Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ହିରୋ ଗ୍ରୁପ୍‌ର ସବୁଠୁ ଶସ୍ତା BS-6 ବାଇକ୍ ବଜାରକୁ ଆସିଲା, ବଜାଜ CT 100କୁ ଦେବ ଟକ୍କର

2/06/2020 at 7:04 PM

ନୂଆଦିଲ୍ଲୀ, ୦୨୦୬:  ହିରୋ ମୋଟୋ କର୍ପ୍ ନିଜର ସବୁଠାରୁ ଶସ୍ତା ବିଏସ-୬ ଇଞ୍ଜିନ ବିଶିଷ୍ଟ ଏଚ୍ ଏଫ୍ ଡିଲକ୍ସ୍ ବାଇକକୁ ଲଞ୍ଚ କରିଛି । ଏହି ବାଇକରେ କିକ୍ ଷ୍ଟାର୍ଟ ରହିଛି .। ଏହାର ଦାମ ରହିଛି ୪୬, ୮୦୦ ଟଙ୍କା । ଗ୍ରାହକଙ୍କୁ ଏହି ବାଇକ୍ ୨ଟି ଡିଜାଇନରେ ଉପଲବ୍ଦ ହେବ । ଗୋଟିଏ ମଡେଲରେ ସ୍ପୋକ୍ ହ୍ୱିଲ୍ ଥିବା ବେଳେ ଅନ୍ୟ ମଡେଲରେ ଆଲୟ ହ୍ୱିଲ୍ ରହିଛି । ଏହାର ଟପ୍ ଭାରିଏଣ୍ଟର ଦାମ ରହିଛି ୪୭, ୮୦୦ ଟଙ୍କା ।

ଏହାପୂର୍ବରୁ ଏହି ବାଇକର୍ ଇଲେକ୍ଟ୍ରିକ୍ ଷ୍ଟାର୍ଟ ଭାରିଏଣ୍ଟକୁ ଲଞ୍ଚ୍ କରାଯାଇଥିଲା । ଯାହାର ଦାମ ଥିଲା ୫୬,୬୭୫ ଟଙ୍କା । ଏବେ କମ୍ପାନୀ ଏହାର ଶସ୍ତା କିକ୍ ଷ୍ଟାର୍ଟ୍ ଭାରିଏଣ୍ଟ୍ ଲଞ୍ଚ୍ କରିଛି । ଯାହାର ଦାମ୍ ଇଲେକ୍ଟ୍ରିକ୍ ଷ୍ଟାର୍ଟ୍ ବାଇକ୍ ଅପେକ୍ଷା ୯୮୭୫ ଟଙ୍କା କମ । ଏହି ବାଇକ ସିଧାସଳଖ ବଜାଜର ସିଟି ୧୦୦ ସହ ଟକ୍କର ଦେବ ।

ହିରୋ ଏଚଏଫ୍ ଡିଲକ୍ସରେ ୧୦୦ ସିସିର ଇଞ୍ଜିନ ରହିଛି । ଏଥିରେ ଫୁଏଲ ଇଞ୍ଜେକ୍ସନ ସପୋର୍ଟ ମଧ୍ୟ ଦିଆଯାଇଛି । ଏହାର ଇଞ୍ଜିନ ୮୦୦୦ ଆରପିଏମରେ ୭.୯୪ ବିଏଚପିର ପାଓ୍ୱାର ଜେନେରେଟ୍ କରିଥାଏ । କମ୍ପାନୀ ଦାବି କରିଛି ଯେ, ଏଥିରେ ଆଇ୩ଏସ ଟେକ୍ନୋଲୋଜୀ ଦିଆଯାଇଛି । ଫଳରେ ୯ ପ୍ରତିଶତ ଅଧିକ ମାଇଲେଜ୍ ମିଳିଥାଏ ।

   Related Posts