Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କେନ୍ଦ୍ରାଞ୍ଚଳ ଆରଡିସି ଭାବେ ଅନୀଲ ସାମଲଙ୍କୁ ଉତ୍ତରାଞ୍ଚଳ ଆରଡିସି(“ସମ୍ବଲପୁର) ଦାୟିତ୍ଵ
  • ||
  • ଫରେଷ୍ଟ ଗାର୍ଡଙ୍କୁ ୫ ବର୍ଷ ଜେଲ, ଫୁଲଵାଣୀ ଭିଜିଲାନ୍ସ କୋର୍ଟର ଦଣ୍ଡାଦେଶ
  • ||
  • ଗ୍ରାମୀଣ ଡାକସେବାରେ ଜାଲିଆତି କରି ଲକ୍ଷାଧିକ ଟଙ୍କା ହଡ଼ପ, ପୋଷ୍ଟ ମାଷ୍ଟର ଗିରଫ
  • ||
  • ଫେବୃଆରୀ ୨ରେ ପ୍ରକାଶ ପାଇବ ସିବିଏସଇ ଦଶମ ଓ ଦ୍ବାଦଶ ପରୀକ୍ଷା ସୂଚୀ
  • ||
  • ରାସ୍ତା କାର୍ଯ୍ୟର ତଦାରଖ କଲେ ସାଂସଦ ମଞ୍ଜୁଲତା ମଣ୍ଡଳ, ପିଚୁ ଉଠିଯାଉଥିବା ନେଇ ହୋଇଥିଲା ଅଭିଯୋଗ
  • ||
  • ମୁନିଗୁଡା : ମାଲବାହୀ ଟ୍ରେନ୍‌ର ୪ଟି ବଗି ଲାଇନଚ୍ୟୁତ, ରାୟଗଡା-ଟିଟିଲାଗଡ ମଧ୍ୟରେ ରେଳ ଚଳାଚଳ ବାଧାପ୍ରାପ୍ତ
  • ||
  • ଭୁବନେଶ୍ବର : ପିପିଲି ଉପନିର୍ବାଚନ ପାଇଁ ପ୍ରତାପ ଦେବଙ୍କୁ ପର୍ଯ୍ୟବେକ୍ଷକ ଦାୟିତ୍ବ ଦେଲା ବିଜେଡି
  • ||
  • କୋରାପୁଟ : ଘାଟିରେ ସିରିଜ୍ ଦୁର୍ଘଟଣା, ତେଲ ଟ୍ୟାଙ୍କରକୁ ପିଟିଲା ଟ୍ରକ୍, ବ୍ରେକ୍ ଫେଲ୍ ହେବାରୁ ଟ୍ରକ୍କୁ ଧକ୍କାଦେଲା ପିକଅପ୍ ଭ୍ୟାନ୍
  • ||
  • ରାଉରକେଲା : ଯୁବକଙ୍କ ଗଳିତ ମୃତଦେହ ଉଦ୍ଧାର, ଶନିବାର ରାତିରୁ ଥିଲେ ନିଖୋଜ, ହତ୍ୟା ଅଭିଯୋଗ ଆଣିଲେ ପରିବାର
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୧୩ କୋଭିଡ୍ ପଜିଟିଭ୍‌, ୩୩୪୭୮୦ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||

କେଜ୍ରିଓ୍ଵାଲଙ୍କ ପଥରେ ହେମନ୍ତ ସରକାର, ମାଗଣାରେ ବିଜୁଳି ଓ ଋଣ ଛାଡ କରିବାକୁ ବଜେଟରେ ଘୋଷଣା

3/03/2020 at 9:11 PM

ରାଞ୍ଚି ୦୩।୦୩- ଝାରଖଣ୍ଡର ହେମନ୍ତ ସରକାର ଦିଲ୍ଲୀର ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିଓ୍ଵାଲଙ୍କ ପଥକୁ ଅନୁସରଣ କରିଛନ୍ତି। ସେ କେଜ୍ରିଓ୍ଵାଲଙ୍କ ମୋଡେଲ୍ ଆପଣେଇବାକୁ ନିଷ୍ପତ୍ତି ନେଇଛନ୍ତି। ଝାରଖଣ୍ଡ ମୁକ୍ତି ମୋର୍ଚ୍ଚା ଓ କଂଗ୍ରେସର ମେଣ୍ଟ ସରକାର ନିଜର ପ୍ରଥମ ବଜେଟ୍(୨୦୨୦-୨୧)ରେ ଶିକ୍ଷା, ସ୍ଵାସ୍ଥ୍ୟ ଓ ବିଜୁଳି ଉପରେ ଧ୍ୟାନ ଦେଇଛନ୍ତି। ଦିଲ୍ଲୀ ପରି ଝାରଖଣ୍ଡରେ ୧୦୦ ୟୁନିଟ୍ ବିଜୁଳି ମାଗଣା ଏବଂ ରାଜ୍ୟରେ ମୋହଲ୍ଲା କ୍ଲିନିକ ଖୋଲିବାକୁ ମଧ୍ୟ ପ୍ରାବଧାନ କରିଛନ୍ତି। ଏହା ବ୍ୟତୀତ କୃଷକଙ୍କ ଋଣଛାଡ, ସ୍କୋଲାରସିପ ଓ ସର୍ବନିମ୍ନ ସୁବିଧା ଉପରେ ମଧ୍ୟ ବିଶେଷ ଦିଆଯାଇଛି।

