Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ୨୪ରେ ବଙ୍ଗୋପସାଗରରେ ଲଘୁଚାପ, ନେଇପାରେ ଅବପାତର ରୂପ
  • ||
  • ସଂକ୍ରମଣ ସାମାନ୍ୟ କମିଲା : ଦେଶରେ ୨୪ ଘଣ୍ଟାରେ ୩ ଲକ୍ଷ ୧୧ ହଜାରରୁ ଅଧିକ ପଜିଟିଭ୍, ୪୦୭୭ ମୃତ
  • ||
  • ୧୧ ହଜାର ଉପରେ କରୋନା ସଂକ୍ରମଣ, ରାଜ୍ୟରେ ଗତ ୨୪ଘଣ୍ଟାରେ ବାହାରିଲେ ୧୧୭୩୨ ପଜିଟିଭ୍
  • ||
  • ରାଜ୍ୟରେ କରୋନା ନେଲା ଆଉ ୧୯ଜଣଙ୍କ ଜୀବନ, ୨୩୧୩ରେ ପହଞ୍ଚିଲା ମୃତ୍ୟୁସଂଖ୍ୟା
  • ||
  • ଟ୍ରାନ୍ସଫର୍ମର ଉପରେ ଚଢିଗଲେ ଯୁବକ, ଜଳି ଯାଉଥିବା ବେଳେ ଉଦ୍ଧାର କଲା ଅଗ୍ନିଶମ ବାହିନୀ
  • ||
  • ସ୍ୱାମୀ ନା ସଇତାନ ? ସ୍ତ୍ରୀକୁ ପିଟିପିଟି କଲା ହତ୍ୟା
  • ||
  • ପାରା ଧରିବା ବେଳେ ଲାଗିଗଲା ବିଦ୍ୟୁତ ତାର, ପୋଡିଗଲା ଶରୀରର ୯୦%
  • ||

ବାୟୁ ପ୍ରଦୂଷଣରୁ ଫୁସଫୁସକୁ ରକ୍ଷା କରିବାକୁ ସକାଳେ ସେବନ କରନ୍ତୁ ହର୍ବଲ ଚା’

5/11/2020 at 7:21 PM

ଭୁବନେଶ୍ୱର ୦୫/୧୧ : ବାୟୁ ପ୍ରଦୂଷଣର ସ୍ତର ବୃଦ୍ଧି ହେବାସହ ତାପମାତ୍ରା ମଧ୍ୟ କମିଯାଇଥାଏ। ବାସ୍ତବରେ ପାଣିପାଗ ବାୟୁର ଗୁଣକୁ ମଧ୍ୟ ବହୁତ ପ୍ରଭାବିତ କରିଥାଏ। ଯେଉଁଥିପାଇଁ ଲୋକଙ୍କୁ ନିଶ୍ୱାସ ନେବାରେ ଅସୁବିଧା ହୋଇଥାଏ। ପ୍ରଦୂଷିତ ବାୟୁରେ ନିଶ୍ୱାସ ନେବା ଦ୍ୱାରା ଆଜମା, ବ୍ରୋଙ୍କାଇଟିସ୍, ନିମୋନିଆ ଏବଂ କ୍ରନିକ୍ ଫୁସଫୁସ ରୋଗ ଭଳି ଅନେକ ସମସ୍ୟା ଦେଖାଦେଇଥାଏ। ଏହି ଭଳି ସ୍ୱାସ୍ଥ୍ୟ ସମ୍ବନ୍ଧୀୟ ସମସ୍ୟାରୁ ରକ୍ଷା ପାଇବା ପାଇଁ ଫୁସଫୁସକୁ ଧୂଳି କଣିକା ଠାରୁ ରକ୍ଷା କରିବା ଅତ୍ୟନ୍ତ କଷ୍ଟକର ହୋଇଯାଏ।

