ଭୁବନେଶ୍ବର ୮|୧୨: ଜୋର ଧରିଲାଣି ହାଇକୋର୍ଟବେଞ୍ଚ ପ୍ରତିଷ୍ଠା ଦାବି । ଗୋଟିଏ ପଟେ ପଶ୍ଚିମ ଓଡ଼ିଶାରେ ହାଇକୋର୍ଟ ବେଞ୍ଚ ପାଇଁ ସମ୍ବଲପୁର ବଲାଙ୍ଗିରଆଦି ଜିଲ୍ଲାରେ ଓକିଲମାନେ ଜୋରଦାର ଆନ୍ଦୋଳନ ଜାରି ରଖିଥିବା ବେଳେ ଅନ୍ୟପଟେ ଦକ୍ଷିଣ ଓଡ଼ିଶାର ଜୟପୁରରଓକିଲମାନେ ହାଇକୋର୍ଟ ବେଞ୍ଚ ପ୍ରତିଷ୍ଠା ଦାବି ଜୋରଦାର କରିଛନ୍ତି । ଜୟପୁରରେ ୫ଦିନ କୋର୍ଟ କାର୍ଯ୍ୟବର୍ଜନ କରିଛନ୍ତି ଆଇନଜୀବୀ । ଆଉ ବଲାଙ୍ଗିରରେ ଜିଲ୍ଲାପାଳଙ୍କ ଅଫିସ ସମ୍ମୁଖରେ ହୋମଯଜ୍ଞ ଚଳାଇଛନ୍ତିଆଇନଜୀବୀ ।….
{"id":62162}କେଉଁଠି ହେବ ହାଇକୋର୍ଟର ସ୍ଥାୟୀ ବେଞ୍ଚ ?ସମ୍ବଲପୁର, ବଲାଙ୍ଗିର ନା ଜୟପୁର । ହାଇକୋର୍ଟ ବେଞ୍ଚ ପାଇଁ ଏହି ସବୁ ସହରରେଚାଲିଛି ଜୋରଦାର ଆନ୍ଦୋଳନ । ସମ୍ବଲପୁର ଓ ବଲାଙ୍ଗିରରେ ହାଇକୋର୍ଟ ସ୍ଥାୟୀ ବେଞ୍ଚ ପ୍ରତିଷ୍ଠା ଦାବିପରେ ଅଭିଭକ୍ତ କୋରାପୁଟ ଜିଲ୍ଲାର ଜୟପୁରରେ ହାଇକୋର୍ଟ ବେଞ୍ଚ ପାଇଁ ଓକିଲଙ୍କ ଆନ୍ଦୋଳନ ତୀବ୍ର ହେଲାଣି। ଜୟପୁରର ଓକିଲ ମାନେ ୫ ଦିନ ହେଲା କୋର୍ଟ ବର୍ଜନକରିବା ସହ କାର୍ଯ୍ୟ ବନ୍ଦ ଆନ୍ଦୋଳନ ଜାରି ରଖିଛନ୍ତି । ଆଜି ରାଷ୍ଟ୍ରୀୟ ଲୋକ ଅଦାଲତ ଥିଲେ ବିବିଚାରପତିଙ୍କୁ କୋର୍ଟ ଛାଡିନାହାନ୍ତି ଆନ୍ଦୋଳନକାରୀ ଓକିଲ । ଏଥିପାଇଁ ଲୋକ ଅଦାଲତରେ ଶୁଣାଣି ହୋଇପାରିନି। ଆନ୍ଦୋଳନ ୧୭ ତାରିଖ ପର୍ଯ୍ୟନ୍ତ ଚାଲିବ । ଦାବିପୁରଣ ନହେଲେ ୧୮ ରେ ଅବିଭକ୍ତ କୋରାପୁଟ ଜିଲ୍ଲା ବନ୍ଦ ଧମକ ଦେଇଛି ଓକିଲ ସଂଘ।
ଆଉବଲାଙ୍ଗିର ଜିଲ୍ଲାପାଳଙ୍କ କାର୍ଯ୍ୟାଳୟ ସାମ୍ନାରେ ଚାଲିଛି ହୋମ ଯଜ୍ଞ । ପାରମ୍ପରିକବସ୍ତ୍ର ସହ ପୂଜା ସାମଗ୍ରୀ ଧରି ହୋମଯଜ୍ଞ କରିଛି ବଲାଙ୍ଗୀରଜିଲ୍ଲା ବ୍ରାହ୍ମଣ ମହାସଭା । ଉଦ୍ଦେଶ୍ୟ ବଲାଙ୍ଗିରରେ ପ୍ରତିଷ୍ଠା ହେଉ ହାଇକୋର୍ଟର ସ୍ଥାୟୀ ବେଞ୍ଚ ।ଆନ୍ଦୋଳନରେ ବ୍ରାହ୍ମଣମହାସଭା,ଯାଦବସମାଜ,ଓ୮୪ ଘର ଅଘରିଆ ସମାଜ, ମୁସଲିସ ସମ୍ପ୍ରଦାୟ ଲୋକ ସାମିଲହେବାସହ ଧାରଣା ଦେଇଛନ୍ତି । ପୂର୍ବରୁ ମିଳିତ କ୍ରିୟାନୁଷ୍ଠାନ କମିଟି ୨୪ ଘଣ୍ଟିଆ ମହାବନ୍ଦପାଳନକରିଛି । ୩ ତାରିଖରୁ କୋର୍ଟ, କଚେରୀ ବନ୍ଦକରି ଚାପ ସୃଷ୍ଟି କରିଛି । ହେଲେ ଏଯାଏଁ ସରକାରଙ୍କପକ୍ଷରୁ କୌଣସି ପ୍ରତିଶ୍ରୁତି ମିଳିନାହିଁ । ।
ରାଜ୍ୟର ବିଭିନ୍ନ ସ୍ଥାନରେ ହାଇକୋର୍ଟ ସ୍ଥାୟୀ ବେଞ୍ଚ ପ୍ରତିଷ୍ଠା ଦାବି ଜୋର ଧରୁଥିବାରୁ କେଉଁଠି ହାଇକୋର୍ଟ ବେଞ୍ଚ ପ୍ରତିଷ୍ଠା ହେବ ତାକୁ ନେଇ ପ୍ରଶ୍ନବାଚୀ ସୃଷ୍ଟି ହେଲାଣି।…..