Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଗତ ୨୪ ଘଣ୍ଟାରେ କରୋନାରୁ ଆରୋଗ୍ୟ ହେଲେ ୨୦୧୦ ସଂକ୍ରମିତ
  • ||
  • ମୋଦୀ ସରକାରଙ୍କ ବଡ ନିଷ୍ପତ୍ତି: ଜାମ୍ମୁ-କାଶ୍ମୀରରେ ଯେ କେହି ବି ଜାଗା କିଣି ପାରିବେ, ବିଜ୍ଞପ୍ତି ଜାରି କଲା ଗୃହ ମନ୍ତ୍ରଣାଳୟ
  • ||
  • ରାଜ୍ୟରେ ଆଉ ୧୩ କରୋନା ସଂକ୍ରମିତଙ୍କ ମୃତ୍ୟୁ, ୧୨୭୨ରେ ପହଞ୍ଚିଲା ମୃତକଙ୍କ ସଂଖ୍ୟା
  • ||
  • ରାଜ୍ୟରେ ଚିହ୍ନଟ ହେଲେ ୧୨୪୭ କରୋନା ସଂକ୍ରମିତ, ୨୮୩୯୪୨ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଢେଙ୍କାନାଳ : କେନାଲରୁ ମୃତଦେହ ଉଦ୍ଧାର, ଶୌଚ ହେବାକୁ ଯାଇ ବୁଡିଯାଇଥିବା ସନ୍ଦେହ
  • ||
  • ଢେଙ୍କାନାଳ : ସ୍ତ୍ରୀର ଚରିତ୍ରକୁ ସନ୍ଦେହ କରି ଠେଙ୍ଗାରେ ପିଟି ପିଟି ମାରିଦେଲା, ଅଭିଯୁକ୍ତ ସ୍ବାମୀ ଫେରାର
  • ||
  • ଅନୁଗୋଳ : ଶ୍ରମିକଙ୍କ ସନ୍ଦେହଜନକ ମୃତ୍ୟୁ, ବିଷାକ୍ତ ମଦ ପିଇ ମୃତ୍ୟୁ ଅଭିଯୋଗ
  • ||
  • କଳାହାଣ୍ଡି : ଯୁବକଙ୍କ କ୍ଷତ ବିକ୍ଷତ ମୃତଦେହ ଉଦ୍ଧାର, ହତ୍ୟା ଅଭିଯୋଗ ଆଣିଲେ ପରିବାର ଲୋକ
  • ||
  • ଜଲାପୁଟ ଜଳ ଭଣ୍ଡାରରେ ମାଛଧରା ଡଙ୍ଗା ବୁଡି ୩ ନିଖୋଜ, ଉଦ୍ଧାର କାର୍ଯ୍ୟ ଜାରି
  • ||
  • ପାକିସ୍ତାନ : ପେଶାଓ୍ୱାରରେ ବୋମା ବିସ୍ଫୋରଣରେ ୭ ମୃତ, ୫୫ ଆହତ
  • ||