ପ୍ରଦୂଷଣର ସ୍ଥର ବୃଦ୍ଧି ନେଇ ଜୀବନଶୈଳୀ ବିଶେଷଜ୍ଞ ଏବଂ ୱେଲନେସ୍ କୋଚ୍ ଲୁକ କାଉଟିନୋ ଉଦ୍ବେଗ ପ୍ରକାଶ କରି ଏଥିରୁ ରକ୍ଷା ପାଇବା ପାଇଁ ନିଜ ଇନଷ୍ଟାଗ୍ରାମ ପେଜରେ ଏକ ଘରୋଇ ଉପଚାର ସେୟାର କରିଛନ୍ତି। ଏହି ଘରୋଇ ଉପଚାର ଫୁସଫୁସକୁ ସଫା ରଖିବାରେ ଅତ୍ୟନ୍ତ ପ୍ରଭାବଶାଳୀ ପ୍ରମାଣିତ ହୋଇପାରେ। ଲୁକ ନିଜ ପୋଷ୍ଟରେ ଏକ ବିଶେଷ ପ୍ରକାରର ଚା’ ବିଷୟରେ ଉଲ୍ଲେଖ କରିଛନ୍ତି ଯାହା ଫୁସଫୁସକୁ ସଫା ରଖିବାରେ ସାହାଯ୍ୟ କରିଥାଏ ଏବଂ ରୋଗ ପ୍ରତିରୋଧକ ଶକ୍ତି ବୃଦ୍ଧି କରିବାରେ ସାହାଯ୍ୟ କରିଥାଏ। ଏହି ବିଶେଷ ଚା’ କେମିତି ପ୍ରସ୍ତୁତ କରିବେ ଜାଣନ୍ତୁ।

ଏହି ଚା’ ପ୍ରାକୃତିକ ଜଡିବୁଟି ଏବଂ ମସଲାରେ ପ୍ରସ୍ତୁତ କରାଯାଏ ଯାହା ସାଧାରଣତଃ ପ୍ରତ୍ୟେକଙ୍କ ଘରେ ଉପଲବ୍ଧ ଏବଂ ଏହାର ଔଷଧୀୟ ଗୁଣ ମଧ୍ୟ ରହିଛି। ଏହି ଚା’ ରୋଗ ପ୍ରତିରୋଧକ ଶକ୍ତି ବୃଦ୍ଧି କରିବାରେ ସାହାଯ୍ୟ କରିଥାଏ। ବର୍ତ୍ତମାନ ପରିସ୍ଥିତିରେ କରୋନା ମୁକାବିଲା ପାଇଁ ଏବଂ ସଂକ୍ରମଣରୁ ସୁରକ୍ଷିତ ରହିବା ପାଇଁ ଏହିଭଳି ଔଷଧୀୟ ଗୁଣ ବିଶିଷ୍ଟ ପାନୀୟ ଏବଂ ରୋଗ ପ୍ରତିରୋଧକ ବିଶେଷ ଗୁରୁତ୍ୱପୂର୍ଣ୍ଣ।

ତାପମାତ୍ରା ହ୍ରାସ ପାଇବା ସହ ବାୟୁ ପ୍ରଦୂଷଣର ସ୍ଥର ବୃଦ୍ଧି ପାଇଥାଏ ଯାହା ଫୁସଫୁସ ସମ୍ବନ୍ଧୀୟ ଅନେକ ସମସ୍ୟା ସୃଷ୍ଟି କରିଥାଏ। ପ୍ରତିଦିନ ଏହି ଚା’ ପିଇବା ଦ୍ୱାରା ଏହା ଫୁସଫୁସକୁ ସଫା କରିବାରେ ସାହାଯ୍ୟ କରିଥାଏ। ଏହା ବ୍ୟତୀତ ଏହି ଚା’ ସେବନ ପ୍ରତିରୋଧକ କ୍ଷମତାକୁ ମଜବୁତ କରେ ଯାହା ଅସୁସ୍ଥତାକୁ ରୋକିଥାଏ।

