Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବାତ୍ୟା ଅପ୍‌ଡେଟ୍‌: ସାମ୍ଭାବ୍ୟ ବାତ୍ୟାକୁ ଦୃଷ୍ଟିରେ ରଖି ବାତିଲ୍‌ ହେଲା ଟ୍ରେନ୍‌
  • ||
  • ଶେଷରେ ରଦ୍ଦ ହେଲା ତିନି କୃଷି ଆଇନ, ବିଧେୟକ ଉପରେ ମୋହର ମାରିଲେ ରାଷ୍ଟ୍ରପତି ରାମନାଥ କୋବିନ୍ଦ
  • ||
  • ପଞ୍ଜାବ ନିର୍ବାଚନ ପୂର୍ବରୁ ବିଜେପିକୁ ବଡ଼ ସଫଳତା, ପଦ୍ମ ଧରିଲେ ଶିରୋମଣି ଅକାଳି ଦଳର ମନଜିନ୍ଦର ସିଂହ
  • ||
  • ନୂଆ କୋଭିଡ୍‌ ଭାରିଆଣ୍ଟକୁ ନେଇ ସଚେତନ ରହିବାକୁ ଅପିଲ୍‌ କଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ
  • ||
  • ଜୁନିୟର ହକି ବିିଶ୍ୱକପ୍‌: ସେମିରେ ପ୍ରବେଶ କଲା ଫ୍ରାନ୍ସ
  • ||
  • ବଙ୍ଗୋମୁଣ୍ଡା ଆଇଆଇସିଙ୍କୁ କୋର୍ଟ ଚାଲାଣ କଲା ଭିଜିଲାନ୍ସ
  • ||
  • ଖଣ୍ଡପଡା : କଲେଜ ସମ୍ମୁଖରୁ ୨ ଛାତ୍ରୀଙ୍କୁ ଉଠାଇନେଲେ ଦୁର୍ବୃତ୍ତ, ପ୍ରତିବାଦରେ ଛାତ୍ରଛାତ୍ରୀଙ୍କ ରାସ୍ତାରୋକ
  • ||
  • ଭୁବନେଶ୍ବର : ୪ କୋଚ୍‌ଙ୍କୁ ବାଧ୍ୟତାମୂଳକ ଅବସର, ଅପାରଗତା ଓ ଦାୟିତ୍ବରେ ଅବହେଳା ପାଇଁ କାର୍ଯ୍ୟାନୁଷ୍ଠାନ
  • ||
  • ଗ୍ରାହକଙ୍କୁ ପୁଣି ମହଙ୍ଗା ମାଡ, ସିଲିଣ୍ଡର ପିଛା ୧୦୦ ଟଙ୍କା ବଢିଲା
  • ||
  • ସାନଖେମୁଣ୍ଡି : ବିଲରେ ପଡିଛି ନରକଙ୍କାଳ, ଧାନ କାଟିବା ବେଳେ ଦେଖିଲେ ଲୋକେ
  • ||

ହେମନ୍ତ ସୋରେନଙ୍କ ବିବାଦୀୟ ବୟାନ- ଆଦିବାସୀ କେବେ ହିନ୍ଦୁ ନଥିଲେ, ନା ଏବେ ଅଛନ୍ତି

21/02/2021 at 8:56 PM

ରାଞ୍ଚି ୨୧।୦୨: ଆଦିବାସୀଙ୍କ ପାଇଁ ଅଲଗା ଧାର୍ମିକ ସଂହିତା  ଉପରେ ଯୁକ୍ତି ରଖି ଆସୁଥିବା ଝାରଖଣ୍ଡ ମୁଖ୍ୟମନ୍ତ୍ରୀ ହେମନ୍ତ ସୋରେନ ଏବେ ଏମିତି ବୟାନ ଦେଇଛନ୍ତି, ଯାହାକୁ ନେଇ ବିବାଦ ସୃଷ୍ଟି ହୋଇଛି। ହେମନ୍ତ ସୋରେନ କହିଛନ୍ତି, ଆଦିବାସୀ କେବେ ହିନ୍ଦୁ ନଥିଲେ। କେନ୍ଦ୍ର ସରକାରଙ୍କୁ ଆଗାମୀ ଜନଗଣନାରେ ଆଦିବାସୀଙ୍କ ଗଣନା ପାଇଁ ଏକ ଅଲଗା କଲମ ବ୍ୟବସ୍ଥା କରିବା ଉଚିତ୍ ବୋଲି ସୋରେନ କହିଛନ୍ତି।

ହେମନ୍ତ ସୋରେନଙ୍କ ଏହି ବୟାନ ଶନିବାର ବିଳମ୍ବିତ ରାତ୍ରିରେ ହାଭାର୍ଡ ଇଣ୍ଡିଆ କନଫରେନ୍ସ ସମୟରେ ଆସିଛି। ହେମନ୍ତ ସୋରେନ ଏହି କନଫରେନ୍ସକୁ ଭର୍ଚୁଆଲ ମାଧ୍ୟମରେ ସମ୍ଵୋଧିତ କରୁଥିଲେ। ହାଭାର୍ଡ ବିଜନେସ୍ ସ୍କୁଲ ଓ ହାଭାର୍ଡ କେନେଡି ସ୍କୁଲର ଛାତ୍ର କନଫରେନ୍ସର ଆୟୋଜନ କରିଥିଲେ।  

କନଫରେନ୍ସ ସମୟରେ ଯେବେ ସୋରେନଙ୍କୁ ପ୍ରଶ୍ନ ହୋଇଥିଲା ଯେ, କଣ ଆଦିବାସୀ ହିନ୍ଦୁ ନୁହନ୍ତି ? ସେ କହିଥିଲେ ଯେ, ଏହା ଉପରେ କୌଣସି ଭ୍ରମ ନାହିଁ। ଆଦିବାସୀ କେବେ ବି ହିନ୍ଦୁ ନଥିଲେ, ନା ଏବେ ସେମାନେ ହିନ୍ଦୁ। ଆଦିବାସୀ ପ୍ରକୃତିର ଉପାସକ। ସେମାନଙ୍କର ରୀତି ନୀତି ମଧ୍ୟ ଭିନ୍ନ। ଦଶନ୍ଧି ଧରି ଆଦିବାସୀ ସମାଜକୁ ଦବାଇ ରଖାଯାଇଛି। କେଉଁଠି ଅଛୁଆଁ ତ କେଉଁଠି ଆଦିବାସୀ ତ କେବେ ଅନ୍ୟ ନଜରରେ ସେମାନଙ୍କୁ ଦେଖାଯାଉଛି।

ତେଣୁ ମୁଖ୍ୟମନ୍ତ୍ରୀ କହିଛନ୍ତି, ଜନଗଣନାରେ ଆଦିବାସୀଙ୍କ ଅଲଗା ସ୍ତମ୍ଭ ହେବା ଉଚିତ୍। ଝାରଖଣ୍ଡ ବିଧାନସଭା ଗତ ବର୍ଷ ନଭେମ୍ବରରେ ସର୍ବସମ୍ମତିକ୍ରମେ ଏକ ସରନା ଆଦିବାସୀ ଧାର୍ମିକ କୋଡ୍‌ ପ୍ରସ୍ତାବ ପାରିତ କରିଥିଲା। ଜନଗଣନାରେ ଏହାକୁ ସାମିଲ କରାଇବା ପାଇଁ ପ୍ରସ୍ତାବକୁ କେନ୍ଦ୍ର ନିକଟକୁ ପଠା ଯାଇଛି।

   Related Posts