Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବିଏସଏଫର ବଡ କାର୍ଯ୍ୟାନୁଷ୍ଠାନ, ବାଂଲାଦେଶ ସୀମାରେ ୮୨ ନକଲି ଡ୍ରାଇଭିଂ ଲାଇସେନ୍ସ ଜବତ
  • ||
  • ୟୁପି ସମର: ଅଖିଳେଶଙ୍କ ପାଇଁ ପ୍ରଚାର କରିବେ ମମତା, ଫେବୃଆରୀ ୮ରେ ଲକ୍ଷ୍ନୌରେ ଭର୍ଚୁଆଲ ରାଲି
  • ||
  • ଆସନ୍ତାକାଲି ପ୍ରଥମ ଦିନିକିଆ: କିଏ କରିବ ଓପନିଂ ? ଖୁଲାସା କଲେ ରାହୁଲ, ୫ ବର୍ଷ ପରେ ଦିନିକିଆକୁ ପ୍ରତ୍ୟାବର୍ତ୍ତନ କରିବେ ଏହି ଖେଳାଳି
  • ||
  • କାରିଗରଙ୍କଠୁ ଲାଞ୍ଚ ନେବା ମହଙ୍ଗା ପଡିଲା, ଭିଜିଲାନ୍ସ ଦ୍ଵାରା ବନ୍ଧା ହେଲେ ହସ୍ତଶିଳ୍ପ ନିଗମର ସହ-ନିର୍ଦ୍ଦେଶକ ଓ କ୍ରାପ୍ଟମ୍ୟାନ୍
  • ||
  • କଲେଜ୍ରେ ନିର୍ବାଚନୀ ସଭା ନେଇ କଠୋର ହେଲେ ଏସଇସି: ଏସଡିପିଓ ଏବଂ ପ୍ରିନ୍ସିପାଲଙ୍କୁ ନିଲମ୍ବନ କରିବାକୁ ଦେଲେ ନିର୍ଦ୍ଦେଶ
  • ||
  • IPL 2022: କେଏଲ ରାହୁଲଙ୍କ ସହ ଏହି ଦୁଇ ଖେଳାଳିଙ୍କୁ ନିଜ ଦଳରେ ସାମିଲ୍ କଲା ଲକ୍ଷ୍ନୌ ଫ୍ରାଞ୍ଚାଇଜି
  • ||
  • ମଙ୍ଗଳବାର ପୃଥିବୀର ନିକଟତର ହେବ ବିରାଟ ଗ୍ରହାଣୁ : ମାଡ ହେଲେ ଘଟାଇବ ବିନାଶ !
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୨ ଲକ୍ଷ ୩୮ ହଜାରରୁ ଅଧିକ କରୋନା ପଜିଟିଭ୍, ୩୧୦ ମୃତ
  • ||
  • ରାଜ୍ୟରେ ଆଉ ୪ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୪୮୮କୁ ବୃଦ୍ଧି
  • ||
  • ରାଜ୍ୟରେ ୧୧ ହଜାର ଉପରେ ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୧୧୦୮୬ କୋଭିଡ୍ ପଜିଟିଭ୍, ୧୧୫୫୪୮୭ରେ ପହଞ୍ଚିଲା ସଂଖ୍ୟା
  • ||

ସୁପ୍ରିମ କୋର୍ଟରେ ଆରମ୍ଭ ହେଲା କାଶ୍ମୀରରୁ ଧାରା ୩୭୦ ହଟାଇବା ପ୍ରସଂଗରେ ଦାୟର ହୋଇଥିବା ୧୪ଟି ମାଲାର ଶୁଣାଣୀ, କାଶ୍ମୀର ଯିବାକୁ ସୀତାରାମ ୟେଚୁରୀଙ୍କୁ ମିଳିଲା ଅନୁମତି

28/08/2019 at 5:06 PM

ନୂଆଦିଲ୍ଲୀ୨୮|୮: କାଶ୍ମୀରରେ କାଁ ଭାଁ ହିଂସାକାଣ୍ଡ ସୃଷ୍ଟି ହେଉଥିବା ବେଳେ ଏହାକୁ ନେଇ କିନ୍ତୁ ସରକାର, ବିଭିନ୍ନ ରାଜନୈତିକ ଦଳ ଏବଂ ସୁପ୍ରିମକୋର୍ଟ ବେଶ ଚଳଚଞ୍ଚଳ ହୋଇଉଠିଛନ୍ତି ।ଗୋଟିଏ ପଟେ ଜାମ୍ମୁ କାଶ୍ମୀରର ବିକାଶ ପାଇଁ କେନ୍ଦ୍ର ସରକାର ମନ୍ତ୍ରୀ ସ୍ତରୀୟ କମିଟି ଗଠନ କରିଥିବା ବେଳେ ଅନ୍ୟପଟେ ଧାରା ୩୭୦ ଉଠାଇବା ନେଇ ସୁପ୍ରିମକୋର୍ଟରେ ରୁଜୁ ହୋଇଥିବା ମାମଲା ଉପରେ ଶୁଣାଣି ଆରମ୍ଭ ହୋଇଛି ।ବାମପନ୍ଥୀ ନେତା ସୀତାରାମ ୟେଚୁରୀଙ୍କୁ କାଶ୍ମୀର ଯିବାପାଇଁ ସର୍ତ୍ତମୂଳକ ଅନୁମତି ମିଳିଛି ।

