Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଆଉ ନାହାଁନ୍ତି ପଦ୍ମଶ୍ରୀ ଶାନ୍ତିଦେବୀ, ୮୮ ବର୍ଷ ବୟସରେ ପରଲୋକ
  • ||
  • କଥକ ସମ୍ରାଟ ବିରଜୁ ମହାରାଜଙ୍କ ପରଲୋକ, ୮୩ ବର୍ଷ ବୟସରେ ଦେହାନ୍ତ
  • ||
  • ତ୍ରିସ୍ତରୀୟ ପଞ୍ଚାୟତ ନିର୍ବାଚନ : ସୋମବାରଠୁ ଦାଖଲ ହେବ ପ୍ରାର୍ଥୀପତ୍ର, କରୋନା କଟକଣାରେ ସରିବ ପୁରା ପ୍ରକ୍ରିୟା
  • ||
  • ଆହତ ହାତୀର ଚିକିତ୍ସା କଲା ବନ ବିଭାଗ, ବାରହା ଫାଶରେ ପଡି ଗୋଡରେ ହୋଇଥିଲା କ୍ଷତ
  • ||
  • ଖସିବ ପାରଦ ବଢିବ ଶୀତ, ୧୯ ଯାଏଁ ବିଭିନ୍ନ ଜିଲ୍ଲାରେ ଘନ କୁହୁଡି
  • ||

ଜନ୍ମାଷ୍ଟମୀରେ ରାଜଧାନୀରେ ଯମୁନା ନଦୀର ଭ୍ରମ, ଆହୁରି ୪ଦିନ ପ୍ରବଳ ବର୍ଷା…

23/08/2019 at 5:14 PM

ଭୁବନେଶ୍ବର ୨୩|୮: ବଙ୍ଗପସାଗରରେ ଲଘୁଚାପ ସୃଷ୍ଟି ହୋଇଥିବାରୁ ରାଜ୍ୟର ବିଭିନ୍ନ ଅଞ୍ଚଳରେ ବର୍ଷା ଲାଗିରହିଛି । ଆସନ୍ତା ୩ରୁ ୪ ଦିନ ପର୍ଯ୍ୟନ୍ତ ଦକ୍ଷିଣ ଓ ଆଭ୍ୟନ୍ତରୀଣ ଓଡ଼ିଶାରେ ପ୍ରବଳରୁ ଅତି ପ୍ରବଳ ବର୍ଷା ହୋଇପାରେ। ଆଜି ସକାଳେ ପ୍ରବଳ ବର୍ଷା ଯୋଗୁଁ ରାଜଧାନୀର ଅନେକ ଅଞ୍ଚଳ ଜଳମଗ୍ନ ହୋଇଥିଲା, ତଳିଆ ଅଞ୍ଚଳରେ ଘରେ ପସିଥିଲା ପାଣି । ସେପଟେ ଉପର ମୁଣ୍ଡରେ ବର୍ଷା କମିଥିବାରୁ ହୀରାକୁଦର ସମସ୍ତ ଗେଟ୍ ବନ୍ଦ କରାଯାଇଛି।

ଜନ୍ମାଷ୍ଟମୀରେ ରାଜଧାନୀରେ ଯମୁନା ନଦୀର ଭ୍ରମ । ଏ ଚିତ୍ର ହେଉଛି ଭୁବନେଶ୍ବର ଇସକନ୍ ସମ୍ମୁଖର । ସକାଳ ସାଢେ ଦଶଟା, ମନ୍ଦିର ଆଗରେ ଲାଗିଥିଲା ଶ୍ରଦ୍ଧାଳୁଙ୍କ ଲମ୍ବା ଲାଇନ୍ । ଏହି ସମୟରେ ଘୋଟିଆସିଥିଲା କଳା ହାଂଡ଼ିଆ ମେଘ । ମୁଷଳ ଧାରାରେ ବର୍ଷା ସହ ୪ ଫୁଟ ଉଚ୍ଚରେ ମାଡ଼ି ଆସିଲା ପାଣି। ଚାହୁଁ ଚାହୁଁ ଇସକନ ମନ୍ଦିର ଜଳାର୍ଣ୍ଣବ ହୋଇଗଲା । ଅଣ୍ଟାଏ ପାଣିରେ କାର, ବାଇକ୍ ଭାସିଲା ।

