Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଢେଙ୍କାନାଳ : କପିଳାଶ ଜାଗର ଯାତ୍ରା ପାଇଁ କଟକଣା, ଜିଲ୍ଲା ବାହାର ଭକ୍ତଙ୍କୁ ମନା, ଜିଲ୍ଲାବାସୀଙ୍କ କୋଭିଡ୍ ନେଗେଟିଭ୍ ରିପୋର୍ଟ ବାଧ୍ୟତାମୂଳକ
  • ||
  • କଟକ : ରାଜ୍ୟରେ ପୁଣି ବଢିଲା ବସ୍ ଭଡା, ସାଧାରଣ ଓ ଏକ୍ସପ୍ରେସ କିଲୋମିଟର ପିଛା ୫ପଇସା, ଡିଲକ୍ସ ଓ ଏସି ଡିଲକ୍ସ ୧୦ପଇସା ବୃଦ୍ଧି
  • ||
  • ଧର୍ମଗଡ : ବାଇକ୍ ଉପରେ ମାଡିଗଲା ବସ୍, ଘଟଣାସ୍ଥଳରେ ୩ ମୃତ
  • ||
  • ସାନଖେମୁଣ୍ଡି : ବାରହା ଆକ୍ରମଣରେ ୭ ଆହତ, ଗ୍ରାମବାସୀ ଭୟଭୀତ
  • ||
  • ରାଉରକେଲା : ଶିଶୁପାଳ ହୋଇ ଫେରିଲା ବର, ଅଧାରୁ ବନ୍ଦ ହେଲା ବାଲ୍ୟ ବିବାହ
  • ||
  • ଆଠଗଡ : ସରିଯାଉଛି ଟୋକନ ଅବଧି, ମଣ୍ଡିରୁ ଉଠୁନି ଧାନ, ପ୍ରତିବାଦରେ ଚାଷୀଙ୍କ ରାସ୍ତା ଅବରୋଧ
  • ||
  • ଭଦ୍ରକ : ଅଷ୍ଟପ୍ରହରୀ ଚାନ୍ଦା ପାଇଁ ଗଛରେ ବାନ୍ଧି ନିସ୍ତୁକ ମାଡ ଅଭିଯୋଗ, ଥାନାରେ ଏତଲା
  • ||
  • ନୀଳଗିରି : ନୀଳଗିରି ସହରରେ ବୁଲୁଛି ଭାଲୁ, ଲୋକେ ଭୟଭୀତ
  • ||
  • ରାଉରକେଲା : ଛାତ୍ରଙ୍କ ନାଁରେ ଜିଏସଟି ଠକେଇ ଅଭିଯୋଗ, ୩୮କୋଟି ଟଙ୍କାର ଠକେଇ ନେଇ ନୋଟିସ୍
  • ||
  • ସାନଖେମୁଣ୍ଡି : ଥାନାଠାରୁ ୧ କି.ମି. ଦୂରରେ ଚାଲିଥିଲା ବେଆଇନ ବିଦେଶୀ ମଦ ବିକ୍ରି, ଚଢାଉ କରି ନଷ୍ଟ କଲା ପୋଲିସ
  • ||

