Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଆଉ ୧୨ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ରାଜ୍ୟରେ ୧୫୪୦ କରୋନା ସଂକ୍ରମିତ ଚିହ୍ନଟ
  • ||
  • ଡିସେମ୍ବର ୩୧ପୂର୍ବରୁ ବସିବ ବିଧାନସଭାର ଶୀତ ଅଧିବେଶନ
  • ||
  • କରୋନାର ଦୈନିକ ସଂକ୍ରମଣରେ ବୃଦ୍ଧି, ୨୪ଘଣ୍ଟାରେ ୪୩୮୯୩ ନୂଆ ଆକ୍ରାନ୍ତ ଚିହ୍ନଟ
  • ||
  • ଅପରେସନ ଅଲ୍ଆଉଟ୍ : ସେନା ଗୁଳିରେ ୨ ଆତଙ୍କୀ ନିହତ, ବନ୍ଧୁକ ଓ ଗୁଳି ଜବତ
  • ||
  • ବିହାର ନିର୍ବାଚନ : ପ୍ରଥମ ପର୍ଯ୍ୟାୟ ପାଇଁ ମତଦାନ ଆରମ୍ଭ, ୭୧ଟି ଆସନରେ ଚାଲିଛି ଭୋଟିଂ
  • ||

ଭଙ୍ଗା କୁଡିଆରେ ୧୫ବର୍ଷ ହେଲା ବନ୍ଦୀ ଜୀବନ ବିତାଉଛନ୍ତି ଅସହାୟ ଦମ୍ପତ୍ତି, ଚିକିତ୍ସାରେ ଅର୍ଥ ସାଜିଛି ବାଧକ

30/11/2019 at 8:50 AM

ସୁନ୍ଦରଗଡ ୩୦।୧୧: ଆପଣ ଜାଣିଲେ ଆଶ୍ଚର୍ଯ୍ୟ ହେବେ ସୁନ୍ଦରଗଡ଼ ଜିଲ୍ଲା ଲେଫ୍ରିପଡ଼ା କୁଲାବିରା ଗାଁରେ ଏକ ମାନସିକ ଭିନ୍ନକ୍ଷମ ଦମ୍ପତ୍ତି ଆଜିକୁ ୧୫ବର୍ଷରୁ ଅଧିକ ସମୟ ଧରି ଏକ ଘରେ ବନ୍ଦୀ ଜୀବନ ବିତାଉଛନ୍ତି । ବାପାଙ୍କୁ ଖଟରେ ବାନ୍ଧି କାମଧନ୍ଧା କରିବାକୁ ବାହାରକୁ ଯାଉଛି ପୁଅ । ଆଉ ବନ୍ଦ କୋଠରୀରେ ପୁଅର ଆସିବା ବାଟକୁ ଅନାଇ ବସୁଛନ୍ତି ନାଚାର ବାପା ମା’ ।

କାନ୍ଥ ଫାଟି ଆଁ କଲାଣି । ପଲିଥିନ ଟଣା ଘରର ଛପର ଆଉ ଭଙ୍ଗା ଦଦରା କବାଟ ହିଁ ବୟାନ କରୁଛି ଏହି ପରିବାରର ଦୁର୍ଦ୍ଦଶାର ଚିତ୍ର । ଏମାନଙ୍କ ଦୁର୍ଦ୍ଦଶା ଏତିକିରେ ସୀମିତ ରହିନି, ଆଜିକୁ ୧୫ବର୍ଷରୁ ଅଧିକ ସମୟ ଧରି ଏହି ଭଙ୍ଗାଘର ଭିତରେ ବନ୍ଦୀ ଜୀବନ ବିତାଉଛନ୍ତି ଏକ ମାନସିକ ଭିନ୍ନକ୍ଷମ ଦମ୍ପତ୍ତି । ଖଟିଆ ଉପରେ ବାପାଙ୍କ ଗୋଡ଼କୁ ବାନ୍ଧି କାମ କରିବାକୁ ଯାଉଛି ପୁଅ । ଆଉ ଏମିତି ଚଟାଣ ଉପରେ ଘୋଡ଼ି ହୋଇ ଶୋଇରୁହନ୍ତି ମା’ । ଉଭୟ ବାପା ମା’ ବନ୍ଦ ଘରେ ପଡ଼ି ପଡ଼ି ପୁଅର ଆସିବା ବାଟକୁ ଅନାଇ ବସିଥାନ୍ତି ।