ଭୋଟ ରାଜନୀତି : ଫସଲ କାଟିବା ପରେ ଟ୍ରାକ୍ଟର ଚଲାଇଲେ ହେମା ମାଳିନୀ

5/04/2019 at 3:13 PM

ମଥୁରା ୫/୪ : ଲୋକସଭା ନିର୍ବାଚନ ପାଇଁ ସବୁ ଦଳର ନେତା ନିର୍ବାଚନୀ ମୈଦାନରେ ନିଜର ଦବଦବା ଆରମ୍ଭ କରିଦେଇଛନ୍ତି | ପ୍ରାର୍ଥୀ ନୂଆ ନୂଆ ତରିକାରେ ପ୍ରଚାର କରୁଛନ୍ତି ଏବଂ ଭୋଟରଙ୍କୁ ନିଜ ଆଡକୁ ଆକୃଷ୍ଟ କରିବାକୁ ଚେଷ୍ଟା କରୁଛନ୍ତି | ତେବେ ବିଜେପି ପ୍ରାର୍ଥୀ ହେମା ମାଳିନୀ ମଧ୍ୟରେ ପଛରେ ନାହାନ୍ତି | ମଥୁରା ଲୋକସଭା ଆସନରୁ ନିର୍ବାଚନ ଲଢ଼ୁଥିବା ବଲିଉଡର ଡ୍ରିମ ଗାର୍ଲ ହେମା ମାଳିନୀ ଭୋଟରଙ୍କୁ ନିଜ ଆକୃଷ୍ଟ କରିବା ପାଇଁ ନୂଆ ନୂଆ ତରିକା ଅବଲମ୍ବନ କରୁଛନ୍ତି | ନିକଟରେ ହେମା ମଥୁରା ମାଂଟରେ ପହଂଚିଥିଲେ | ସେ ଏକ ବିଲରେ ଟ୍ରାକ୍ଟର ଚଳାଇଥିଲେ ଏବଂ ବିଜେପିକୁ ଭୋଟ ଦେବା ପାଇଁ ଲୋକଙ୍କୁ ଅପିଲ କରିଥିଲେ |


ଏହାସହ ହେମା ଆଳୁ ଚାଷ ହୋଇଥିବା ବିଲରୁ ଆଳୁ ଟେକି ନେଇ ସୁରକ୍ଷିତ ସ୍ଥାନରେ ରଖିଥିଲେ | ନିର୍ବାଚନ ଜିତିବା ପରେ ସେ ଚାଷୀଙ୍କୁ ଆଳୁର ସଠିକ ମୂଲ୍ୟ ଦେବା ପାଇଁ ସରକାରଙ୍କ ସହିତ କଥା ହେବେ ବୋଲି କହିଥିଲେ | ଡ୍ରିମ ଗାର୍ଲ ହେମା ମାଳିନୀଙ୍କ ଏକ ଝଲକ ପାଇବା ପାଇଁ ମଥୁରାରେ ଲୋକଙ୍କ ଭିଡ ଜମିଥିଲା | ସେଠାରେ ଲୋକେ ହେମା ମାଳିନୀ ଟ୍ରାକ୍ଟର ଚଳାଉଥିବା ଫଟୋ ଉଠାଇଥିଲେ | ହେମାଙ୍କ ଟ୍ରାକ୍ଟର ଚଳାଉଥିବା ଫଟୋ ତାଙ୍କ ଝିଅ ଇଶା ଦେଓଲ ମଧ୍ୟ ସେୟାର କରିଛନ୍ତି | ଫଟୋ ସହିତ ସେ ଏକ କ୍ୟାପସନ ମଧ୍ୟ ଲେଖିଥିଲେ | ସେ କହିଛନ୍ତି ବସନ୍ତୀ ଏବେ ଆଗକୁ ବଢୁଛି | ଦିନ ଥିଲା ବସନ୍ତୀ ଶଗଡ଼ ଚଳାଉଥିଲା କିନ୍ତୁ ଆଜି ଟ୍ରାକ୍ଟର ଚଳାଉଛି |


ସୂଚନାଯୋଗ୍ୟ ଯେ, ମଥୁରା ଲୋକସଭା ଆସନରୁ ନିର୍ବାଚନ ନିର୍ବାଚନ ଲଢ଼ୁଥିବା ହେମା ମାଳିନୀ ଲଗାତାର ଲୋକଙ୍କ ପାଖକୁ ଯାଉଛନ୍ତି ଏବଂ ପୁରା ଦମରେ ପ୍ରଚାର କରୁଛନ୍ତି | କିଛି ଦିନ ପୂର୍ବରୁ ହେମା ଫସଲ କାଟୁଥିବା ଫଟୋ ସୋସିଆଲ ମିଡ଼ିଆରେ ଭାଇରାଲ ହୋଇଥିଲା | ଫସଲ କାଟୁଥିବା ଫଟୋକୁ ନେଇ ହେମାଙ୍କୁ ସୋସିଆଲ ମିଡ଼ିଆରେ ଟ୍ରଲ କରାଯାଇଥିଲା |

   Related Posts