ଝାରଖଣ୍ଡର ଅର୍ଥମନ୍ତ୍ରୀ ରାମେଶ୍ଵର  ଉରାଉଁ ମଙ୍ଗଳବାର ବିରୋଧୀଙ୍କ ହଟ୍ଟଗୋଳ ମଧ୍ୟରେ ବିଧାନସଭାରେ ୨୦୨୦-୨୧ର ଆର୍ଥିକ ବଜେଟ୍ ଉପସ୍ଥାପନ କରିଛନ୍ତି। ୮୬ ହଜାର  ୩୭୦ କୋଟି ଟଙ୍କାର  ବଜେଟରେ ୧୩,୦୫୪.୦୬ କୋଟି ଟଙ୍କା ପୁଞ୍ଜିଗତ ବ୍ୟୟ ଓ ୭୩, ୩୧୫.୯୪ କୋଟି ଟଙ୍କା ରାଜସ୍ଵ ବ୍ୟୟ ରଖାଯାଇଛି। ନୂତନ ଆର୍ଥିକ ବର୍ଷରେ ବିକାଶ ହାର ଆଠ ପ୍ରତିଶତ ରଖିବାକୁ ଲକ୍ଷ୍ୟ ରଖାଯାଇଛି। ଅର୍ଥମନ୍ତ୍ରୀ ଉରାଉଁ ବଜେଟରେ ଶିକ୍ଷା,  ସ୍ଵାସ୍ଥ୍ୟ ଉପରେ ବିଶେଷ ଧ୍ୟାନ ଦେଇଛନ୍ତି।

ଦିଲ୍ଲୀ ପରି ଝାରଖଣ୍ଡରେ ୧୦୦ ୟୁନିଟ ବିଜୁଳି ବ୍ୟବହାର କରୁଥିବା ଲୋକଙ୍କୁ ମାଗଣାରେ ବିଜୁଳି ଯୋଗାଇ ଦେବାକୁ ବଜେଟରେ ବ୍ୟବସ୍ଥା କରାଯାଇଛି। ଏହା ସହିତ ଦିଲ୍ଲୀ ପରି ରାଜ୍ୟରେ ୧୦୦ ମୋହଲ୍ଲା କ୍ଲିନିକ ଖୋଲିବାକୁ ବଜେଟରେ ପ୍ରସ୍ତାବ ରଖାଯାଇଛି। ବଜେଟରେ ୫୭ ଲକ୍ଷ ପରିବାରକୁ ସବସିଡି ଦରରେ ଖାଦ୍ୟଅନ୍ନ, ଲୁଙ୍ଗି ଓ ଧୋତି ଉପଲବ୍ଧ କରାଇବାକୁ ସରକାର ବଜେଟରେ ପ୍ରାବଧାନ କରିଛନ୍ତି। ଏହା ସହିତ ଗ୍ରାମାଞ୍ଚଳରେ ପ୍ରଧାନମନ୍ତ୍ରୀ ଆବାସ ଯୋଜନା ଆଧାରରେ ଘର ନିର୍ମାଣକାରୀଙ୍କୁ ଅତିରିକ୍ତ ୫୦ ହଜାର ଟଙ୍କା ଯୋଗାଇ ଦେବାକୁ ରାଜ୍ୟ ସରକାର ନିଷ୍ପତ୍ତି ନେଇଛନ୍ତି।

ବଜେଟରେ ୫୦ ବର୍ଷରୁ ଉର୍ଦ୍ଧ୍ଵ ବୟସର ସମସ୍ତ ଲୋକଙ୍କୁ, ସମସ୍ତ ବିଧବାଙ୍କୁ ରାସନ ଉପଲବ୍ଧ କରାଇବାକୁ ଯୋଜନା କରାଯାଇଛି। ବଜେଟକୁ ଲୋକାଭିମୁଖୀ କରିବା ଲାଗି ସରକାର ବଜେଟରେ ସ୍ଵତନ୍ତ୍ର ଛାତ୍ରବୃତ୍ତି ଯୋଜନା ଆରମ୍ଭ କରିବାର ପ୍ରାବଧାନ କରିଛନ୍ତି। ଏଥିପାଇଁ ବଜେଟରେ ଅଲଗା ଭାବେ ୩୦ କୋଟି ଟଙ୍କାର ବ୍ୟୟ ବରାଦ କରାଯାଇଛି।

ଚାଷୀଙ୍କୁ ୫୦ ହଜାର ଟଙ୍କା ପର୍ଯ୍ୟନ୍ତ ଋଣ ଛାଡ

ବଜେଟରେ କୃଷକଙ୍କ ଋଣ ଛାଡର ମଧ୍ୟ ଘୋଷଣା ହୋଇଛି। ବଜେଟ୍ ଭାଷଣରେ ଅର୍ଥମନ୍ତ୍ରୀ କହିଛନ୍ତି ଯେ, କୃଷକଙ୍କ ଋଣଛାଡ କରାଯିବ। ପ୍ରଥମ ପର୍ଯ୍ୟାୟରେ ୫୦ ହଜାର ଟଙ୍କା ପର୍ଯ୍ୟନ୍ତ କୃଷି ଋଣ ଛାଡ କରାଯିବ। ଜିଲ୍ଲା ସ୍କୁଲକୁ ଉଚ୍ଚସ୍ତରୀୟ ବିଦ୍ୟାଳୟ ରୂପେ ବିକଶିତ କରିବାକୁ ବଜେଟରେ ସ୍ଵତନ୍ତ୍ର ବ୍ୟବସ୍ଥା ମଧ୍ୟ କରାଯାଇଛି। ଏହା ବ୍ୟତୀତ ଗ୍ରାମାଞ୍ଚଳରେ ସ୍ଵାସ୍ଥ୍ୟ ସେବାରେ ସୁଧାର ପାଇଁ ବିଶେଷ ଯୋଜନା ପ୍ରସ୍ତୁତ କରାଯାଇଛି।

   Related Posts