Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ମହାରାଷ୍ଟ୍ର : ଭାରସାମ୍ୟ ହରାଇ ୩୦ ଫୁଟ ଖାଇକୁ ଖସିଲା ବସ୍, ୫ ଜଣଙ୍କ ମୃତ୍ୟୁ, ୩୫ ଆହତ
  • ||
  • କାର୍ଯ୍ୟରେ ଅବହେଳା ପାଇଁ ନିଲମ୍ବିତ ହେଲେ ଗୁଣୁପୁର ତହସିଲଦାର
  • ||
  • ଚେନ୍ନାଇ ସୁପରକିଙ୍ଗ୍ସକୁ ବଡ ଝଟକା, ଆହତ କାରଣରୁ ଆଇପିଏଲ୍‌ର ବାକି ମ୍ୟାଚ୍‌ରୁ ବାଦ୍ ପଡିଲେ ଡ୍ଵେନ ବ୍ରାଭୋ
  • ||
  • ରାଜ୍ୟରେ ଆଉ ୧୩ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ରାଜ୍ୟରେ ୧୯୩୧ କରୋନା ସଂକ୍ରମିତ ଚିହ୍ନଟ
  • ||
  • ୧୨କୋଟି ଟଙ୍କାର ଜିଏସ୍‌ଟି ଠକେଇ ଅଭିଯୋଗ, ବିଭାଗ ପକ୍ଷରୁ ଛାନ୍‌ଭିନ୍‌ ଆରମ୍ଭ
  • ||
  • ବିଜାପୁରରେ ଏନ୍‌କାଉଣ୍ଟର : ଜଣେ ନକ୍ସଲ ନିହତ, ୨ ଯବାନ ଆହତ
  • ||
  • ମାଓବାଦୀଙ୍କ ବର୍ବର କାଣ୍ଡ , ପୋଲିସ ଇନଫର୍ମର ସନ୍ଦେହରେ ଘରୁ ଡାକି ନେଇ ହତ୍ୟା
  • ||

କରୋନା ସଂକ୍ରମଣକୁ ନେଇ ୫ଟି ମିଛକଥା, ଯାହାକୁ ସତ ମାନୁଛେ ଆମେ

21/03/2020 at 4:44 PM

ସାରା ବିଶ୍ୱକୁ ଏବେ ସଞ୍ଚରି ଯାଇଛି କରୋନା। ଚୀନ ପରେ ଇଟାଲୀ ଓ ଇରାନ ଏବେ ସବୁଠୁ ଗୁରୁତର ପ୍ରଭାବିତ ଦେଶ । ଏହି ଭୂତାଣୁ ଏବେ ଆମ ଦେଶକୁ ବି ଆସି ସାରିଛି। ଏଥିରେ ଲୋକେ ଆତଙ୍କିତ ହେବା ସ୍ୱଭାବିକ। ଦେଶରେ ଦିନକୁ ଦିନ କରୋନା ପଜେଟିଭ ଲୋକଙ୍କ ସଂଖ୍ୟା ବଢି ବଢି ଚାଲିଥିବା ବେଳେ ନାନା ଗୁଜବ ବି ପ୍ରସାରିତ ହେଉଛି। ଯାହାକୁ ଆମେ ବି ସତ ମାନୁଛେ। ତେବେ ଆସନ୍ତୁ ଜାଣିବା ଗୁଜବ ଓ ସତ ମଧ୍ୟରେ କେତେ ଅନ୍ତର।

୧-ଅଦା ଓ ରସୁଣ ଗୁଜବ
କୁହାଯାଉଛି ଅଦା ଓ ରସୁଣ ଖାଇଲେ କରୋନା ଭୂତାଣୁ ପାଖ ପଶିବନି। ତେବେ ଏଭଳି କଥାରେ ପଡନ୍ତୁନି। ସାଧାରଣତଃ ଏହା ମସଲା ଭାବେ ବ୍ୟବହାର ହୁଏ ଓ ଏଭଳି ପଦାର୍ଥ ଦେହକୁ ଗରମ ରଖିବା ଲାଗି ଉଦ୍ଦିଷ୍ଟ। ତେବେ ଏଥିଯୋଗୁ କରୋନା ସଂକ୍ରମଣ ହେବନି ତାହା କୁହାଯାଇପାରିବନି। ଶରୀରର ରୋଗ ପ୍ରତିଷେଧକ କ୍ଷମତା ମଜଭୁତ ଥିଲେ ଭୂତାଣୁର ପ୍ରତିରୋଧ ହୋଇପାରେ। ତେବେ ସଂକ୍ରମଣର ଚିକତ୍ସା ଲାଗି ଆବଶ୍ୟକ ଔଷଧ ଏବେବି ବଜାରକୁ ଆସିନାହିଁ।

