ନୂଆଦିଲ୍ଲୀ୭/୨: ୧୧କୁ ଘୁଞ୍ଚିଲା ବହୁ ଚର୍ଚ୍ଚିତ ନିର୍ଭୟା ଶୁଣାଣି । କେନ୍ଦ୍ର ଓ ଦିଲ୍ଲୀ ସରକାରଙ୍କ ଆବେଦନ ଉପରେ ଶୁଣାଣି ଆସନ୍ତା ମଙ୍ଗଳବାରକୁ ଘୁଞ୍ଚାଇ ଦେଇଛନ୍ତି ସୁପ୍ରିମକୋର୍ଟ । ୩୧ ଜାନୁଆରିରେ ପଟିୟାଲା ହାଉସ କୋର୍ଟ ନିର୍ଭୟା ଦୋଷୀଙ୍କ ଫାଶୀକୁ ଅନିର୍ଦ୍ଦିଷ୍ଟ କାଳ ପର୍ଯ୍ୟନ୍ତ ସ୍ଥଗିତ ରଖିଥିଲେ ।
ଏହାକୁ ଚ୍ୟାଲେଞ୍ଜ କରି କେନ୍ଦ୍ର ସରକାର ଦିଲ୍ଲୀ ହାଇକୋର୍ଟରେ ଆବେଦନ କରିଥିଲେ । ୪ ଦୋଷୀଙ୍କୁ ଅଲଗା ଅଲଗା ଫାଶୀ ଦେବା ପାଇଁ ଅନୁମତି ଦେବାକୁ ଆବେଦନରେ ଦର୍ଶାଇଥିଲେ କେନ୍ଦ୍ର ସରକାର । ଏହାକୁ କିନ୍ତୁ ଦିଲ୍ଲୀ ହାଇକୋର୍ଟ ଖାରଜ କରିଥିଲେ । ଦିଲ୍ଲୀ ହାଇକୋର୍ଟଙ୍କ ରାୟକୁ ଚ୍ୟାଲେଞ୍ଜ କରିଥିଲେ କେନ୍ଦ୍ର ସରକାର। ୪ ଦୋଷୀଙ୍କ ମଧ୍ୟରୁ ୩ ଜଣଙ୍କର ରାଜକ୍ଷମା ଆବେଦନ ଖାରଜ ହୋଇସାରିଛି ।
କେବଳ ପବନ ଗୁପ୍ତାର କ୍ୟୁରୋଟିଭ୍ ପିଟିସନ ଓ ରାଷ୍ଟ୍ରପତିଙ୍କ ଦୟା ଯାଚିକା ବାକି ରହିଛି । ସେପଟେ ଦୋଷୀଙ୍କୁ ଫାଶୀ ଦେବା ଲାଗି ନୂଆ ଡେଥ ୱାରେଣ୍ଟ ଜାରି କରିବା ଲାଗି ପଟିୟାଲା ହାଉସ କୋର୍ଟରେ ଆବେଦନ ଦାଖଲ କରିଥିଲେ ତିହାର କର୍ତ୍ତୃପକ୍ଷ । ଯାହାକୁ କୋର୍ଟ ଖାରଜ କରିଦେଇଥିଲେ। କହିଥିଲେ, ଯେହେତୁ ୭ ଦିନ ଭିତରେ ଆଇନଗତ ବିକଳ୍ପ ସାରିବା ଲାଗି ହାଇକୋର୍ଟ ଦୋଷୀଙ୍କୁ ନିର୍ଦ୍ଦେଶ ସାରିଛନ୍ତି, ତେଣୁ ଡେଥ ୱାରେଣ୍ଟ ଜାର କରାଯାଇପାରିବ ନାହିଁ
