ସମ୍ବଲପୁର ୧୬|୬: ସମ୍ବଲପୁରରେ ଗତ ମାର୍ଚ୍ଚ ମାସରୁ ଆରମ୍ଭ ହୋଇଥିବା ଅସହ୍ୟ ତାତି ଏବେ ମଧ୍ୟ ଜାରି ରହିଛି। ପ୍ରାୟ ସବୁଦିନ ପାରଦ ୪୫ ଡିଗ୍ରୀ ଉପରେ ରହୁଛି। ଗତ ୩ଦିନ ହେଲା ସମ୍ବଲପୁରରେ ରାଜ୍ୟର ସର୍ବୋଚ୍ଚ ତାପମାତ୍ରା ରେକର୍ଡ କରାଯାଇଛି । ସେପଟେ ଗତ ୨୦ଦିନ ମଧ୍ୟରେ ସମ୍ବଲପୁରରେ ୫୨ଜଣ ରୋଗୀ ଅଂଶୁଘାତର ଶିକାର ହୋଇସାରିଲେଣି । ଏବେ ସୁଦ୍ଧା ୧୪ଜଣ ପ୍ରାଣ ହରାଇଛନ୍ତି ।

{"id":123736}

ସମ୍ବଲପୁରରେ ଅସହ୍ୟ ତାତି । ସକାଳ ୯ଟାରୁ ଅପରାହ୍ନ ୬ଟା ପର୍ଯ୍ୟନ୍ତ ସୂର୍ଯ୍ୟ ଦେବ ଯେପରି ଅଗ୍ନିବର୍ଷା କରୁଛନ୍ତି । ଗତ ୧୦ଦିନ ହେଲା ପାରଦ ୪୫ଡିଗ୍ରୀ ଉପରେ ରହୁଥିବାରୁ ସାଧାରଣରେ ଲୋକେ ତ୍ରାହି ତ୍ରାହି ଡାକୁଛନ୍ତି । ପ୍ରବଳ ତାତି ସହ, ଝାଞ୍ଜି ପବନ ଜନ ଜୀବନକୁ ଅସ୍ତବ୍ୟସ୍ତ କରିଦେଇଛି । ଅଂଶୁଘାତରେ ମୃତ୍ୟୁ ସଂଖ୍ୟା ପ୍ରତିଦିନ ବଢିବାରେ ଲାଗିଛି। ହେଲେ ଜିଲ୍ଲାପ୍ରଶାସନ କହୁଛି କଣ ନା , ସବୁ ଅଂଶୁଘାତ ମୃତ୍ୟୁର ତଦନ୍ତ ଚାଲିଛି।

{"id":123730}

ତାତି ଯେତିକି ବଢୁଛି, ଲୋକଙ୍କ ସମସ୍ୟା ସେତିକି ଅଧିକ ହେବାରେ ଲାଗିଛି। ଗରମ, ଝାଞ୍ଜି ମାଡ଼ ଆଉ କେତେ ଦିନ ବୋଲି ସମସ୍ତଙ୍କ ମୁହଁରେ ପ୍ରଶ୍ନ ।  ବର୍ଷାକୁ ସମସ୍ତେ ଚାତକ ପରି ଚାହିଁ ରହିଛନ୍ତି । ପ୍ରଶାସନ ପକ୍ଷରୁ ଜଳଛତ୍ର ବ୍ୟବସ୍ଥା କରାଯାଇନଥିବାରୁ ଲୋକେ ପାଣି ପାଇଁ ଡହଳ ବିକଳ ହେଉଛନ୍ତି ।

{"id":123729}

ଦିନକୁ ଦିନ ତାତି ବଢିଚାଲିଛି । ପାଣିପାଗ ବିଭାଗ ଆସନ୍ତା ୨ଦିନ, ପୁଣି ୨ଦିନ ଗ୍ରୀଷ୍ମ ପ୍ରବାହ ଜାରି ରହିବ ବୋଲି କହୁଛି । ପାଣିପାଗ ବିଭାଗର ସଠିକ୍‌ ପୁର୍ବାନୁମାନ ଅଭାବ ଲୋକଙ୍କ ଯନ୍ତ୍ରଣାକୁ ଦ୍ବିଗୁଣିତ କରିଦେଇଛି ।