ରାଜ୍ୟର ବିଭିନ୍ନ ସ୍ଥାନରେ ପ୍ରବଳ ବର୍ଷା;ସେପଟେ ଅଳ୍ପକେ ବଞ୍ଚିଗଲେ ହଜାର ହଜାର ଟ୍ରେନ ଯାତ୍ରୀ

23/05/2018 at 10:02 AM

ରାଜ୍ୟର ବିଭିନ୍ନ ସ୍ଥାନରେ ପ୍ରବଳ ବର୍ଷା । ଆଜି ସକାଳୁ ଘଡଘଡି ସହ ପ୍ରବଳ ବର୍ଷା ହୋଇଛି । ପାଖାପାଖି ୨ ଘଣ୍ଟା ଧରି ଜୋରରେ ବର୍ଷା ହୋଇଥିଲା । ବର୍ଷାରେ ରାଜଧାନୀ ଭୁବନେଶ୍ବରରେ ମଧ୍ୟ ଘଡଘଡି ସହ ପ୍ରବଳ ବର୍ଷା ହୋଇଛି । ବର୍ଷା ଯୋଗୁଁ ବିଭିନ୍ନ ସ୍ଥାନରେ ପାଣି ଜମି ରହିଛି । ପାଖାପାଖି ୨ଘଣ୍ଟା ବର୍ଷାରେ ରାଜଧାନୀର ହାଲ୍ ବେହାଲ୍ । ଫଳରେ ଲୋକେ ବହୁ ଅସୁବିଧାର ସମ୍ମୁଖୀନ ହୋଇଛନ୍ତି । ଭୁବନେଶ୍ବର ସହ କଟକରେ ମଧ୍ୟ ପ୍ରବଳ ବର୍ଷା ହୋଇଛି । ବର୍ଷା ସହ ପ୍ରବଳ ବେଗରେ ପବନ ମଧ୍ୟ ହୋଇଛି । କଟକର ବିଭିନ୍ନ ସ୍ଥାନରେ ପାଣି ଜମି ରହିଛି । ଯାଜପୁରରେ ସର୍ବାଧିକ ୬୦.୩ ମିଲିମିଟର ବର୍ଷା ରେକର୍ଡ କରାଯାଇଛି । ଭଦ୍ରକରେ ୨୮.୫ ମିଲିମିଟର, କଟକରେ ୧୫.୫ ମିଲିମିଟର, କେନ୍ଦୁଝରରେ ୧୩.୭ ମିଲିମିଟର ଏବଂ ମୟୁରଭଞ୍ଜରେ ୧୨.୭ ମିଲିମିଟର ବର୍ଷା ରେକର୍ଡ କରାଯାଇଛି ।
ସେପଟେ ସାଢେ ୧୦ ଟାରୁ ସାଢେ ଗୋଟେ ପର୍ଯ୍ୟନ୍ତ ୬ଟି ଜିଲ୍ଲାରେ ପାଣିପାଗ ବିଜ୍ଞାନ କେନ୍ଦ୍ର ପକ୍ଷରୁ ସତର୍କ ସୂଚନା ଜାରି କରାଯାଇଛି । ସେଗୁଡିକ ହେଲା ସମ୍ବଲପୁର, ଦେବଗଡ, ଗଜପତି, ରାୟଗଡା, କନ୍ଧମାଳ, ବଲାଙ୍ଗିର । ସେହିପରି ଢେଙ୍କାନାଳ, ଅନୁଗୋଳ, ଜଗତସିଂହପୁର, କଟକ, କେନ୍ଦ୍ରାପଡା, ଖୋର୍ଦ୍ଧା, ପୁରୀ, ନୟାଗଡ, ବୌଦ୍ଧ ବାସିନ୍ଦାଙ୍କୁ ସାଢେ ୧୧ଟାରୁ ସାଢେ ଗୋଟେ ପର୍ଯ୍ୟନ୍ତ ସତର୍କ ରହିବାକୁ ପାଣିପାଗ ବିଜ୍ଞାନ କେନ୍ଦ୍ର ପକ୍ଷରୁ କୁହାଯାଇଛି । ଏହି ସମୟରେ ଘରୁ ନବାହାରିବାକୁ ମଧ୍ୟ ପରାମର୍ଶ ଦିଆଯାଇଛି ।
