ନୂଆଦିଲ୍ଲୀ ୨୧।୩: ବୃଦ୍ଧି ପାଉଛି କରୋନା ସଂକ୍ରମିତଙ୍କ ସଂଖ୍ୟା । ଶନିବାର ଆଉ ୨୨ଜଣଙ୍କ ରିପୋର୍ଟ ପଜିଟିଭ ଆସିବା ପରେ ଭାରତରେ ସାରସ-କୋଭ-୨ ରୋଗୀଙ୍କ ସଂଖ୍ୟା ୨୫୮କୁ ବୃଦ୍ଧି ପାଇଛି । ୨୫୮ ଜଣଙ୍କ ମଧ୍ୟରେ ୩୯ ବିଦେଶୀ ନାଗରିକ ଅଛନ୍ତି । ଏପର୍ଯ୍ୟନ୍ତ ଦିଲ୍ଲୀ, କର୍ଣ୍ଣାଟକ, ପଞ୍ଜାବ ଏବଂ ମହାରାଷ୍ଟ୍ରରୁ ଆସିଥିବା ୪ ଜଣଙ୍କ ମୃତ୍ୟୁ ମଧ୍ୟ ଅନ୍ତର୍ଭୁକ୍ତ ରହିଛି।
ମଧ୍ୟପ୍ରଦେଶ ଏବଂ ହିମାଚଳ ପ୍ରଦେଶରେ ନୂଆ ମାମଲା ଆସିବା ପରେ ବର୍ତ୍ତମାନ ଏହା ୨୨ଟି ରାଜ୍ୟ ତଥା କେନ୍ଦ୍ରଶାସିତ ଅଞ୍ଚଳରେ ବ୍ୟାପିଛି। ଜାନୁଆରୀ ୩୦ରେ କେରଳରୁ ଭାରତରେ ପ୍ରଥମ କୋଭିଡ-୧୯ ପଜିଟିଭ ରିପୋର୍ଟ ଆସିଛି । ତାପର ଦୁଇ ଦିନ ମଧ୍ୟରେ ଆଉ ଦୁଇଟି ପଜିଟିଭ ଚିହ୍ନଟ ହୋଇଥିଲା। ଏହି ୩ଜଣ ଚୀନ୍ ଉହାନରେ ଡାକ୍ତରୀ ଛାତ୍ର ଥିଲେ । ସେମାନେ ଉହାନରୁ ନିଜ ସହର କେରଳକୁ ଫେରିଥିଲେ । ବର୍ତ୍ତମାନ ୩ ଜଣ ସୁସ୍ଥ ହୋଇଯାଇଛନ୍ତି।
ମହାରାଷ୍ଟ୍ର :
ମହାରାଷ୍ଟ୍ରରେ ସଂକ୍ରମିତ ଲୋକଙ୍କ ସଂଖ୍ୟା ୬୩କୁ ବୃଦ୍ଧି ପାଇଛି । ଯାହାକି ସର୍ବାଧିକ କୋଭିଡ-୧୯ ମାମଲା । ଗତ ଶୁକ୍ରବାର ରାତିରେ ପ୍ରକାଶ ପାଇଥିବା ରିପୋର୍ଟ ଅନୁଯାୟୀ ମୁମ୍ବାଇରୁ ଆଉ ୧୦ ଜଣ ଏବଂ ପୁଣେରୁ ଜଣଙ୍କ ରିପୋର୍ଟ ପଜିଟିଭ ଆସିଛି । ସେମାନଙ୍କ ମଧ୍ୟରୁ ୮ଜଣ ବିଦେଶରୁ ଫେରିଥିବା ବେଳେ ସେମାନଙ୍କଠାରୁ ୩ ଜଣ ସଂକ୍ରମିତ ହୋଇଛନ୍ତି ବୋଲି ରାଜ୍ୟ ସ୍ବାସ୍ଥ୍ୟମନ୍ତ୍ରୀ କହିଛନ୍ତି। ୬୩ ରୋଗୀଙ୍କ ମଧ୍ୟରୁ ପ୍ରାୟ ୧୪ ଜଣ କରୋନା ଭାଇରସ୍ ପଜିଟିଭ୍ ଲୋକଙ୍କଠାରୁ ସଂକ୍ରମିତ ହୋଇଥିଲେ। ସରକାରୀ ତଥ୍ୟ ଅନୁଯାୟୀ ମହାରାଷ୍ଟ୍ରରେ ଜଣଙ୍କର ମୃତ୍ୟୁ ହୋଇଛି ।
