Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଜୟପୁର : ଜୟପୁର କୋଟପାଡରେ ନକଲି ବିଦେଶୀ ମଦ କରାଖାନା ଠାବ, ବିପୁଳ ପରିମାଣର ନକଲି ମଦ
  • ||
  • ଜଳେଶ୍ଵର : STFର ଚଢାଉ ବେଳେ ଜଳେଶ୍ୱର ବଜାରରୁ ନକଲି ପାନ ମସଲା ଜବତ, ଦୁଇ ଅଟକ
  • ||
  • ଜଳେଶ୍ଵର : ଜଳେଶ୍ଵର ଝାଡ଼େଶ୍ୱରପୁର ବସ୍ତିରୁ ବିପୁଳ ପରିମାଣର ବ୍ରାଉନସୁଗାର ଜବତ, ଅଭିଯୁକ୍ତ ଫେରାର
  • ||
  • ବଲାଙ୍ଗୀର : ବୋଲେରୋ ଧକ୍କାରେ ସାଇକେଲ୍ ଆରୋହୀ ମୃତ, କ୍ଷତିପୂରଣ ଦାବିରେ ମୃତଦେହ ରଖି ରାସ୍ତାରୋକ
  • ||
  • ଭୁବନେଶ୍ବର : ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୯୦୪ ଛୁଇଁଲା ମୃତକଙ୍କ ସଂଖ୍ୟା
  • ||
  • କଟକ ନେତାଜୀ ବସ୍ ଟର୍ମିନାଲର ଶିଳାନ୍ୟାଶ କଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ
  • ||
  • ଭୁବନେଶ୍ବରରେ ପହଞ୍ଚିଲା ଆଉ ୧ ଲକ୍ଷ ୪୯ ହଜାର ୭୬୦ ଡୋଜ୍ କୋଭାକ୍ସିନ୍ ଟିକା
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୩୦ କୋଭିଡ୍ ସଂକ୍ରମିତ, ୩୩୪୧୫୦ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ପାରାଦୀପ : ନକଲି ସାର୍ଟିଫିକେଟ୍ ରାକେଟ୍‌ର ପର୍ଦ୍ଦାଫାଶ : ମେଡିକାଲ୍ ସାର୍ଟିଫିକେଟ୍ ତିଆରି ଅଭିଯୋଗରେ ଯୁବକ ଗିରଫ
  • ||
  • କେନ୍ଦ୍ରାପଡ଼ା : ରାମଚଣ୍ଡୀ ମନ୍ଦିରରୁ ଚୋରି, ତାଲା ଭାଙ୍ଗି ସୁନା ଅଳଙ୍କାର ଲୁଟ୍
  • ||

ହେଲମେଟ୍‌ ଦାଣ୍ଡିଆ-ସଡକ ସୁରକ୍ଷା ସଚେତନତା ପାଇଁ ଅଭିନବ ପ୍ରୟାସ

6/10/2019 at 11:09 PM

ନୂଆପଡା( ସୁଶାନ୍ତ କର )- ଆସିଯାଇଛି ପାର୍ବଣ ଋତୁ । ଗାଁ ଠୁ ସହର ସବୁଠି ଉତ୍ସବ ମୂଖର । ମା’ ଦୂର୍ଗା ଧରାବତରଣ କରି ସାରିଥିବା ବେଳେ ସବୁଠି ଦେଖିବାକୁ ମିଳୁଛି ଆଧ୍ୟାତ୍ମିକ ପରିବେଶ । ଏହାସହ କେଉଁଠି ମେଢ ଭିତରେ ପ୍ରତିଯୋଗିତା ତ କେଉଁ ଠି ଦାଣ୍ଡିଆ ମାଧ୍ୟମରେ ସଚେତନତା ବାର୍ତ୍ତା ଦେଇ ଲୋକ ଲୋଚନ କୁ ଆସିବାକୁ ଚେଷ୍ଟା କରୁଛନ୍ତି ବିଭିନ୍ନ ପୂଜା କମିଟି ।