ଆଉ ଏ ଦୃଶ୍ୟ ହେଉଛି ସୌଭାଗ୍ୟ ନଗର ମୁଖ୍ୟ ରାସ୍ତାର । ଏଠିବି ଅଣ୍ଟାଏ ଉଚ୍ଚରେ ଲହଡ଼ି ମାରୁଛି ପାଣି । ଅସରାଏ ବର୍ଷାରେ ରାଜଧାନୀର ଅନେକ ଅଞ୍ଚଳ ହୋଇଥିଲା ଜଳମଗ୍ନ । ରସୁଲଗଡ଼, ବାଣୀ ବିହାର, ଆଚାର୍ଯ୍ୟ ବିହାର, ଫାୟାର ଷ୍ଟେସନ, ବରମୁଣ୍ଡା, ଓଭର ବ୍ରିଜ ଉପରେ ଓ ତଳେ ବର୍ଷା ପାଣି ଜମି ରହିଥିଲା । ସହରର ତଳିଆ ଅଞ୍ଚଳରେ ଘରେ ପଶିଯାଇଥିଲା ପାଣି ।

ବଙ୍ଗୋପସାଗରରେ ଘୂର୍ଣିବଳୟ ଯୋଗୁଁ ଲଘୁଚାପ ସୃଷ୍ଟି ହୋଇଛି । ଏହାର ପ୍ରଭାବରେ ଆଗାମୀ ୨୪ ଘଣ୍ଟା ଭିତରେ କେନ୍ଦୁଝର, ଢେଙ୍କାନାଳ, ଯାଜପୁର, କଟକ, ଜଗତସିଂପୁର ଏବଂ ପୁରୀରେ ପ୍ରବଳରୁ ଅତି ପ୍ରବଳ ବର୍ଷା ହେବ । ସେହିପରି କେନ୍ଦ୍ରାପଡ଼ା, ମୟୁରଭଞ୍ଜ, ବଲାଙ୍ଗୀର, ସୁନ୍ଦରଗଡ଼, ରାୟଗଡ଼ା, ଗଞ୍ଜାମ, ଖୋର୍ଦ୍ଧା, ଗଜପତି, ମାଲକାନଗିରି, ଅନୁଗୋଳ ଜିଲ୍ଲାରେ ପ୍ରବଳ ବର୍ଷା ସମ୍ଭାବନା ରହିଛି। ୨୪ ଓ ୨୫ ତାରିଖ ଦୁଇ ଦିନ ଧରି ମତ୍ସ୍ୟଜୀବୀ ସମୁଦ୍ର ଭିତରକୁ ନଯିବାକୁ ସତର୍କ କରିଛି ପାଣିପାଗ ବିଭାଗ ।

ସେପଟେ ଉପରମୁଣ୍ଡରେ ବର୍ଷା ପରିମାଣ କମିଥିବାରୁ ହୀରାକୁଦ ଜଳଭଣ୍ଡାରର ସବୁ ଗେଟ୍ ବନ୍ଦ କରାଯାଇଛି । ଏବେ ଜଳଭଣ୍ଡାରର ଜଳସ୍ତର ୬୧୯.୬୫ ଫୁଟ ରହିଥିବା ବେଳେ ପ୍ରତି ସେକେଣ୍ଡରେ ଜଳ ଭଣ୍ଡାରକୁ ଭିତରକୁ ୬୧ ହଜାର କ୍ୟୁସେକ ଜଳ ପ୍ରବେଶ କରୁଛି।

   Related Posts