Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବିରାଟ କୋହଲିଙ୍କ ଘୋଷଣା, ଟି-୨୦ ୱାର୍ଲ୍ଡ କପ୍‌ ପରେ ଛାଡ଼ିବେ କ୍ୟାପ୍ଟେନ୍‌ ପଦ
  • ||
  • ସାନଖେମୁଣ୍ଡି : ଭିଜିଲାନ୍ସ ଜାଲରେ ଆସିଷ୍ଟାଣ୍ଟ ଇଂଜିନିୟର, ଠିକାଦାରଙ୍କଠୁ ନେଉଥିଲେ ୫୦ହଜାର ଟଙ୍କା ଲାଞ୍ଚ
  • ||
  • ନୂଆଦିଲ୍ଲୀ : ବଙ୍ଗୋପସାଗରରେ ଦାନା ବାନ୍ଧୁଛି ଆଉ ଏକ ଲଘୁଚାପ, ୧୯ ଓ ୨୦ରେ ପ୍ରବଳ ବର୍ଷା ସମ୍ଭାବନା : IMD ଡିଜି
  • ||
  • ମାଲକାନଗିରି : ମାଲକାନଗିରିରେ ସୁରକ୍ଷାକର୍ମୀ-ମାଓବାଦୀ ଗୁଳିବିନିମୟ, ଛତ୍ରଭଙ୍ଗ ଦେଲେ ମାଓବାଦୀ : କ୍ୟାମ୍ପ୍‌ରୁ ବିପୁଳ ପରିମାଣର ମାଓ ସାମଗ୍ରୀ ଠାବ
  • ||
  • ପୁରୀ : ଶୁକ୍ରବାର ବନ୍ଦ ରହିବ ଶ୍ରୀମନ୍ଦିର, ବିଶେଷ ନୀତି ଯୋଗୁଁ ଶ୍ରୀଜିଉଙ୍କୁ ଦର୍ଶନ କରିପାରିବେନି ଶ୍ରଦ୍ଧାଳୁ
  • ||
  • ସୋର : ଫୁଲୁଛି କାଂଶ ବାଂଶ ନଦୀ, ବଢୁଛି ଜଳସ୍ତର : ଚିନ୍ତାରେ ତଳିଆ ଅଞ୍ଚଳବାସୀ
  • ||
  • ଖଣ୍ଡପଡା : ରଥିଆ ନାଳରେ ଭାସି ବୃଦ୍ଧ ନିଖୋଜ, ମାଛ ଧରିବାକୁ ଯାଇ ନାଳରେ ଭାସିଯାଇଥିବା ସନ୍ଦେହ
  • ||
  • ଜଗତସିଂହପୁର : ମହାନଦୀ ବନ୍ୟାଜଳରେ ବୁଡି ଗାଡି ଚାଳକ ନିଖୋଜ, ଇଟାଭାଟିକୁ ଯାଉଥିବା ବେଳେ ଅଘଟଣ
  • ||
  • ଯାଜପୁର : ପାଣିରେ ଭାସି ଯାଇଥିଲେ ବାପା-ପୁଅ, ଠାବ ହେଲା ମୃତଦେହ
  • ||
  • ଉପରତଳ ହେଉଛି କରୋନା ଗ୍ରାଫ : ୨୪ ଘଣ୍ଟାରେ ବାହାରିଲେ ୫୮୦ କୋଭିଡ୍ ପଜିଟିଭ୍
  • ||

ଅଣ୍ଡା ନଦେଇ ଚିଆଁ ଜନ୍ମ କଲା କୁକୁଡା ! ଆଶ୍ଚର୍ଯ୍ୟ ହୋଇଗଲେ ମାଲିକ, କହିଲେ- ‘କେବେ ଦେଖିନଥିଲି ଏପରି ଘଟଣା’

