Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଟି-୨୦ ବିଶ୍ବକପର ଧମାକାଦାର ଆରମ୍ଭ : PNGକୁ ୧୦ ଓ୍ବିକେଟରେ ହରାଇଲା ଓମାନ, କମାଲକଲେ ଭାରତୀୟ ବଂଶୋଦ୍ଭବ ଜତୀନ୍ଦର ସିଂହ
  • ||
  • ବିଧାୟକ ପ୍ରଦୀପ ପାଣିଗ୍ରାହୀଙ୍କ ସହଯୋଗୀଙ୍କ ଘରେ ଭିଜିଲାନ୍ସ ଚଢ଼ାଉ, ଜବତ ହେଲା ୨୦ ଲକ୍ଷ
  • ||
  • ଜାମ୍ମୁ କାଶ୍ମୀରରେ ଆତଙ୍କବାଦୀଙ୍କ ଉତପାତ୍‌ ଜାରି, ୨ ଅଣ-କାଶ୍ମୀରୀଙ୍କୁ ନିର୍ମମ ହତ୍ୟା
  • ||
  • ବିସିସିଆଇ ନୂତନ କୋଚ୍ ଏବଂ ସପୋର୍ଟିଂ ଷ୍ଟାଫ ପାଇଁ ମଗାଇଲା ଆବେଦନ, ଏମିତି ରହିଛି ସର୍ତ୍ତ
  • ||
  • ରାଜ୍ୟରେ ଆସନ୍ତା ୨୪ ଘଣ୍ଟା ମଧ୍ୟରେ ହେବ ବଜ୍ରପାତ, ୧୭ ଜିଲ୍ଲାକୁ ସତର୍କ ସୂଚନା
  • ||
  • ରାଜ୍ୟରେ କମୁଛି କରୋନା ଗ୍ରାଫ୍: କୋଭିଡ୍ ନେଲା ଆଉ ୩ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୪୪୩ କୋଭିଡ୍ ପଜିଟିଭ୍
  • ||
  • ବୋହୂକୁ ପଥରରେ ଛେଚି ଦେଲା ଶାଶୂ, ପାରିବାରିକ କଳହରୁ ଜଘନ୍ୟ ହତ୍ୟାକାଣ୍ଡ…
  • ||
  • ପ୍ରବଳ ବର୍ଷା ପରେ ଭୂସ୍ଖଳନ: ୧୮ ମୃତ ଓ ଅନେକ ନିଖୋଜ, ମୁଖ୍ୟମନ୍ତ୍ରୀ ଲୋଡିଲେ ସେନା ସହାୟତା
  • ||
  • ଆଜିଠୁ ଓଜେଇଇ କାଉନସେଲିଂ, ପଞ୍ଜୀକରଣ ଓ ଚଏସ ଲକିଂ କରିପାରିବେ ଛାତ୍ରଛାତ୍ରୀ
  • ||

ହନ୍ଦୱାଡ଼ା ସହିଦଙ୍କୁ ପତ୍ନୀଙ୍କ ଶେଷ ବିଦାୟ : ନୀରବରେ ଝରିଲା ଲୁହ, ଅନ୍ତିମ ଦୃଶ୍ୟର ଫଟୋ ଭାଇରାଲ୍

7/05/2020 at 12:29 PM

ଚଣ୍ଡୀଗଡ଼ ୦୭/୦୫ : ଫଟୋ କହୁଣୀ ଅନେକ କାହାଣୀ | ଫଟୋ ହେଉଛି ଆକୃତି ସୁଦଙ୍କର, ଜାମ୍ମୁ କାଶ୍ମୀର ହନ୍ଦୱାଡ଼ାରେ ଆତଙ୍କବାଦୀଙ୍କ ଗୁଳିରେ ନିହତ ହୋଇଥିବା ଅନୁଜ ସୁଦଙ୍କ ପତ୍ନୀ | ମଙ୍ଗଳବାର ଦିନ ଆକୃତିଙ୍କ ଏହି ଫଟୋ ସୋସିଆଲ ମିଡ଼ିଆରେ ଭାଇରାଲ ହୋଇଛି ଯେଉଁଥିରେ ସେ ସ୍ୱାମୀଙ୍କୁ ଶେଷ ବଉଦୟ ଦେଇଛନ୍ତି | ଅତ୍ୟନ୍ତ ଦୁଃଖଦାୟକ ସେ ଚାହାଣି | ଫୁଲରେ ସଜ୍ଜିତ ହୋଇ ସେନା ଗାଡ଼ିରେ ଯେତେବେଳେ ଅନୁଜଙ୍କ ପାର୍ଥିବ ଶରୀର ତାଙ୍କ ଜନ୍ମମାଟିରେ ପହଞ୍ଚିଥିଲା ଗାଁରେ ଶୋକାକୁଳ ପରିବେଶ ରହିଥିଲା | ଅନୁଜଙ୍କ କଫିନକୁ ଧରି ଆକୃତି କାନ୍ଦି କାନ୍ଦି ତାଙ୍କୁ ଶେଷ ବିଦାୟ ଦେଇଥିଲେ | ଉଭୟଙ୍କ ବିବାହ ମାତ୍ର କିଛି ମାସ ପୂର୍ବରୁ ହୋଇଥିଲା | ହରିୟାଣା ପଞ୍ଚକୁଲାରୁ ଅନୁଜଙ୍କ ହାତ ଧରି ଏକ ନୂଆ ଜୀବନ ଆରମ୍ଭ କରିଥିଲେ ଆକୃତି | କିନ୍ତୁ ବିବାହର ମାତ୍ର କିଛି ମାସ ପରେ ଅନୁଜ ଦେଶ ପାଇଁ ନିଜ ଜୀବନର ବଳିଦାନ ଦେଇ ସହିଦ ହୋଇଗଲେ | ଅନୁଜଙ୍କ ସହିତ ଆକୃତିଙ୍କ ଯାତ୍ରା ଚଣ୍ଡୀଗଡ଼ ମଣିମାଞ୍ଜରା ସ୍ମଶାନରେ ଶେଷ ହୋଇଯାଇଛି |