ନୂତନ ପରିବହନ ଆଇନ ଲାଗୁ ହେବା ପରେ ସାରା ରାଜ୍ୟରେ ବେ ଆଇନ ଗାଡି ଚାଳକ ମାନଙ୍କୁ ନାହିଁ ନଥିବା ଅସୁବିଧାର ସମ୍ମୁଖିନ ହେବାକୁ ପଡୁଛି । ଯାହାପାଇଁ ବିଭିର୍ନ୍ନ ସମୟରେ ଜିଲ୍ଲା ପ୍ରଶାସନ ପକ୍ଷରୁ ଲି ପ୍ଲେଟ ସହ ସଚେତନା ରେଲି କରାଯାଉଥିବା ବେଳେ ବିଭିର୍ନ୍ନ ସମିତି ତରଫରୁ ହେଲମେଟ ବ୍ୟବହାର କୁ ନେଇ ଅଭିନବ ଉପାୟରେ ସଚେତନତା ବାର୍ତ୍ତା ଦିଆ ଯାଉଥିବା ଦେଖିବାକୁ ମିଳିଥାଏ । ହେଲେ ଖରିଆର ରୋଡ ସାର୍ବଜନୀନ ନବ ଯୁବକ ନବରାତ୍ରୀ ଉତ୍ସବ ସମିତି ପକ୍ଷରୁ ନଅ ଦିନ ଦାଣ୍ଡିଆ ନୃତ୍ୟ ଅନୁଷ୍ଠିତ ହେଉଥିବା ବେଳେ ଗତକାଲି ଦାଣ୍ଡିଆ ନୃତ୍ୟାରେ ଏକ ଭିନ୍ନ ଚିତ୍ର ଦେଖିବାକୁ ମିଳିଥିଲା । ଅଂଶଗ୍ରହଣ କରିଥିବା ସମସ୍ତ ଯୁବକ ଯୁବତୀ ସାଧାରଣ ଜନତା ଙ୍କୁ ଏକ ସଚେତନତା ର ବାର୍ତ୍ତା ଦେବା ଉଦ୍ଦେଶ୍ୟରେ ମୁଣ୍ଡରେ ହେଲମେଟ ଲଗେଇ ଦାଣ୍ଡିଆ ନୃତ୍ୟରେ ସାମିଲ ହେବାସହ ଦାଣ୍ଡିଆ ଖେଳିଥିଲେ ।

ଖରିଆର ରୋଡ ଏକ ପ୍ରତିଷ୍ଠିତ ବ୍ୟବିସାୟିକ ସହର ହୋଇଥିବା ବେଳେ ସେଠାରେ ଶତାଧିକ ଗୁଜୁରାଟୀ ସମ୍ପ୍ରଦାୟର ପରିବାର ରହୁଛନ୍ତି । କେବଳ ଗୁଜୁରାଟୀ କାହିଁକି ସହରରେ ବାସ କରୁଥିବା ମାରୱାଡି,ଜୈନ,ଶିଖ ସହ ବିଭିନ୍ନ ଜାତିର ଲୋକେ ଏହି ଦାଣ୍ଡିଆ ରେ ସାମିଲ ହୋଇ ଥାଆନ୍ତି । ଦୀର୍ଘ ଅଣାଅଶୀ ବର୍ଷ ଏହି ସମିତି ପକ୍ଷରୁ ଦାଣ୍ଡିଆ ନୃତ୍ୟ ଚାଲୁଥିବା ବେଳେ ନୂଆପଡା ଜିଲ୍ଲାରେ ଏହି ଦାଣ୍ଡିଆ ସ୍ବତନ୍ତ୍ର ପରିଚୟ ସୃଷ୍ଟି କରି ପାରିଛି । ଚଳିତ ବର୍ଷ ପ୍ରତ୍ୟେକ ଦିନ ଦାଣ୍ଡିଆ ନୃତ୍ୟ ମାଧ୍ୟମରେ କିଛି ନା କିଛି ସଚେତନତା ବାର୍ତ୍ତା ଦେଉଥିବା ବେଳେ ଗତକାଲି ହେଲମେଟ ଦାଣ୍ଡିଆର ଆୟୋଜନ ହୋଇଥିଲା । ଯେଉଁଥିରେ ସମିତି ପକ୍ଷରୁ ଶତାଧିକ ହେଲମେଟ ଯୋଗେଇ ଦେବାସହ ଉପସ୍ଥିତ ଅତିଥିମାନେ ହେଲମେଟ ବ୍ୟବହାର ଉପରେ ସମସ୍ତଙ୍କୁ ସଚେତନ କରିଥିଲେ । କେବଳ ସେତିକି ନୁହେଁ ଉତ୍ତମ ନୃତ୍ୟ ପ୍ରଦର୍ଶନ କରୁଥିବା ଅଂଶଗ୍ରହଣକାରୀମାନଙ୍କୁ ଶେଷ ଦିନରେ ସ୍କୁଟି ସହ ଅନେକ  ଆକର୍ଷଣୀୟ ଉପହାର ପ୍ରଦାନ କରାଯିବାର ବ୍ୟବସ୍ଥା କରାଯାଇଛି ।  

ବର୍ଷକୁ ଥରେ ଏଭଳି ସୁଯୋଗ ଆସୁଥିବା ବେଳେ ଦାଣ୍ଡିଆ ନୃତ୍ୟ ରେ ଝୁମି ଯାଆନ୍ତି ଛୁଆ ଠାରୁ ବୁଢା । ତେବେ ଏହା ମାଧ୍ୟମରେ ସମସ୍ତଙ୍କ ପାଇଁ ସଚେତନତା ର ବାର୍ତ୍ତା ଦେଉଥିବାରୁ ନିହାତି ସାଧୁବାଦ ର ପାତ୍ର ।

   Related Posts