କେରଳ :
ମହାରାଷ୍ଟ୍ର ପରେ କେରଳରେ କରୋନା ଭାଇରସରେ ୨ ଜଣ ବିଦେଶୀଙ୍କ ସମେତ ୪୦ଜଣ ସଂକ୍ରମିତ ହୋଇଛନ୍ତି । ୧୨ଟି ନୂଆ ମାମଲା ସହିତ କେରଳରେ ସର୍ବାଧିକ ସଂକ୍ରମିତଙ୍କ ସଂଖ୍ୟା ବୃଦ୍ଧି ହୋଇଥିବା ଜଣାପଡିଛି । ଏଥିମଧ୍ୟରୁ ୭ଜଣ ଭାରତୀୟ ଏବଂ ୫ ଜଣ ବିଦେଶୀ ନାଗରିକ ବୋଲି ସ୍ବାସ୍ଥ୍ୟ ମନ୍ତ୍ରଣାଳୟ ପକ୍ଷରୁ ସୂଚନା ମିଳିଛି । ରାଜ୍ୟରୁ ୩ ଜଣ ଲୋକ ସୁସ୍ଥ ହୋଇଛନ୍ତି ଏବଂ ଶନିବାର ସୁଦ୍ଧା କାହାର ମୃତ୍ୟୁ ହୋଇନାହିଁ।
ଉତ୍ତରପ୍ରଦେଶ :
ଦେଶର ସବୁଠାରୁ ଜନବହୁଳ ରାଜ୍ୟ ଉତ୍ତରପ୍ରଦେଶରେ ଶୁକ୍ରବାର ସୁଦ୍ଧା କରୋନା ଭାଇରସରେ ୨୪ ଜଣ ଲୋକ ସଂକ୍ରମିତ ହୋଇଛନ୍ତି ଏବଂ ସେମାନଙ୍କ ମଧ୍ୟରୁ ଜଣେ ବିଦେଶୀ ଅଛନ୍ତି। ଉତ୍ତରପ୍ରଦେଶରେ ଏପର୍ଯ୍ୟନ୍ତ ୯ ଜଣ ଲୋକ ଏହି ଭାଇରସ୍ କବଳରୁ ସୁସ୍ଥ ହୋଇଛନ୍ତି ।
ଦିଲ୍ଲୀ :
ଦିଲ୍ଲୀରେ ଜଣେ ବିଦେଶୀଙ୍କ ସମେତ ୨୬ ଜଣ ଶ୍ବାସକ୍ରିୟା ରୋଗରେ ଆକ୍ରାନ୍ତ ଅଛନ୍ତି । ରାଜଧାନୀରେ ଜଣଙ୍କର କୋଭିଡ-୧୯ରେ ମୃତ୍ୟୁ ଘଟିଛି ଏବଂ ୫ ଜଣ ଲୋକ ସଂକ୍ରମଣରୁ ସୁସ୍ଥ ହୋଇଛନ୍ତି।
ରାଜସ୍ଥାନ :
ରାଜସ୍ଥାନରେ ୨ ଜଣ ବିଦେଶୀଙ୍କ ସମେତ ୨୩ ଜଣ କରୋନା ଭାଇରସ୍ ରେ ସଂକ୍ରମିତ ହୋଇଛନ୍ତି। କୋଭିଡ-୧୯ରୁ ତିନି ଜଣ ସୁସ୍ଥ ହୋଇ ଘରକୁ ପଠାଇଛନ୍ତି।
ହରିୟାଣା :
ହରିୟାଣାରେ ୧୪ ଜଣ ବିଦେଶୀଙ୍କ ସମେତ ୨୦ ଜଣ ଲୋକ କରୋନା ଭାଇରସ୍ ରେ ଆକ୍ରାନ୍ତ ହୋଇଛନ୍ତି । ରାଜ୍ୟରେ କେହି ସୁସ୍ଥ ହୋଇନଥିବା ବେଳେ କାହାର ମୃତ୍ୟୁ ହୋଇନାହିଁ ।
ତେଲେଙ୍ଗାନା :
ତେଲେଙ୍ଗାନାରେ ଏପର୍ଯ୍ୟନ୍ତ ୧୯ ଜଣ କୋଭିଡ-୧୯ରେ ସଂକ୍ରମିତ ରହିଛନ୍ତି । ସେମାନଙ୍କ ମଧ୍ୟରୁ ୧୧ ଜଣ ବିଦେଶୀ ଅଛନ୍ତି। ଜଣେ ରୋଗୀ ସୁସ୍ଥ ହୋଇ ଘରକୁ ଫେରିଛନ୍ତି ।
