Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପୂର୍ବତନ ବିଧାୟକ ଅରୁଣ ଦେ’ ଙ୍କ ପରଲୋକ, କରୋନାରେ ଆକ୍ରାନ୍ତ ପରେ ଚାଲିଥିଲା ଚିକିତ୍ସା
  • ||
  • ସାଗର ହତ୍ୟାକାଣ୍ଡରେ ଦିଲ୍ଲୀ କ୍ରାଇମ ବ୍ରାଞ୍ଚର ୧୭୦ ପୃଷ୍ଠାର ଚାର୍ଜସିଟ୍ ଦାଖଲ, ସୁଶୀଲ କୁମାର ମୁଖ୍ୟ ଅଭିଯୁକ୍ତ
  • ||
  • ଅନୁଗୋଳ : କାଲି ଜଣଙ୍କର, ଆଜି ଆଉ ଜଣଙ୍କର ମିଳିଲା ମୃତଦେହ : ଏବେବି ଜଣେ ନିଖୋଜ
  • ||
  • ଭୁବନେଶ୍ବର : ଓଡିଶାରେ କମ୍ ରହିଛି ଆର୍ ଭାଲ୍ୟୁ, ୧ ଉପରେ ରହିଲେ ବଢିବ ସଂକ୍ରମଣ : ଡିଏମଇଟି
  • ||
  • ସୋର : ଭୋଜି କରିବାକୁ ଯାଇ ଫେରିଲେନି ଯୁବକ, ମେଡିକାଲରେ ମୃତ୍ୟୁ : ହତ୍ୟା ଅଭିଯୋଗ ଆଣିଲେ ପରିବାର
  • ||
  • ଯାଜପୁର : ଆସନ୍ତା ୪ରୁ ଖୋଲିବ ଅଧିଷ୍ଠାତ୍ରୀ ଦେବୀ ମା’ ବିରଜାଙ୍କ ମନ୍ଦିର, ଅନୁମତି ଦେଲେ ଜିଲ୍ଲାପାଳ
  • ||
  • ଖଲ୍ଲିକୋଟ : ଖୋଲିଲା ତମ୍ପରା ହ୍ରଦ, ବୋଟିଂର ମଜା ନେଉଛନ୍ତି ପର୍ଯ୍ୟଟକ
  • ||
  • ଚାନ୍ଦବାଲି : ବିଦ୍ୟାଳୟ ବରଣ୍ଡାରେ ପଡିଛି ଅଚିହ୍ନା ବୃଦ୍ଧଙ୍କ ମୃତଦେହ, ତଦନ୍ତ ଆରମ୍ଭ କଲା ପୋଲିସ
  • ||
  • ରାଉରକେଲା : ଆସନ୍ତା ୭ରେ ୧୨ ଘଣ୍ଟିଆ ସୁନ୍ଦରଗଡ ବନ୍ଦ, ଦ୍ବିତୀୟ ଏମ୍ସ ପ୍ରତିଷ୍ଠା ଦାବିରେ ବନ୍ଦ ଡାକରା
  • ||
  • ଚାନ୍ଦବାଲି : ବାବା ଆଖଣ୍ଡଳମଣିଙ୍କ ମନ୍ଦିରରେ କାଉଡିଆଙ୍କ ଭିଡକୁ ଦୃଷ୍ଟିରେ ରଖି କଟକଣା ଜାରି, ଭକ୍ତଶୂନ୍ୟ ମନ୍ଦିର ପରିସର
  • ||

