ମୁମ୍ବାଇ ୭/୧୧: ବଲିଉଡ୍ର ଡ୍ରିମ୍ ଗାର୍ଲ ତଥା ବରିଷ୍ଠ ଅଭିନେତ୍ରୀ ହେମା ମାଳିନୀ ଏକ ଫଟୋ ପୋଷ୍ଟ କରିଛନ୍ତି। ଫଟୋଟି ଦର୍ଶକମାନଙ୍କ ପାଇଁ ସାଧାରଣ ହୋଇପାରେ କିନ୍ତୁ ଅଭିନେତ୍ରୀ ଏହି ଫଟୋକୁ ପାଇବାକୁ ବହୁ ବର୍ଷ ହେଲା ଖୋଜୁଥିଲେ । ଶେଷରେ ଏହି ଫଟୋ ପାଇବା ପରେ ଖୁସି ହୋଇ ଇନ୍ଷ୍ଟାଗ୍ରାମରେ ସେୟାର କରିଛନ୍ତି ଅଭିନେତ୍ରୀ। ହିନ୍ଦୀ ଫିଲ୍ମରେ ଡେବ୍ୟୁ କରିବା ପୂର୍ବରୁ ଏଭଳି ଫଟୋସୁଟ୍ କରିଥିଲେ ହେମା ମାଳିନୀ।
/wp:html
ହେମା ମାଳିନୀ ଫଟୋ ସେୟାର କରି ଲେଖିଛନ୍ତି, ‘ଏହି ଫଟୋ କୁ ବହୁ ବର୍ଷ ହେଲା ଖୋଜୁଥିଲି। ଏହି ଫଟୋସୁଟ୍ ବିଶେଷ କରି ତାମିଲ୍ ମ୍ୟାଗାଜିନ୍ ପାଇଁ କରାଯାଇଥିଲା। ସପ୍ନୋ କେ ସୌଦାଗର ଫିଲ୍ମ ମାଧ୍ୟମରେ ବଲିଉଡ୍ରେ ଡେବ୍ୟୁ କରିବା ପୂର୍ବରୁ ଏଭିଏମ୍ ଷ୍ଟୁଡିଓରେ ଏହି ଫଟୋସୁଟ୍ ହୋଇଥିଲା। ମୁଁ ସେତେବେଳେ ୧୪-୧୫ ବର୍ଷର ହୋଇଥିଲି। ମୁଁ ମୋ ବାୟୋଗ୍ରାଫିରେ ଏହି ଫଟୋ ଯୋଡ଼ିବାକୁ ଚାହୁଁଥିଲି କିନ୍ତୁ ଫଟୋଟି ମିଳିନଥିଲା। ମୋତେ ଖୁସି ଲାଗୁଛି ଫଟୋ ଟି ମିଳିଲା । ସେଥିପାଇଁ ମୁଁ ଆପଣମାନଙ୍କ ସହ ସେୟାର କରୁଛି।’