୨-ଆଲକୋହଲ
ସେହିପରି ଆଲକୋହଲର ସେବନ ଏଭଳି ଭୂତାଣୁର ସଂକ୍ରମଣ ରୋକିବ ବୋଲି ମଧ୍ୟ ପ୍ରଚାରିତ ହେଉଛି। ତେବେ ଏହା ମଧ୍ୟ ଏକ ଗୁଜବ। ଆଲକୋହଲ ଆଣ୍ଟି ଫଙ୍ଗାଲ ଭଳି କାମ କରିଥାଏ ହେଲେ କରୋନା ଭୂତାଣୁ ବିରୋଧରେ ନୁହେଁ ବୋଲି ବିଶେଷଜ୍ଞ ସ୍ପଷ୍ଟ କରିସାରିଲେଣି। ଏଣୁ ଆଲକୋହଲକୁ ନେଇ ଯାହା କୁହାଯାଉଛି ତାହା ମିଥ୍ୟା ବୋଲି ସ୍ପଷ୍ଟ ହୋଇଯାଆନ୍ତୁ।

୩-ତାପମାତ୍ରା
ଏହା ମଧ୍ୟ କୁହାଯାଉଛି ଅଧିକ ତାପମାତ୍ରାରେ ଏହି ଭୂତାଣୁ ନଷ୍ଟ ହୋଇଯାଏ। ହେଲେ ଏହା ମଧ୍ୟ ଅଦା,ରସୁଣ ଓ ଆଲକୋହଲ ଭଳି ମିଛ କଥା। ଏହି ଭୂତାଣୁ ଥଣ୍ଡାରେ କମ୍ ସଂକ୍ରମିତ ହୁଏ ବୋଲି ଜଣାପଡିଛି। ଗରମରେ ଏହାର ସଂକ୍ରମଣ ପ୍ରତିଶତ ଅଧିକ।

୪-ପୋଷା ପଶୁପକ୍ଷୀଙ୍କଠୁ ମାଡୁଛି ସଂକ୍ରମଣ
ଏପରି କୁହାଯାଉଛି ପୋଷା ପଶୁପକ୍ଷୀଙ୍କ ଠାରୁ ମଣିଷକୁ ଏହି ଭୂତାଣୁ ସଂକ୍ରମଣ ହେଉଛି। ତେବେ ବିଶ୍ୱ ସ୍ୱାସ୍ଥ୍ୟ ସଙ୍ଗଠନ (ଡବ୍ଲୁଏଚଓ) ଏନେଇ ସମସ୍ତ ଆଶଙ୍କାକୁ ନିରାଧାର କହିଛନ୍ତି। କରୋନା ସଂକ୍ରମଣରେ ଏପର୍ଯ୍ୟନ୍ତ ବିଶ୍ୱର କେଉଁଠି ହେଲେ ଏପରି ଅଭିଯୋଗ ମିଳି ନାହିଁ। ତେବେ ସତର୍କତା ସ୍ୱରୂପ ପୋଷା ପ୍ରାଣୀଙ୍କ ସହ ସମୟ କାଟିବା ପରେ ହାତ ଧୋଇନେବା ଦରକାର ବୋଲି କହିଛନ୍ତି ଡବ୍ଲୁଏଚଓ।

୫-ସଂକ୍ରମିତ ହେଲେ ମୃତ୍ୟୁ ନିଶ୍ଚିତ
ପ୍ରଚାରିତ ହେଉଛି କରୋନା ସଂକ୍ରମିତ ହେଲେ ମୃତ୍ୟୁ ନିଶ୍ଚିତ। ତେବେ ଏହା ମଧ୍ୟ ଅମୂଳକ। କାରଣ ବିଶ୍ୱରେ କରୋନା ଜନିତ ମୃତ୍ୟୁ ହାର ମାତ୍ର ୨ରୁ ୩ ପ୍ରତିଶତରେ ଅଛି। କାରଣ ଏହି ଭୂତାଣୁ କେବଳ ସେହିମାନଙ୍କୁ ନିଜର ଶିକାର କରୁଛି ଯେଉଁମାନଙ୍କ ଠାରେ ରୋଗ ପ୍ରତିରୋଧକ ଶକ୍ତି କମ୍। ଏଣୁ ମୃତକଙ୍କ ମଧ୍ୟରେ ବୟସ୍କ ଲୋକଙ୍କ ସଂଖ୍ୟା ସର୍ବାଧିକ ଯେଉଁମାନେ ଏକାଧିକ ରୋଗରେ ଆକ୍ରାନ୍ତ ଥିଲେ।  

   Related Posts