ଘଟଗାଁ, ୧୧/୦୫: କେନ୍ଦୁଝର ଜିଲ୍ଲା ଘଟଗାଁ ଥାନା ଅନ୍ତର୍ଗତ ବାଲିଯୋଡି ଗ୍ରାମ ନିକଟରେ ଦୁର୍ଘଟଣା । ଏକ ଟ୍ରକ ଦୁର୍ଘଟଣାରେ ଗାଡିର ହେଲପରଙ୍କ ମୃତ୍ୟୁ ଘଟିଛି। ମୃତକ ଜଣଙ୍କ ଆଗରପଡା ଥାନା ଅଞ୍ଚଳର କୂଳମଣି ପ୍ରଧାନ ବୋଲି ଜଣାପଡିଛି।
ମିଳିଥିବା ସୂଚନା ଅନୁଯାୟୀ, ସୋମବାର ବିଳମ୍ବିତ ରାତିରେ ବାଲିଯୋଡି ଗ୍ରାମ ନିକଟରେ ରାସ୍ତାକଡ଼ରେ ଏକ ଟ୍ରକ୍ ଛିଡା ହୋଇଥିଲା । ଏହାକୁ ଅନ୍ୟ ଏକ ଟ୍ରକ ଧକ୍କାଦେବାରୁ ଘଟଣା ସ୍ଥଳରେ ହେଲପଙ୍କ ମୃତ୍ୟୁ ଘଟିଥିଲା। ଖବର ପାଇ ଘଟଣା ସ୍ଥଳରେ ପୋଲିସ ପହଁଚି ମୃତଦେହକୁ ଉଦ୍ଧାର କରିବା ସହିତ ତଦନ୍ତ ଜାରି ରଖିଛି।