ଏଭଳି ଦୃଶ୍ୟ ଦେଖିବାକୁ ମିଳିଛି ସୁନ୍ଦରଗଡ଼ ଜିଲ୍ଲା ଲେଫ୍ରିପଡ଼ା ବ୍ଲକ୍ କୁଲାବିରା ଗାଁର ଖେଲାନନ୍ଦଙ୍କ ପରିବାରରେ । ଖେଲାନନ୍ଦ ଆଉ ତାଙ୍କ ପତ୍ନୀ ଦେବକୀ ଦୁହେଁ ମାନସିକ ରୋଗରେ ଆକ୍ରାନ୍ତ । ଏମାନଙ୍କ ଦୁଇ ପୁଅ ପରମେଶ୍ବର ଓ ରମେଶଙ୍କର ବୁଦ୍ଧି ହେଲା ଦିନଠାରୁ ବାପା ମା’ଙ୍କ ଏଭଳି ଅବସ୍ଥାକୁ ଦେଖି ଆସୁଛନ୍ତି । ବଡ଼ପୁଅ ପରମେଶ୍ବର ମଜୁରୀ ଲାଗି ୪ ପ୍ରାଣୀ କୁଟୁମ୍ବଙ୍କ ପେଟକୁ ଦାନା ଯୋଗାଡ଼ କରୁଛନ୍ତି । ଆଉ ସାନଭାଇ ରମେଶ ଗାଈ ଚରାଉଛି । ବାପା ମା’ଙ୍କ ଚିକିତ୍ସା ତ ଦୂରର କଥା ରହିବାକୁ ଘର ଖଣ୍ଡିଏ ନଥିବାରୁ ପ୍ରଶାସନ ପାଖରେ ଅନେକ ଥର ନେହୁରା ହୋଇଛନ୍ତି । ହେଲେ କେହି କେବେ ତାଙ୍କ ଦୁର୍ଦ୍ଦଶା ପ୍ରତି ଦୃଷ୍ଟି ଦେଇନାହାନ୍ତି ।

କିଏ କହୁଛି ୧୭/୧୮ ବର୍ଷ କିଏ କହୁଛି ୨୦ବର୍ଷ ହେଲା ଏହି ପରିବାର ଏମିତି ବଞ୍ଚିବାକୁ ଅହରହ ସଂଘର୍ଷ କରୁଛନ୍ତି । ହେଲେ ଏମାନଙ୍କ ଦୁର୍ଦ୍ଦଶା ଦୂର କରିବାକୁ କେହି ଆଗେଇ ଆସିନାହାନ୍ତି । ଏଠି ପ୍ରଶ୍ନ ଉଠୁଛି କୁଲାବିରା ଗାଁରେ ଏମିତି ଗୋଟେ ପରିବାର ଅଛି ବୋଲି ଜାଣି ମଧ୍ୟ କ’ଣ କରୁଛନ୍ତି ଲେଫ୍ରିପଡ଼ା ବିଡିଓ, କ’ଣ କରୁଛନ୍ତି ସୁନ୍ଦରଗଡ଼ ଜିଲ୍ଲାପାଳ, କ’ଣ କରୁଛନ୍ତି ସ୍ଥାନୀୟ ଜନ ପ୍ରତିନିଧି । ଏହି ଅସହାୟ ପରିବାର ପାଇଁ ଏମାନଙ୍କର କ’ଣ କିଛି କର୍ତ୍ତବ୍ୟ ନାହିଁ ?

ଏଠି ଗରିବ ଅସହାୟଙ୍କ ପାଇଁ ସରକାର କେତେ କ’ଣ ଯୋଜନା କରିଛନ୍ତି । ହେଲେ ପ୍ରଶାସନିକ ଅଧିକାରୀଙ୍କ ଅବହେଳା ଯୋଗୁଁ ବର୍ଷ ବର୍ଷ ଧରି ଦୁର୍ଦ୍ଦଶା ଭୋଗୁଛନ୍ତି ଏଭଳି କିଛି ଲୋକେ । ତୁରନ୍ତ ଏହି ମାନସିକ ଭିନ୍ନକ୍ଷମ ଦମ୍ପତ୍ତିଙ୍କ ଚିକିତ୍ସା ସହ ଏହି ପରିବାରକୁ ଘର ଯୋଗାଇଦେବାକୁ ଦାବି କରୁଛି ନ୍ୟୁଜ୍‌ ସେଭେନ୍‌ ।

   Related Posts