ସୁବର୍ଣ୍ଣପୁର ୧୨|୫: ସୁବର୍ଣ୍ଣପୁର ଜିଲ୍ଲାରେ ପ୍ରବଳ ଗ୍ରୀଷ୍ମ ପ୍ରବାହ ଜାରି ରହିଛି । ଝାଞ୍ଜି ସହ ପ୍ରଚଣ୍ଡ ଖରାରେ ଜନ ଜୀବନ ଅସ୍ତବ୍ୟସ୍ତ ହୋଇ ପଡୁଛି । ସାରା ଜିଲ୍ଲାରେ ଏକ ପ୍ରକାର ତତଲା କଡେଇରେ ପରିଣତ ହୋଇଛି । ଦିନର ସର୍ବୋଚ୍ଚ ତାପମାତ୍ରା ୪୫ଡିଗ୍ରୀ ଉପରେ ରହୁଛି ।
{"id":111084}ସକାଳ ୧୦ଟାରୁ ରାସ୍ତାଘାଟ ଶୂନଶାନ ହୋଇ ପଡୁଛି । ବିଭିନ୍ନ କାର୍ଯ୍ୟରେ ଘରୁ ବାହାରୁଥିବା ଲୋକେ ଥଣ୍ଡା ପାନୀୟର ଆଶ୍ରୟ ନେଉଥିବା ଦେଖିବାକୁ ମିଳିଛି । ଲୋକେ କେବଳ ଛାଇ ଓ ପିଇବା ପାଣି ଖୋଜୁଥିବା ଦେଖିବାକୁ ମିଳୁଛି ।
{"id":111085}ପୌର ପରିଷଦ ପକ୍ଷରୁ ତିଆରି ହୋଇଥିବା ଥଣ୍ଡା ପାନୀୟ ଜଳ ପ୍ରକଳ୍ପ ଅନେକ ସ୍ଥାନରେ ଅଚଳ ହୋଇ ପଡିଥିବାବେଳେ ଏଯାଏଁ ସହରର ଅନେକ ଜାଗାରେ ଜଳ ଛତ୍ରଟିଏ ଖୋଲି ନ ଥିବାରୁ ଲୋକେ ନାହିଁ ନ ଥିବା ହଇରାଣର ସମ୍ମୁଖୀନ ହୋଇଥିଲେ । ଏପରିକି ସହରରେ ଥିବା ପଳାଶ ବଣ ଓ ମୁଖ୍ୟ ରାସ୍ତାକଡର ଗଛ ସବୁ ବିକାଶ ନାଁରେ କାଟି ଦିଆଯାଇଥିବାରୁ ଲୋକେ ଛାଇ ଟିକିଏ ବି ପାଉ ନାହାନ୍ତି ।
{"id":111086}ଏଥର ଜିଲ୍ଲାରେ ଅନେକ ଦିନ ରାଜ୍ୟର ସର୍ବାଧିକ ତାପମାତ୍ରା ରହୁଥିବାରୁ ବିଭିନ୍ନ ସ୍ବେଚ୍ଛାସେବୀ ସଂଗଠନ ବୃକ୍ଷ ରୋପଣ ଓ ଜଳ କଷ୍ଟ ଦୂର ପାଇଁ ସହରର ପୋଖରୀ ସବୁ ପୁନଃରୁଦ୍ଧାର କରିବା ପାଇଁ ପୌର ପରିଷଦ ପାଖରେ ଦାବି କରିଛନ୍ତି ।