Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଖୋର୍ଦ୍ଧା : ସାରୁଆରେ ଭୟାବହ ଅଗ୍ନିକାଣ୍ଡ, ଜଳିଗଲା ଲକ୍ଷାଧିକ ଟଙ୍କାର ସମ୍ପତ୍ତି
  • ||
  • ବାରିପଦା : କୋଭିଡ ନିୟମକୁ ବେଖାତିର, ୫ଟି ଦୋକାନ ସିଲ୍‌
  • ||
  • ସମ୍ବଲପୁର : ଗୋଶାଳା କଲପଡାରେ ଖାଲରେ ଖସିପଡି ୨ ଶିଶୁ ମୃତ
  • ||
  • ଢେଙ୍କାନାଳ : ଭିଜିଲାନ୍ସ ଜାଲରେ ଥାନା ଅଧିକାରୀ, ଯୌତୁକ ମାମଲାରେ ଦଫା କାଟିବାକୁ ନେଉଥିଲେ ୬ହଜାର ଟଙ୍କା
  • ||
  • ନବରଙ୍ଗପୁର : କୁନ୍ଦେଇ ସରପଞ୍ଚ ନିଲମ୍ବିତ, ଭାରତମାଳା ଯୋଜନାକୁ ବିରୋଧ କରିବାରୁ କାର୍ଯ୍ୟାନୁଷ୍ଠାନ
  • ||
  • ୨ ଦିନିଆ କନ୍ଧମାଳ ଗସ୍ତରେ ଶିଶୁ ସୁରକ୍ଷା ଅଧିକାର ଅଧ୍ୟକ୍ଷା
  • ||
  • ବ୍ରହ୍ମପୁର : ବ୍ରହ୍ମପୁର ଫାଷ୍ଟଗେଟ୍ ଅଞ୍ଚଳରୁ ଜଣଙ୍କ ମୃତଦେହ ଠାବ, ହତ୍ୟା ସନ୍ଦେହ
  • ||
  • ନୀଳଗିରି: ହାତୀ ଆତଙ୍କରେ ଅଞ୍ଚଳବାସୀ
  • ||
  • ମାଲକାନଗିରି : ଯବାନ ଓ ମାଓବାଦୀଙ୍କ ମଧ୍ୟରେ ଗୁଳି ବିନିମୟ, ବିପୁଳ ପରିମାଣର ମାଓ ସାମଗ୍ରୀ ଜବତ
  • ||
  • କେନ୍ଦୁଝର : ବାଇକ୍ ଧକ୍କାରେ ଜଣେ ଗୁରୁତର, ମେଡିକାଲରେ ଭର୍ତ୍ତି
  • ||

ଭୁବନେଶ୍ବରରେ ବର୍ଷିଲା ୧୦୩.୦୨ମିମି, ଲୋକଙ୍କ ଘରେ ଚାଲିଛି ପାଣିର ସୁଅ

12/10/2018 at 5:08 PM

ଭୁବନେଶ୍ବର ୧୨|୧୦: ବାତ୍ୟା ‘ତିତଲି’ ପବନରୁ ସିନା ବର୍ତ୍ତିଗଲା ଭୁବନେଶ୍ବର । କିନ୍ତୁ ଗତକାଲି ରାତିରୁ ଲଗାଣ ବର୍ଷା ରାଜଧାନୀକୁ ବେହାଲ କରିଛି । ତଳିଆ ଅଞ୍ଚଳ ଲୋକଙ୍କ ଘରେ ଘରେ ପାଣି ପଶିଛି । ବର୍ଷା ପାଣିରେ ଭାସୁଛି ଘରର ଆସବାବପତ୍ର । ରାତି ଅନିଦ୍ରା ହୋଇ ଘରୁ ପାଣି କାଢୁଛନ୍ତି ଲୋକେ । ଦେଖିବାକୁ ଗଲେ ଅସ୍ତବ୍ୟସ୍ତ ହୋଇପଡିଛି ସାଧାରଣ ଜନଜୀବନ । ତେବେ ସହରର ଜଳବନ୍ଦୀ ପରିସ୍ଥିତି ପାଇଁ ବିଏମସିକୁ ଦାୟୀ କରିଛନ୍ତି ଲୋକେ ।