ଜାଣନ୍ତୁ ପ୍ରସ୍ତୁତି ପ୍ରଣାଳୀ :

ଏହି ଚା’ ପ୍ରସ୍ତୁତ କରିବାକୁ ଆପଣଙ୍କୁ ଆବଶ୍ୟକ, ୧ ଇଞ୍ଚ କୋରା ଅଦା, ୧ ଛୋଟ ଚାମଚ ଡାଲଚିନି, ଅଧା ଚାମଚ ତୁଳସୀ ପତ୍ର, ୧ ଚାମଚ ଜୁଆଣି, ୩ଟି ଗୋଲମରିଚ, ୨ଟି ଅଳେଇଚ, ୧/୪ ଚାମଚ ପାନମଧୁରୀ, ୧/୪ ଚାମଚ ଜିରା

ଏହିସବୁ ସାମଗ୍ରୀକୁ ଏକ ପ୍ୟାନରେ ପକାଇ ଗୋଟିଏ ଗ୍ଲାସ ପାଣି ଢାଳନ୍ତୁ। ଏହାକୁ ୧୦ ମିନିଟ ଫୁଟାନ୍ତୁ। ଏହାପରେ ତାକୁ ଏକ କପରେ ଛାଣି ଦିଅନ୍ତୁ। ସ୍ୱାଦ ପାଇଁ ଏଥିରେ ଆପଣ ମହୁ କିମ୍ବା ଗୁଡ ମଧ୍ୟ ମିଶାଇ ପାରିବେ।

ନିୟମିତ କଫି ପିଇବା ଛାଡି ପ୍ରତିରୋଧକ କ୍ଷମତା ବଢାଇବାକୁ ଏବଂ ଫୁସଫୁସ ସଫା ରଖିବାକୁ ସକାଳୁ ଏହି ହର୍ବଲ ଚା’ ସେବନ କରନ୍ତୁ। ଦିନକୁ ଅନେକଥର ଏହି ଚା’ ସେବନ କରିବା ଦରକାର ନାହିଁ। ଏହାର ଫାଇଦା ଉଠାଇବା ପାଇଁ ସକାଳୁ ସେବନ କରନ୍ତୁ।

ଅନେକ ପ୍ରକାର ମସଲାର ମିଶ୍ରଣରେ ଏହି ଚା’ ପ୍ରସ୍ତୁତ ହେଉଥିବାରୁ ଏହା ଶରୀରକୁ ଗରମ କରିଥାଏ। ଶରୀରର ଗରମ ହେବା ସ୍ୱାସ୍ଥ୍ୟ ପାଇଁ ହାନିକାରକ। ସେଥିପାଇଁ ଦିନ ସାରା ପ୍ରଚୁର ପାଣି ପିଅନ୍ତୁ। ସାଧାରଣତଃ ଶୀତ ଦିନରେ ଲୋକେ କମ ପାଣି ପିଇଥାନ୍ତି। ସେଥିପାଇଁ ପାଣିଯୁକ୍ତ ଫଳ ଓ ପନିପରିବା ସେବନ କରନ୍ତୁ। ଯଦି ଆପଣ କୌଣସି ପୁରୁଣା ସ୍ୱାସ୍ଥ୍ୟ ସମସ୍ୟାରେ ପୀଡିତ ତାହେଲେ ଏହି ଚା’ ସେବନ କରିବା ପୂର୍ବରୁ ନିଜ ଡାକ୍ତରଙ୍କ ସହ ପରାମର୍ଶ କରନ୍ତୁ।

(ବି: ଦ୍ର: ଦିଆଯାଇଥିବା ସୂଚନା ସାମାନ୍ୟ ତଥ୍ୟ ଉପରେ ଆଧାରିତ, କୌଣସି ପଦକ୍ଷେପ ନେବା ପୂର୍ବରୁ ବିଶେଷଜ୍ଞଙ୍କୁ ପରାମର୍ଶ କରନ୍ତୁ)

   Related Posts