ତ ନିଯୁକ୍ତିକୁ ଅବୈଧ ବୋଲି ଘୋଷଣା କରିଥିଲେ। ସ୍ୟାଟଙ୍କ ଉକ୍ତ ରାୟକୁ ହାଇକୋର୍ଟରେ ଚ୍ୟାଲେଞ୍ଜ କରାଯାଇଥିଲା । ଆବେଦନର ପ୍ରାରମ୍ଭିକ ଶୁଣାଣୀ କରି ସ୍ୟାଟ ନିର୍ଦ୍ଦେଶ ଉପରେ ରହିତାଦେଶ ଜାରି କରିଥିଲେ ହାଇକୋର୍ଟ । ତେବେ ମାମଲା ଦାୟର ହେବାର ପ୍ରାୟ ୭ ବର୍ଷ ପରେ ମଙ୍ଗଳବାର ହାଇକୋର୍ଟଙ୍କ ରାୟ ପ୍ରକାଶ ପାଇଛି । ଯେହେତୁ ଚୟନ ପ୍ରକ୍ରିୟାରେ ସମସ୍ତଙ୍କୁ ସମାନ ସୁଯୋଗ ଦିଆଯାଇଛି । ତେଣୁ ଅନିୟମିତତାର କୌଣସି ପ୍ରମାଣ ନଥିବା କୋର୍ଟ କହିଛନ୍ତି । ସେହିପରି ଯୋଗ୍ୟ ପ୍ରାର୍ଥୀ ମାନଙ୍କ ନିଯୁକ୍ତି ଲାଗି ଉଦ୍ଧିଷ୍ଟ ସମସ୍ତ ନିୟମ ଠିକ୍ ଭାବେ ପାଳନ ହୋଇଥିବାରୁ ସ୍ୟାଟଙ୍କ ରାୟକୁ ରଦ୍ଦ କରିଦେଇଛନ୍ତି ହାଇକୋର୍ଟ ।

   Related Posts