ସୁପ୍ରିମକୋର୍ଟକୁ ଗଲା ଜାମ୍ମୁ କାଶ୍ମୀରରୁ ଧାରା ୩୭୦ ଉଚ୍ଛେଦ ମାମଲା ।ସୁପ୍ରିମକୋର୍ଟର ୫ ଜଣିଆ ବେଞ୍ଚ ଅକ୍ଟୋବର ପ୍ରଥମ ସପ୍ତାହରୁ ଏହି ମାମଲାରେ ଶୁଣାଣି ଆରମ୍ଭ କରିବେ । ଧାରା ୩୭୦ ଉଚ୍ଛେଦ ଉପରେ ଆଗତ ୧୪ଟି ଆବେଦନ ଉପରେ ଆଜି ଶୁଣାଣି ହୋଇଛି । ଏହା ମଧ୍ୟରେ କାଶ୍ମୀରରେ ଲାଗିଥିବା ବିଭିନ୍ନ କଟକଣା ସଂପର୍କରେ ହୋଇଥିବା ଆବେଦନ ଉପରେ ବି ଶୁଣାଣି ହୋଇଥିଲା। ସୁପ୍ରିମ୍ କୋର୍ଟ ଏହା ଉପରେ କେନ୍ଦ୍ର ସରକାରଙ୍କୁ ନୋଟିସ୍ ଜାରି କରିଥିବା ବେଳେ ଆଟର୍ଣ୍ଣି ଜେନେରାଲ ଏହାର ବିରୋଧ କରିଥିଲେ। ଏଭଳି ନୋଟିସକୁ ଅନ୍ୟ ଦେଶ ଦୁରୁପଯୋଗ କରିପାରନ୍ତି ବୋଲି ସେ କହିଥିଲେ। ତେବେ କୋର୍ଟ କହିଥିଲେ – “ଆମେ ଜାଣିଛୁ ଆମକୁ କଣ କରିବାକୁ ହେବ”। ଏହାସହ କୋର୍ଟ ଜାମ୍ମୁ କାଶ୍ମୀରରେ ମିଡିଆର ସ୍ବାଧୀନତା ନେଇ ମଧ୍ୟ କେନ୍ଦ୍ର ସରକାରଙ୍କୁ ନୋଟିସ ଜାରି କରିଛନ୍ତି। ଏ ସଂପର୍କରେ ୭ ଦିନ ଭିତରେ ଜବାବ ଦେବାକୁ କହିଛନ୍ତି କୋର୍ଟ ।…

ଗୋଟିଏ ପଟେ କାଶ୍ମୀର ପ୍ରସଙ୍ଗରେ ଶୁଣାଣି କରିବାକୁ ସୁପ୍ରିମକୋର୍ଟ ରାଜି ହୋଇଥିବା ବେଳେ ଅନ୍ୟପଟେ ବିରୋଧୀ ଦଳ ଗୁଡ଼ିକର ପ୍ରଥମ ବଡ଼ ନେତା ଭାବେ ସିପିଏମ୍ର ସୀତାରାମ ୟେଚୁରୀଙ୍କୁ ଜାମ୍ମୁ କାଶ୍ମୀର ଯିବାକୁ ଅନୁମିତ ମିଳିଛି । ତେବେ ୟେଚୁରୀ କେବଳ ତାଙ୍କ ବନ୍ଧୁଙ୍କୁ ସେଠାରେ ଭେଟି ପାରିବେ। ଅନ୍ୟ କୌଣସି ରାଜନୈତିକ କାର୍ଯ୍ୟକଳାପ କରିପାରିବେନି ବୋଲି କୋର୍ଟ ସ୍ପଷ୍ଟ କରିଛନ୍ତି।

ସେପଟେ କେନ୍ଦ୍ର ସରକାର ଜାମ୍ମୁ କାଶ୍ମୀରର ବିକାଶ ପାଇଁ ଏକ ମନ୍ତ୍ରୀସ୍ତରୀୟ ଗୋଷ୍ଠୀ ଗଠନ କରିଛନ୍ତି। ଏହି କମିଟିରେ କେନ୍ଦ୍ରମନ୍ତ୍ରୀ ରବିଶଙ୍କର ପ୍ରସାଦ, ଥାୱର ଚନ୍ଦ ଗେହଲଟ୍, ଜିତେନ୍ଦ୍ର ସିଂ, ନରେନ୍ଦ୍ର ସିଂ ତୋମାର ଏବଂ ଧର୍ମେନ୍ଦ୍ର ପ୍ରଧାନ ଅଛନ୍ତି । ଏହି ମନ୍ତ୍ରୀ ଗୋଷ୍ଠୀ ଜାମ୍ମୁ କାଶ୍ମୀରର ବିକାଶ ପାଇଁ କେନ୍ଦ୍ରୀୟ ମନ୍ତ୍ରାଳୟ ଗୁଡିକର ସହାୟତାରେ ଯୋଜନା ପ୍ରସ୍ତୁତ କରିବେ। ବିଶେଷକରି କାଶ୍ମୀର ଯୁବକ ମାନଙ୍କର କର୍ମନିଯୁକ୍ତି ଉପରେ ଫୋକସ ରହିବ। ମନ୍ତ୍ରୀସ୍ତରୀୟ ଗୋଷ୍ଠୀ ଏ ସଂପର୍କିତ ରିପୋର୍ଟ ଆକ୍ଟୋବର  ୩୧ ସୁଦ୍ଧା ଦାଖଲ କରିବେ ।…

   Related Posts