Tuesday, October 15, 2019

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ରାଜ୍ୟର ୪ ଜିଲ୍ଲାରେ ପ୍ରବଳ ବର୍ଷା ସମ୍ଭାବନା, ସତର୍କ କରାଇଲା ପାଣିପାଗ ବିଭାଗ

ଭୁବନେଶ୍ବର ୧୦।୧୦: ଆସନ୍ତା ୨୪ ଘଣ୍ଟା ପରେ ଛାଡିଯିବ ବର୍ଷା । ଘୂର୍ଣ୍ଣିବଳୟ ପ୍ରଭାବରେ ରାଜ୍ୟର କିଛି ଅଞ୍ଚଳରେ ମୌସୁମୀ ସକ୍ରିୟ ରହିବା କାରଣରୁ ବିଭିନ୍ନ ସ୍ଥାନରେ ବର୍ଷା ହୋଇଛି । ଆସନ୍ତା ୨୪ ଘଣ୍ଟା ପରେ ରାଜ୍ୟରୁ ବର୍ଷା ପ୍ରାୟ ଛାଡିଯିବା ସହ ପାଗ ଶୁଖିଲା ରହିବ ।

ରାଜ୍ୟର ୪ ଜିଲ୍ଲାରେ ପ୍ରବଳ ବର୍ଷା ସମ୍ଭାବନା ରହିଛି । ପୂର୍ବାହ୍ନ ୧୦ଟା ପର୍ଯ୍ୟନ୍ତ ସତର୍କ ରହିବାକୁ ପରାମର୍ଶ ଦେଇଛି ଭୁବନେଶ୍ବର ଆଞ୍ଚଳିକ ପାଣିପାଗ କେନ୍ଦ୍ର । ୪ ଜିଲ୍ଲା ହେଲା ଗଜପତି, ରାୟଗଡା, କୋରାପୁଟ ଏବଂ ମାଲକାନଗିରି । ଏହି ସବୁ ଜିଲ୍ଲାରେ ଘଡଘଡି ସହ ପ୍ରବଳ ବର୍ଷା ସମ୍ଭାବନା ରହିଛି ।

ରାଜ୍ୟର ବିଭିନ୍ନ ସ୍ଥାନରେ ସର୍ବନିମ୍ନ ପାରଦ ଖସୁଥିବା ଲକ୍ଷ୍ୟ କରାଯାଇଛି । ଦାରିଙ୍ଗବାଡି, କୋରାପୁଟ ଓ ଅନ୍ୟ କେତେକ ସ୍ଥାନରେ ପାରଦ ୨୦ଡିଗ୍ରୀ ସେଲସିୟସ ତଳକୁ ଖସିଛି । ସର୍ବନିମ୍ନ ତାପମାତ୍ରା କ୍ରମଶଃ ହ୍ରାସ ପାଉଥିବାବେଳେ ଦାରିଙ୍ଗବାଡିରେ ଏହା ୧୬ ରହିଛି ।

417 Views

   ସମ୍ବନ୍ଧିତ ଖବର