ଅନୁଜଙ୍କ ଭଉଣୀ ହର୍ଷିତା ମଧ୍ୟ ଜଣେ ସେନା ଅଧିକାରୀ | ଏହି ଦୁଖଦ ସମୟରେ ସେ ନିଜ ଭାଉଜଙ୍କୁ ସମବେଦନା ଜଣାଉଥିବା ଦେଖିବାକୁ ମିଳିଛି | ଟ୍ୱିଟର ଓ ଫେସବୁକରେ ଅନେକଥର ସେୟାର ହୋଇଥିବା ଏହି ଫଟୋ ଲକ୍ଷ ଲକ୍ଷ ଲୋକଙ୍କ ହୃଦୟକୁ ସ୍ପର୍ଶ କରିଛି | ଆକୃତିଙ୍କ ଆଖିରେ ଲୁହ ଓ ଏକ ବେଦନାଭରା ଚାହାଣିରେ ସେ ନିଜ ସହିଦ ସ୍ୱାମୀଙ୍କ କଫିନ ପାଖରେ ବସି ଅନୁଜଙ୍କ ପାର୍ଥିବଙ୍କ ଶରୀରକୁ ଚାହିଁ ରହିଛନ୍ତି | ସତେ ଯେମିତି ସେ ନିଜ ସ୍ୱାମୀଙ୍କୁ ଅନେକ କଥା କହିବାକୁ ଚାହୁଁଛନ୍ତି |

୩୦ ବର୍ଷ ବୟସ୍କ ଅନୁଜ ଶନିବାର ରାତିରେ ଉତ୍ତର କାଶ୍ମୀରର ହନ୍ଦୱାଡ଼ାରେ ୫ଜଣ ସୁରକ୍ଷାକର୍ମୀ ଆତଙ୍କବାଦୀଙ୍କ ଗୁଳିରେ ସହିଦ ହୋଇଥିଲେ | ରାଷ୍ଟ୍ରୀୟ ସମ୍ମାନ ସହ ସହିଦଙ୍କ ଶେଷକୃତ୍ୟ ସମ୍ପନ୍ନ ହୋଇଥିଲା | ଅନ୍ତିମ ସଂସ୍କାରରେ ସେନାର ଅବସରପ୍ରାପ୍ତ ଅଧିକାରୀ ମଧ୍ୟ ଉପସ୍ଥିତ ଥିଲେ | ମେଜର ସୁଦଙ୍କୁ ଗାର୍ଡ ଅଫ ଅନର ପ୍ରଦାନ କରାଯାଇଥିଲା | ସେନା ଓ ସୁରକ୍ଷାକର୍ମୀ ୩ ରାଉଣ୍ଡ ଗୁଳି ଚଳାଇ ମେଜରଙ୍କୁ ତୋପ ସଲାମି ଜଣାଇଥିଲେ | ମେଜର ସୁଦଙ୍କ ପିତା ଅବସରପ୍ରାପ୍ତ ବ୍ରିଗେଡିୟର ଚନ୍ଦ୍ରକାନ୍ତ ସୁଦ ସହିଦ ପୁଅଙ୍କୁ ମୁଖାଗ୍ନି ଦେଇଥିଲେ | ଦେଶ ପାଇଁ ତାଙ୍କ ପୁଅ ସହିଦ ହୋଇଛନ୍ତି ଏବଂ ସେଥିପାଇଁ ସେ ଗର୍ବିତ ବୋଲି କହିଛନ୍ତି | ସେ କହିଛନ୍ତି, ସେ ଦେଶର ପ୍ରକୃତ ପୁଅ |”

ମେଜର ଅନୁଜ ସୁଦ ଗୀର୍ଡ୍ସ ରେଜିମେଣ୍ଟର ବ୍ରିଗେଡ ଥିଲେ | ବର୍ତ୍ତମାନ ସେ ୨୧ ରାଷ୍ଟ୍ରୀୟ ରାଇଫଲ ଅନ୍ତର୍ଭୁକ୍ତ | ୨୦୦୮ ମସିହାରେ ସେ ଏନ୍ଡ଼ିଏ (ନ୍ୟାସନାଲ ଡିଫେନ୍ସ ଏକାଡେମୀ) ରେ ଯୋଗ ଦେଇଥିଲେ | ତାଙ୍କ ପରିବାର କହିବାନୁଯାୟୀ, ଅନୁଜଙ୍କର ଗୋଟିଏ ହିଁ ସ୍ବପ୍ନ ଥିଲା, ଭାରତୀୟ ସେନାରେ ଯୋଗ ଦେବା | ଅନୁଜଙ୍କ ପରିବାର କହିଛନ୍ତି ଯେ, ୬ ମାସ ପରେ ସେ ଘରକୁ ଫେରିବାର ଥିଲା | ଗତ ଦୁଇ ବର୍ଷ ହେଲା ସେ ଜାମ୍ମୁ କାଶ୍ମୀରରେ ନିୟୋଜିତ ଥିଲେ | ତା ପୂର୍ବରୁ ସେ ଗୁର୍ଦାସପୁରର ୧୨ ଗୀର୍ଡ୍ସ ୟୁନିଟରେ କାର୍ଯ୍ୟରତ ଥିଲେ |

   Related Posts