Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ଟିଟିଲାଗଡ଼ ପାଲଟିଲା ତତଲାଗଡ଼ : ଦିନକରେ ୧.୫ଡିଗ୍ରି ବଢ଼ିଲା ପାରଦ

14/04/2019 at 8:28 AM

ବଲାଙ୍ଗୀର ୧୪/୪: ଟିଟିଲାଗଡ଼ ପାଲଟିଲା ତତଲାଗଡ଼ । ରାଜ୍ୟର ବିଭିନ୍ନ ସ୍ଥାନରେ ପାରଦ ବଢ଼ିଥିଲେ ହେଁ ଟିଟିଲାଗଡ଼ରେ ପାରଦ ଦିନକରେ ହଠାତ୍  ୧.୫ଡିଗ୍ରି ବଢ଼ି ଯାଇଛି । ସାରା ରାଜ୍ୟରେ ପ୍ରବଳ ଖରା ଅନୁଭୂତ ହୋଇଥିବା ବେଳେ ୯ସହରରେ ପାରଦ ୪୦ଡିଗ୍ରି ଉପରେ ରହୁଛି । ପାରାଦୀପ, ଗୋପାଳପୁର, ପୁରୀକୁ ଛାଡ଼ି ସବୁ ସହରରେ ପାରଦ ୩୫ଡିଗ୍ରି ଉପରେ ରହିଛି । ଆସନ୍ତା ଚାରିରୁ ପାଞ୍ଚ ଦିନ ଅଧିକ ଖରା ବଢିବ ।

୧୮ତାରିଖ ପର୍ଯ୍ୟନ୍ତ ଖରାରୁ ତ୍ରାହି ମିଳିବନି । ସାରା ରାଜ୍ୟରେ ଉତ୍ତପ୍ତ ପବନ ସହ ଝାଞ୍ଜି ବହିବ ବୋଲି ପାଣିପାଗ ବିଭାଗ ପୂର୍ବାନୁମାନ କରିଛି । ଦିନରେ ପ୍ରବଳ ଖରା ହେଲେ ବି ଅପରାହ୍ନରେ କାଳବୈଶାଖୀ ଜନିତ ବର୍ଷା ପବନ ହେବ । ପ୍ରବଳ ଘଡ଼ଘଡ଼ି ସହ ୪୦ରୁ ୫୦କିମି ବେଗରେ ପବନ ବି ବହିପାରେ । ବିଶେଷକରି ରାୟଗଡ଼ା, କୋରାପୁଟ, ଗଜପତି, କନ୍ଧମାଳ, ଝାରସୁଗୁଡ଼ା,ଜଗତସିଂହପୁର, ବାଲେଶ୍ବର, ମୟୂରଭଞ୍ଜ, ଅନୁଗୁଳ, ଜଗତସିଂହପୁର, କେନ୍ଦ୍ରାପଡ଼ା ଆଦି ଜିଲ୍ଲାରେ କାଳବୈଶାଖୀ ଜନିତ ବର୍ଷା ପବନ ହେବ।

   Related Posts