Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ମୁଜିବ ଓ ରଶିଦଙ୍କ ଘାତକ ବୋଲିଂ, ସ୍କଟଲାଣ୍ଡକୁ ୧୩୦ ରନରେ ହରାଇଲା ଆଫଗାନିସ୍ତାନ
  • ||
  • ଇଣ୍ଡିଆନ ପ୍ରିମିୟର ଲିଗ୍ (IPL)ରେ ସାମିଲ ହେଲେ ଆଉ ୨ଟି ନୂଆ ଟିମ । ୨ ଟିମ ଅହମ୍ମଦାବାଦ ଏବଂ ଲକ୍ଷ୍ନୌ ଆସନ୍ତାବର୍ଷ ହେବାକୁ ଥିବା ଆଇପିଏଲରେ ଅଂଶଗ୍ରହଣ କରିବେ ।
  • ||
  • ରାଜ୍ୟରେ ସୁସ୍ଥ ହେଲେ ଆଉ ୩୬୦ କରୋନା ଆକ୍ରାନ୍ତ, ଖୋର୍ଦ୍ଧାରୁ ସର୍ବାଧିକ ୧୮୦ ଡିସଚାର୍ଜ
  • ||
  • ସତ ହେଲା ଧୋନୀଙ୍କ ଭବିଷ୍ୟବାଣୀ, ୫ ବର୍ଷ ତଳେ କହିଥିଲେ- ଦିନେ ଏମିତି ହେବ…
  • ||
  • ରାଜ୍ୟରେ କମୁଛି କରୋନା ଗ୍ରାଫ୍: କୋଭିଡ୍ ନେଲା ଆଉ ୩ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୪୨୫ କୋଭିଡ୍ ପଜିଟିଭ୍
  • ||
  • ପଡୋଶୀ ଘରୁ ମିଳିଲା ଯୁବକଙ୍କ ଝୁଲନ୍ତା ମୃତଦେହ, ହତ୍ୟା ନା ଆତ୍ମହତ୍ୟା ?
  • ||
  • ୨ ପରିବାର ମଧ୍ୟରେ ରକ୍ତାକ୍ତ ସଙ୍ଘର୍ଷ : ୮ ଗୁରୁତର, ବୁଲିଲା ଟାଙ୍ଗିଆ ଓ କଟୁରୀ
  • ||
  • କାର୍ତ୍ତିକ ମାସର ପ୍ରଥମ ସୋମବାର : ଧବଳେଶ୍ୱର ପୀଠରେ ୧୪୪ ଧାରା, ମନ୍ଦିର ଖାଁ ଖାଁ
  • ||
  • ୫ ଦିନ ଯାଏଁ ଖସିବନି ପାରଦ, ୨୮ରୁ କାଁ ଭାଁ ବର୍ଷା
  • ||

ISI ଆତଙ୍କବାଦୀ ଗିରଫ ହେବାପରେ ହାଇ ଆଲର୍ଟ ଜାରି, ସତର୍କ ରହିବାକୁ ଏସ୍‌ପି ଏବଂ ରେଲଓ୍ବେ ପୋଲିସକୁ କଡା ନିର୍ଦ୍ଦେଶ

20/09/2021 at 5:16 PM

ପାଟନା ୨୦/୦୯ : ଆତଙ୍କୀ ଲିଙ୍କ୍‌ ଅଭିଯୋଗରେ ୨ ଜଣ ଗିରଫ ହେବା ପରେ ଏବେ ବିହାରରେ ହାଇଆଲର୍ଟ ଜାରି କରାଯାଇଛି । ରେଲଓ୍ବେ ସୁରକ୍ଷା ବଳ (RPF)ର ଅଧିକାରୀ ଏକେ ଲାଲ୍‌ ଆତଙ୍କବାଦୀ ଆକ୍ରମଣ ହେବା ନେଇ ବିହାରର ୧୩ ଜିଲ୍ଲାରେ ହାଇଆଲର୍ଟ ଜାରି କରିଛନ୍ତି । ବିହାରର ସମସ୍ତୀପୁର, ଦରଭଙ୍ଗା, ସୀତାମଢି, ସୁପୌଲ, ମୋତିହାରୀ, ବେତିୟା, ମୁଜାଫରପୁର, ଖଗଡିୟା, ମଧୁବନୀ, ବେଗୁସୁରାୟୀ, ସହରସା, ମଧେପୁରା, ପୁର୍ଣ୍ଣିୟା ଏସପି ସମେତ ରେଳ ବିଭାଗ ଅଧିକାରୀମାନଙ୍କୁ ହାଇ ଆଲର୍ଟ ଜାରି କରାଯାଇଛି ।