ରାସ୍ତାରେ ଚାଲୁଛୁ ପାଣି, ଲୋକଙ୍କ ଘରେ ପସିଛି ପାଣି । ପାଣି ସୁଅରେ ଲୋକଙ୍କୁ ରାସ୍ତା ପାରି ହେବାକୁ ବି ଭୟ ଲାଗୁଛି । ଏଭଳି ଚିତ୍ର ଦେଖିବାକୁ ମିଳିଛି ଭୁବନେଶ୍ବରରେ । ଗଲା ରାତିରୁ ଲାଗି ରହିଛି ବର୍ଷା । ଫଳରେ ସହରର ସ୍ଥିତି ବେହାଲ ହୋଇପଡିଛି । ଆଚାର୍ଯ୍ୟ ବିହାର ପୋଲିସ ବାଟାଲିୟନ ପଛପଟେ ରହୁଥିବା ୫୦ରୁ ଅଧିକ ପରିବାର ପାଣି ଘେରରେ ଅଛନ୍ତି । ରାତି ୩ଟାରୁ ଘରେ ପାଣି ପଶିଛି । ଜିନିଷପତ୍ର ସବୁ ପାଣିରେ ଭାସୁଛି । ଅନିଦ୍ରା ହୋଇ ଯିଏ ଯେମିତି ପାରୁଛି, ଘରୁ ପାଣି ବାହାର କରୁଛି । ସବୁଠାରୁ ବଡ଼ କଥା ହେଲା ଗତ ବର୍ଷାରେ ବି ଏଠି ଏଭଳି ଅବସ୍ଥା ହୋଇଥିଲା, କିନ୍ତୁ ବିଏମସିର ନିଘା ନ ଦେବାରୁ ତିତଲିର ପ୍ରକୋପରେ ତିନ୍ତିଛନ୍ତି ଏମାନେ । ତେବେ ଖାଲି ଆଚାର୍ଯ୍ୟବିହାର ନୁହେଁ, ନୟାପଲ୍ଲୀ, ଜିଜିପି କଲୋନୀ, ସୌଭାଗ୍ୟନଗର, କଟକରୋଡ, ବରଗଡ, ସାମନ୍ତରାପୁର, ରସୁଲଗଡ, ଜାଗମରା ଆଦି ବିଭିନ୍ନ ଅଂଚଳ ବାସିନ୍ଦା ବି ଜଳବନ୍ଦୀ ସମସ୍ୟା ଭୋଗିଛନ୍ତି ।

ଗତକାଲି ରାତିରୁ ଜାରି ରହିଥିବା ବର୍ଷା ଆଜି ଅପରାହ୍ନ ଯାଏ ମଧ୍ୟ ଜାରି ରହିଥିଲା । ପବନ ନ ଥିଲା, କିନ୍ତୁ ଘଡ଼ଘଡ଼ି ଓ ବିଜୁଳି ରାଜଧାନୀବାସିନ୍ଦାଙ୍କୁ ଭୟଭୀତ କରିଥିଲା । ଅନେକ ସ୍ଥାନରେ ତରବରିଆ ଭାବେ ୱାଟର ପମ୍ପ୍ ଲଗାଇ ପାଣି ନିଷ୍କାସନ କରାଯାଇଥିଲା । ଦିନ ଗୋଟାଏ ସୁଦ୍ଧା ଭୁବନେଶ୍ବରରେ ୯୭ ମିଲିମିଟର ବର୍ଷା ରେକର୍ଡ ହୋଇଛି । ତେବେ ତିତଲିର ପ୍ରଭାବକୁ ନେଇ ଯଥେଷ୍ଟ ପୂର୍ବରୁ ପୂର୍ବାନୁମାନ ହୋଇଥିବା ବେଳେ ବିଏମସି ଉଚିତ ପ୍ରସ୍ତୁତି କରି ନ ଥିବା ଲୋକେ ଅଭିଯୋଗ କରିଛନ୍ତି ।

   Related Posts