5/07/2020 at 8:25 PM

ନୂଆପଡା, ୦୫|୦୭: ପ୍ରଥମେ କୁକୁଡା ନା ଅଣ୍ଡା ? ଏହି ପ୍ରଶ୍ନ ଆପଣ ଅନେକ ଥର ଶୁଣିଥିବେ । କିନ୍ତୁ କେବେ କୁକୁଡା ଅଣ୍ଡା ବଦଳରେ ଚିଆଁ ଜନ୍ମ କରିଥିବା ଶୁଣିଛନ୍ତି କି ? ଏପରି ଏକ ଚକିତ କଲା ଭଳି ଘଟଣା ରାଜ୍ୟର ନୂଆପଡା ଜିଲ୍ଲାରେ ଦେଖିବାକୁ ମିଳିଛି । ଏଠାରେ ଏକ କୁକୁଡା ଅଣ୍ଡା ନଦେଇ ଛୁଆ ଜନ୍ମ କରିଛି ।

ନୂଆପଡା ଜିଲ୍ଲାର ଇଚ୍ଛାପୁର ଗ୍ରାମରେ ଅମ୍ୱିକା ମାଝୀ କୁକୁଡା ବିକ୍ରି କରି ପେଟ ପୋଷନ୍ତି । ତାଙ୍କ ଘରେ ଏକ କୁକୁଡା ଅଣ୍ଡା ନଦେଇ ଛୁଆ ଜନ୍ମ କରିଛି । ତେବେ ଜନ୍ମ ହେବାର ୧୦ ମିନିଟ ପରେ ଚିଆଁଟି ମରିଯାଇଥିଲା । ଅମ୍ବିକା କହିଛନ୍ତି ଯେ, କୁକୁଡାଟି ଅଣ୍ଡା ଦେବା ପରେ ୯ଟି ଅଣ୍ଡାକୁ ଉଷମାଉଥିଲା । ହଠାତ ସେ ଅନ୍ୟ ଏକ ସ୍ଥାନକୁ ଚାଲିଯାଇଥିଲା । ଏହି ସ୍ଥାନରୁ ସେ ଜମା ଉଠିନଥିଲା । ସେତେବେଳେ ଲୋକମାନେ ଯାହା ଦେଖିଲେ ଆଶ୍ଚର୍ଯ୍ୟ ହୋଇଯାଇଥିଲେ । କୁକୁଡାଟି ଏକ ଚିଆଁକୁ ଜନ୍ମ ଦେଇଥିଲା । ସେ ଆଖପାଖରେ କୌଣସି ଭାଙ୍ଗିଯାଇଥିବା ଅଣ୍ଡା ପଡିନଥିଲା । ସେ କେବେବି ଏପରି ଘଟଣା ଦେଖିନଥିଲେ ।

ଏହି ଘଟଣାକୁ ନେଇ ଜିଲ୍ଲାର ମୁଖ୍ୟ ପଶୁ ଚିକିତ୍ସା ଅଧିକାରୀ ତ୍ରିଲୋଚନ ଢଳ କହିଛନ୍ତି ଯେ, ସେ ନିଜ ଜୀବନରେ ଏପରି ଘଟଣା କେବେ ହେଲେ ଦେଖିନଥିଲେ । କୁକୁଡାର ପ୍ରଜନନ ତନ୍ତ୍ରରେ ଅଣ୍ଡା ବାହାରକୁ ବାହାରିବା ବଦଳରେ ବିକଶିତ ହୋଇଯାଇଥିବା ଅନୁମାନ କରାଯାଉଛି । ଶରୀରରୁ ବାହାରକୁ ଆସିବା ପରେ କୁକୁଡା ୨୧ ଦିନ ଯାଏଁ ଉଷୁମାଇଥାଏ ଯେପରି ଚିଆଁ ଜନ୍ମ ହୋଇପାରିବେ ।

ସୂଚନାଯୋଗ୍ୟ, ଏହାପୂର୍ବରୁ ୨୦୧୮ରେ କେରଳର ଓ୍ୱାଏନାଡ  ଓ ଶ୍ରୀଲଙ୍କାରେ ଏପରି ମାମଲା ସାମ୍ନାକୁ ଆସିଥିଲା । ଏହି ଦୁଇ ପରିସ୍ଥିତିରେ ମଧ୍ୟ ଚିଆଁଟି ପ୍ରାଣ ହରାଇଥିଲା ।

   Related Posts