ଏହି ସମସ୍ତ ଜିଲ୍ଲାରେ ସୁରକ୍ଷା ବ୍ୟବସ୍ଥାରେ ଥିବା ଅଧିକାରୀମାନଙ୍କୁ ସତର୍କ ରହିବାକୁ କୁହାଯାଇଛି । ଦିଲ୍ଲୀ ପୋଲିସ ୨ ଜଣ ISI ପାକିସ୍ତାନୀ ଆତଙ୍କବାଦୀଙ୍କୁ ଧରିବା ପରେ କୌଣସି ପ୍ରକାର ଅପ୍ରୀତିକର ପରିସ୍ଥିତି ଯେଭଳି ନଉପୁଜେ ସେ ନେଇ ଦୃଷ୍ଟି ଦିଆଯାଇଛି । ବିହାରର ବିଭିନ୍ନ ସ୍ଥାନରେ ସୁରକ୍ଷାକର୍ମୀ ଏବଂ ପୋଲିସ ପକ୍ଷରୁ ସର୍ଚ୍ଚ ଅପରେସନ ମଧ୍ୟ ଜାରିରହିଛି ।

ସୁରକ୍ଷାବଳକୁ ମିଳିଥିବା ଗୁପ୍ତ ତଥ୍ୟ ଅନୁସାରେ, ଆତଙ୍କବାଦୀମାନେ ବିଶେଷ କରି ରେଳ ଧାରଣା ଏବଂ ଭିଡ ସ୍ଥାନମାନଙ୍କରେ ଆର୍‌ଡିଏକ୍ସ ବ୍ୟବହାର କରି ବିସ୍ଫୋରଣ କରିବାକୁ ଯୋଜନା କରୁଛନ୍ତି ଆତଙ୍କୀ । ସେଥିପାଇଁ ଦେଶର ବିଭିନ୍ନ ଗୁରୁତ୍ବପୂର୍ଣ୍ଣ ସ୍ଥାନମାନଙ୍କରେ ସୁରକ୍ଷା ବ୍ୟବସ୍ଥାକୁ ବଢାଇ ଦିଆଯାଇଛି । ବିଶେଷ କରି ସର୍ଚ୍ଚ ଅପରେସନକୁ ମଧ୍ୟ ତ୍ବରାନ୍ବିତ କରାଯାଉଛି । କୌଣସି ପ୍ରକାର ଅପ୍ରୀତିକର ପରିସ୍ଥିତି ଯେଭଳି ନଉପୁଜେ ସେଥିପାଇଁ ସୁରକ୍ଷା ବ୍ୟବସ୍ଥାକୁ ଆହୁରି ମଜବୁତ କରାଯାଇଛି । ଆସନ୍ତା ଦୁର୍ଗା ପୂଜାରୁ ହିଁ ଦେଶର ବିଭିନ୍ନ ରାଜ୍ୟରେ ପ୍ରାୟ ପାର୍ବଣ ଆରମ୍ଭ ହୋଇଯାଉଛି ।

ତେଣୁ ଏହାର ସୁଯୋଗ ନେଇ ଆତଙ୍କବାଦୀମାନେ କୌଣସି ଅପରାଧ ଘଟାଇପାରନ୍ତି । ସେଥିପାଇଁ ବିହାରର ସମସ୍ତ ଏସ୍‌ପି ତଥା ସୁରକ୍ଷା ଦାୟିତ୍ବରେ ଥିବା ଅଧିକାରୀମାନଙ୍କୁ ଆଲର୍ଟ କରାଯାଇଛି । ଜନଗହଳି ପୂର୍ଣ୍ଣ ସ୍ଥାନମାନଙ୍କରେ ସୁରକ୍ଷା ବ୍ୟବସ୍ଥା ତଥା ଯାଞ୍ଚ କଡାକଡି କରାଯାଉଛି ବୋଲି ମଣ୍ଡଳ ସୁରକ୍ଷା ଅଧିକାରୀ ଏକେ ଲାଲ୍‌ କହିଛନ୍ତି ।

   Related Posts