ଶହେ ଟଙ୍କା ଫାଇନ୍ ପାଇଁ ସତ ! ହେଲମେଟ୍ ଚେକିଂ ବେଳେ ପୋଲିସକୁ ତାଜୁବ କରିଦେଲେ ଯୁବକ

16/11/2018 at 3:30 PM

ବେଙ୍ଗାଲୁରୁ ୧୬|୧୧: ବେଙ୍ଗାଲୁରୁ ପୋଲିସକୁ ତାଜୁବ କରିଦେଲେ  ସ୍ପିଡ୍ ବାଇକର ଯୁବକ । ପକେଟରୁ ରକ୍ତ ଭିଜା ଛୁରୀ ବାହାର କରି ଯୁବକ ଯାହା କହିଲେ, ସେଥିରେ ଖୋଦ୍ ପୋଲିସ ଅଫିସର ବି ଚକିତ ହୋଇଗଲେ । ବେଙ୍ଗାଲୁରୁ  ନିକଟରେ  ଚିକ୍କାବଲ୍ଲାପୁରା ପୋଲିସ  ହେଲମେଟ୍ ଚେକିଂ କରୁଥିବା ବେଳେ ଘଟିଛି ଏହି ଅଭାବନୀୟ ଘଟଣା । ଏକ ସ୍ପିଡ୍‌ ବାଇକ୍‌ରେ ଆସୁଥିବା ବିନା ହେଲମେଟଧାରୀ ଜଣେ ଯୁବକଙ୍କୁ  ଟ୍ରାଫିକ୍ ପୋଲିସ ଅଧିକାରୀ ଅଟକାଇଥିଲେ । ହେଲମେଟ୍ ପିନ୍ଧି ନଥିବାରୁ ଗାଡିର କାଗଜପତ୍ର ସହ ଡ୍ରାଇଭିଂ ଲାଇସେନ୍ସ ମାଗିଥିଲେ ଏବଂ ତା ସହ ୧ ଶହ ଟଙ୍କା ଜରିମାନା ଦେବାକୁ କହିଥିଲେ । କିନ୍ତୁ ଏସବୁ ଦେବା ବଦଳରେ ସଂପୃକ୍ତ ଯୁବକ ଜଣକ ତାର ପ୍ୟାଣ୍ଟ୍ ପକେଟ୍‌ରୁ ଏକ ରକ୍ତ ଭିଜା ଛୁରୀ ବାହାର କରିଥିଲା । ଆଉ କହିଥିଲା, ‘ମୋତେ କ୍ଷମା କରିଦିଅନ୍ତୁ, ମୁଁ  ମୋ ସାଙ୍ଗକୁ ଛୁରୀ ଭୁଷିଦେଇଛି ଏବଂ ଥାନାକୁ ଯାଉଛି ଆତ୍ମସମର୍ପଣ କରିବାକୁ ।’ ଯୁବକଙ୍କ ଏପରି କଥା ଶୁଣି ହଠାତ୍ ପୋଲିସ ଅଧିକାରୀ ଆଶ୍ଚର୍ଯ୍ୟ ହୋଇଯାଇଥିଲେ । ତାପରେ ଅଭିଯୁକ୍ତ ଠାରୁ ପୁରା ଘଟଣା ଶୁଣିବା ପରେ ଛୁରୀଟିକୁ ଜବତ କରି ତାକୁ ଗିରଫ କରିଥିଲେ ।

ଗିରଫ ଯୁବକ ଜଣକ ୨୬ ବର୍ଷୀୟ ସନ୍ଦିପ ସେଟ୍ଟି । ଚିକ୍କାବଲ୍ଲାପୁରା ବାସିନ୍ଦା ୨୬ ବର୍ଷୀୟ ସନ୍ଦୀପ୍  ଜଣେ ସ୍ନାତ୍ତକ । ସେ ତାର ସାଙ୍ଗ ଦେବରାଜ ସହ ମିଶି ବ୍ୟବସାୟ କରିବାକୁ ଚାହୁଁଥିଲା। ଖାଇବା ତେଲର ବ୍ୟବସାୟ କରୁଥିବା  ଦେବରାଜ ଅଧିକ ଲାଭର ଲୋଭ ଦେଖାଇ  ସନ୍ଦୀପ୍ ଠାରୁ ୧ ଲକ୍ଷ ଟଙ୍କା ନେଇଥିଲା । ସେହି ଟଙ୍କାକୁ ରିଅଲ ଇଷ୍ଟେଟ୍‌ ବ୍ୟବସାୟରେ ଲଗାଇ ଅଧିକ ଲାଭ କରିବାର ପ୍ରତିଶ୍ରୁତି ଦେଇଥିଲା ଦେବରାଜ । କିନ୍ତୁ ତାହା କରିନଥିଲା ଦେବରାଜ । ସନ୍ଦୀପ୍ ତାକୁ ବାରମ୍ବାର ମାଗୁଥିଲେ ବି ଦେବରାଜ ତା ଟଙ୍କା ଫେରାଉ ନଥିଲା ଓଲଟା ଗାଳି ଗୁଲଜ କରୁଥିଲା । ତେଣୁ ତାକୁ ଶେଷରେ ଛୁରୀ ଭୁଷି ଦେଇଥିଲା ସନ୍ଦୀପ୍ । ଗୁରୁତର ଆହତ ଦେବରାଜ ଏକ ଘରୋଇ ଡାକ୍ତରଖାନାରେ ଚିକିତ୍ସାଧିନ ଅଛି ।

   Related Posts