କର୍ଣ୍ଣାଟକ :
କରୋନା ଭାଇରସ୍ ରେ କର୍ଣ୍ଣାଟକର ୧୫ଟି ନିଶ୍ଚିତ ମାମଲା ଅଛି | ଜଣଙ୍କର ମୃତ୍ୟୁ ହୋଇଥିବା ବେଳେ କେହି ସୁସ୍ଥ ହୋଇନାହାନ୍ତି ।
ଲଦାଖ ଏବଂ ଜାମ୍ମୁ କାଶ୍ମୀର :
ୟୁନିଅନ୍ ଟେରିଟୋରୀ ଲଦାଖରେ କୋଭିଡ୍-୧୯ ସଂକ୍ରମିତଙ୍କ ସଂଖ୍ୟା ୧୩ ବୃଦ୍ଧି ପାଇଛି ଏବଂ ଜାମ୍ମୁ କାଶ୍ମୀରରେ ୪ଜଣ କରୋନା ଭାଇରସ୍ ସଂକ୍ରମିତ ଅଛନ୍ତି ।
ଗୁଜୁରାଟ :
ଗୁଜୁରାଟରେ ୮ ଜଣ ରୋଗୀ କୋଭିଡ-୧୯ରେ ସଂକ୍ରମିତ ହୋଇଛନ୍ତି ।
ମଧ୍ୟପ୍ରଦେଶ :
ମଧ୍ୟପ୍ରଦେଶରେ ୪ ଜଣ ସାରସ-କୋଭ-୨ରେ ସଂକ୍ରମିତ ହୋଇଥିବା ଜଣାପଡିଛି।
ତାମିଲନାଡୁ :
ତାମିଲନାଡୁରେ ୩ ଜଣ କରୋନା ଭାଇରସ୍ ରେ ଆକ୍ରାନ୍ତ ଥିବାବେଳେ ଏବଂ ଜଣେ ସୁସ୍ଥ ହୋଇଛନ୍ତି।
ଆନ୍ଧ୍ରପ୍ରଦେଶ :
ଆନ୍ଧ୍ରପ୍ରଦେଶରେ ୩ଜଣ କରୋନା ଭାଇରସ୍ ରେ ସଂକ୍ରମିତ ହୋଇଛନ୍ତି ।
ଉତ୍ତରାଖଣ୍ଡ :
ଉତ୍ତରାଖଣ୍ଡରେ ମଧ୍ୟ ୩ଜଣ ସଂକ୍ରମିତ ହୋଇଛନ୍ତି ।
ପଶ୍ଚିମବଙ୍ଗ :
ପଶ୍ଚିମବଙ୍ଗରେ କୋଭିଡ-୧୯ରେ ଆକ୍ରାନ୍ତ ହୋଇଥିବା ଜଣାପଡିଛି ।
ପଞ୍ଜାବ :
ପଞ୍ଜାବରେ ଦୁଇ ଜଣ କୋଭିଡ୍-୧୯ରେ ଆକ୍ରାନ୍ତ ରହିଛନ୍ତି । ଜଣଙ୍କର ମୃତ୍ୟୁ ହୋଇଥିବା ସୂଚନା ମିଳିଛି।
ଓଡିଶା :
ଓଡିଶାରେ ଦୁଇଜଣ ରୋଗୀ ସଂକ୍ରମିତ ହୋଇଛନ୍ତି।
ହିମାଚଳ ପ୍ରଦେଶ :
ହିମାଚଳ ପ୍ରଦେଶରେ ଦୁଇଜଣ ରୋଗୀ ସଂକ୍ରମିତ ହୋଇଛନ୍ତି।
ଛତିଶଗଡ :
ଛତିଶଗଡରେ କୋଭିଡ-୧୯ରେ ଜଣେ ରୋଗୀ ସଂକ୍ରମିତ ଅଛନ୍ତି ।
ଚଣ୍ଡିଗଡ :
ଚଣ୍ଡିଗଡରେ ଜଣେ କୋଭିଡ-୧୯ରେ ସଂକ୍ରମିତ ଅଛନ୍ତି ।
ପୁଡୁଚେରୀ :
ପୁଡୁଚେରୀର ୟୁନିଅନ୍ ଅଞ୍ଚଳରେ ଏପର୍ଯ୍ୟନ୍ତ କୋଭିଡ୍-୧୯ର ଜଣେ ଆକ୍ରାନ୍ତ ହୋଇଛନ୍ତି ।