ଅଳ୍ପକେ ବଞ୍ଚିଗଲେ ହଜାର ହଜାର ଟ୍ରେନ ଯାତ୍ରୀ । କାଳବୈଶାଖୀ ପ୍ରଭାବରେ ଆଜି ସାକାଳେ ପୁରୀ-କଟକ ପାସେଞ୍ଚର ଟ୍ରେନ ଭୁବନେଶ୍ବର ଅଭିମୁଖେ ଆସୁଥିବା ବେଳେ ଟ୍ରେନ ଉପରେ ଛିଣ୍ଡିପଡ଼ିଥିଲା ୩୩ କେଭି ବିଦ୍ୟୁତ ତାର । ଫଳରେ ଲିଙ୍ଗରାଜ ଷ୍ଟେସନ ପୂର୍ବରୁ ସରକନ୍ତରାରେ ଟ୍ରେନ ଅଟକି ରହିଥିଲା ।ତେବେ ଟ୍ରେନ ଉପରେ ଛିଣ୍ଡିଥିବା ତାରଟି ଆର୍ଥିଂ ହୋଇଥିବାରୁ କୌଣସି କ୍ଷୟକ୍ଷତି ହୋଇ ନାହିଁ । ପାସେଞ୍ଜର ଟ୍ରେନ ରାସ୍ତାରେ ଅଟକି ରହିବା ଦ୍ବାରା ସେହି ରୁଟର ଉଭୟ ଅପ ଓ ଡାଉନ ଲିଙ୍କରେ ଟ୍ରେନ ଚଳାଚଳ ବାଧା ପ୍ରାପ୍ତ ହୋଇଥିଲା । ଭୁବନେଶ୍ବର ଷ୍ଟେସନ ଓ ଜଟଣୀ ଷ୍ଟେସନରେ ବିଭିନ୍ନ ଟ୍ରେନ ଅଟକି ରହିଥିଲା । ହଜାର ହଜାର ଯାତ୍ରୀ ନାହିଁ ନଥିବା ସମସ୍ୟାର ସମ୍ମୁଖୀନ ହୋଇଛନ୍ତି । ଖବର ପାଇ ରେଲୱେ କର୍ତ୍ତୃପକ୍ଷ ଓ ସେସୁ ଅଧିକାରୀ ଘଟଣାସ୍ଥଳରେ ପହଁଞ୍ଚି ବିଦ୍ୟୁତ ତାରକୁ ସଜାଡ଼ିଛନ୍ତି । ସଜାଡ଼ିବା ପରେ ଉଭୟ ଅପ ଲାଇନରେ ଟ୍ରେନ୍ ଚଳାଚଳ ଆରମ୍ବ ହୋଇଛି । ଡାଉନ ଲାଇନରେ ଖୁବଶୀଘ୍ର ରେଳ ଚଳାଚଳ ଆରମ୍ଭ ହେବ ବୋଲି ପୂର୍ବତଟ ରେଲୱେ କର୍ତ୍ତୃପକ୍ଷଙ୍କ ସୂଚନା ।
ଭୁବନେଶ୍ବର ଉପକଣ୍ଠ ବାଲିପାଟଣା ପୁରୁଣା ଶାସନ ଗାଁରେ ଅଘଟଣ । ବଜ୍ରପାତରେ ଜଣେ ଗୁରୁତର ହୋଇଛନ୍ତି । ତାଙ୍କୁ କ୍ୟାପିଟାଲ କସପିଟାଲରେ ଭର୍ତ୍ତି କରାଯାଇଛି । ପ୍ରବଳ ବର୍ଷାପାଇଁ ବିଭିନ୍ନ ସ୍ଥାନରେ ଜଳବନ୍ଦି ପରିସ୍ଥିତି ସୃଷ୍ଟି ହୋଇଥିଲା । ୪୦-୫୦ କିଲୋମିଟର ବେଗରେ ପବନ ବହିବା ସହିତ କିଛି ସ୍ଥାନରେ ଗଛ ଭାଙ୍ଗି ରାସ୍ତାରେ ପଡ଼ିଥିବା ମଧ୍ୟ ଦେଖିବାକୁ ମିଳିଛି । ସେପଟେ ଆନନ୍ଦପୁର ସୋର ଥାନା ଅନ୍ତର୍ଗତ ଝଣଝଣା ଗାଁରେ ବଜ୍ରପାତରେ ୨ ବଖରା ଘର ଜଳି ଯାଇଛି । ବଜ୍ରପାତରେ ଜଣେ ମହିଳା ମଧ୍ୟ ଗୁରୁତର ହୋଇଛନ୍ତି । ତାଙ୍କୁ ଆନନ୍ଦପୁର ଚିକିତ୍ସାଳୟରେ ଭର୍ତ୍ତି କରାଯାଇଛି । ଗୁରୁତର ମହିଳା ହେଲେ ପୂର୍ଣ୍ଣିମା ବେହେରା ।

Leave a Reply

   Related Posts