Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଆଉ ୨ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୪୨୬କୁ ବୃଦ୍ଧି
  • ||
  • ଭୁବନେଶ୍ବର : ୪ ଦିନିଆ ରିମାଣ୍ଡରେ ଯିବେ ୨ କଣ୍ଟ୍ରାକ୍ଟ କିଲର, ଏସଡିଜେଏମ୍ କୋର୍ଟ ଦେଲେ ଅନୁମତି
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୮ ହଜାରରୁ ଅଧିକ କରୋନା ପଜିଟିଭ୍, ୧୯୫ ମୃତ
  • ||
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୨୫୫ କରୋନା ସଂକ୍ରମିତ, ୧୦୫୦୭୬୦ରେ ପହଞ୍ଚିଲା ସଂଖ୍ୟା
  • ||
  • ସୁନ୍ଦରଗଡ : ସ୍ୱାମୀ ସାଜିଲା ସୈତାନ୍, କୁରାଢି ଚୋଟରେ ନେଇଗଲା ସ୍ତ୍ରୀର ଜୀବନ
  • ||
  • ୬ ଦିନିଆ ରିମାଣ୍ଡରେ ଆସିବ ଠକ ପ୍ରଜ୍ଞା, ଅନୁମତି ଦେଲେ ଭୁବନେଶ୍ୱର ଏସ୍‌ଡିଜେଏମ୍‌ କୋର୍ଟ
  • ||
  • ଘୋଷଣା ହେଲା ଜ୍ଞାନପୀଠ ପୁରସ୍କାର : ୨୦୨୧ ପାଇଁ ନୀଳମଣି ଫୁକନ, ୨୦୨୨ ପାଇଁ କୌଙ୍କଣୀ ସାହିତ୍ୟିକ ଦାମୋଦେର ମୌଜଙ୍କୁ ସମ୍ମାନ
  • ||

ଚିଠି ବିବାଦରେ ଫସିଥିବା ରାଜ୍ୟପାଳ ଭଗତ ସିଂହ କୋଶ୍ୟାରୀଙ୍କ ବଢିଲା ମୁସ୍କିଲ, ଅବମାନନା ନୋଟିସ୍ ଜାରି କଲେ ହାଇକୋର୍ଟ

20/10/2020 at 5:16 PM

ମୁମ୍ବାଇ ୨୦।୧୦: ମହାରାଷ୍ଟ୍ରରା ରାଜ୍ୟପାଳ ତଥା ଉତ୍ତରାଖଣ୍ଡର ପୂର୍ବତନ ମୁଖ୍ୟମନ୍ତ୍ରୀ ଭଗତ ସିଂହ କୋଶ୍ୟାରୀଙ୍କ ବିରୋଧରେ ହାଇକୋର୍ଟ ଅବମାନନା ନୋଟିସ୍ ଜାରି କରିଛି। ମଙ୍ଗଳବାର ଉତ୍ତରାଖଣ୍ଡ ହାଇକୋର୍ଟ ଏହି ନୋଟିସ୍ ଜାରି କରି କୋଶ୍ୟାରୀଙ୍କୁ ଚାରି ସପ୍ତାହ ଭିତରେ ଜବାବ ଦାଖଲ କରିବାକୁ କୁହାଯାଇଛି। ଶରଦ କୁମାର ଶର୍ମାଙ୍କ ପୀଠ ଏକ ଅଣ ସରକାରୀ ସଂଗଠନ(ଏନଜିଓ)ର ଆବେଦନ ଉପରେ ଶୁଣାଣି କରି ଏହି ନୋଟିସ୍ ଜାରି କରିଛି।

ରୁରାଲ ଲିଟିଗେସନ ଆଣ୍ଡ ଏଣ୍ଟାଇଟେଲମେଣ୍ଟ କେନ୍ଦ୍ର(ରୁଲକ) ଉତ୍ତରାଖଣ୍ଡ ଉଚ୍ଚ ନ୍ୟାୟାଳୟରେ ଜନସ୍ଵାର୍ଥ ମାମଲା ଦାଖଲ କରିଥିଲା। ଏହି ଆବେଦନ ଉପରେ ଶୁଣାଣି କରି ଅଦାଲତ ଗତ ବର୍ଷ ପୂର୍ବତନ ମୁଖ୍ୟମନ୍ତ୍ରୀଙ୍କୁ ସରକାରୀ ବାସଭବନ ତଥା ଅନ୍ୟ ସୁବିଧା ବାବଦରେ ବକେୟା ଭଡା ଛଅ ମାସ ଭିତରେ ଜମା କରିବାକୁ ଆଦେଶ ଦେଇଥିଲେ। କୋର୍ଟର ଆଦେଶ ସତ୍ଵେ ବି କୋଶ୍ୟାରୀ ବକେୟା ଅର୍ଥ ପୈଠ କରିନଥିଲେ, ଯେଉଁ କାରଣରୁ ମଙ୍ଗଳବାର ତାଙ୍କ ବିରୋଧରେ ଅବମାନନା ନୋଟିସ୍ ଜାରି କରାଯାଇଛି।

ଏହି ମାମଲାରେ କୋର୍ଟ ରାଜ୍ୟ ସରକାରଙ୍କୁ ପ୍ରଶ୍ନ କରିଛନ୍ତି ଯେ, ଆଦେଶର ଅନୁପାଳନ କଣ ପାଇଁ କରାଯାଇ ନାହିଁ। ଏହା ପରେ ବି ପୂର୍ବତନ ମୁଖ୍ୟମନ୍ତ୍ରୀ କୋଶ୍ୟାରୀଙ୍କ ବିରୋଧରେ ମୋକଦ୍ଦମା କଣ ପାଇଁ ରୁଜୁ କରାଯାଇ ନାହିଁ ?

ରାଜ୍ୟପାଳ ଓ ରାଷ୍ଟ୍ରପତିଙ୍କ ବିରୋଧରେ କୋର୍ଟରେ ଅବମାନନା ଆବେଦନ ଦାଖଲ କରିବାର ଦୁଇ ମାସ ପୂର୍ବରୁ ତାଙ୍କୁ ସୂଚନା ଦେବା ଜରୁରୀ ହୋଇଥାଏ। ଆବେଦନକାରୀ କହିଛନ୍ତି, ନିୟମକୁ ଦୃଷ୍ଟିରେ ରଖି କୋଶ୍ୟାରୀଙ୍କୁ ୬୦ ଦିନ ପୂର୍ବେ ନୋଟିସ୍ ପଠାଯାଇଥିଲା। ଅକ୍ଟୋବର ୧୦ରେ ଦୁଇ ମାସ ପୂରା ହେବା ପରେ ସେ କୋର୍ଟରେ ଯାଚିକା ଦାଖଲ କରିଥିଲେ। ସୂଚନାଯୋଗ୍ୟ, କୋଶ୍ୟାରୀଙ୍କ ଉପରେ ବାସଭବନ ଏବଂ ଅନ୍ୟ ସୁବିଧାର ଭଡା ବାବଦରେ ୪୭ ଲକ୍ଷରୁ ଅଧିକ ଟଙ୍କା ବକେୟା ରହିଛି। ଏହା ବ୍ୟତୀତ ପୂର୍ବତନ ମୁଖ୍ୟମନ୍ତ୍ରୀଙ୍କ ତରଫରୁ ବିଜୁଳି ଓ ପାଣି ବିଲ୍ ମଧ୍ୟ ପୈଠ କରାଯାଇ ନାହିଁ।

   Related Posts