Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଦେବାଳିଆ ଦ୍ଵାର ଦେଶରେ ଥିବା ଶ୍ରୀଲଙ୍କା ପାଇଁ ଅକ୍ସିଜେନ ପାଲଟିଲା ଭାରତ, ଦେଲା ଏତେ କୋଟି ସହାୟତା
  • ||
  • ପଞ୍ଚାୟତ ନିର୍ବାଚନ ପାଇଁ କଂଗ୍ରେସର ୧୮ ଜଣିଆ ନିର୍ବାଚନ କମିଟି, ନରସିଂହ ଅଧ୍ୟକ୍ଷ
  • ||
  • ପଞ୍ଚାୟତ ନିର୍ବାଚନ: ପ୍ରଥମ ଦିନରେ ନାମାଙ୍କନପତ୍ର ଦାଖଲ କଲେ ୮୭୭୨ ଜଣ ପ୍ରାର୍ଥୀ
  • ||
  • ପୁଣି ନିରାଶ ହେଲେ ସୁମିତ୍, ଆବେଦନ ଖାରଜ କଲେ ଏସଡିଜେଏମ କୋର୍ଟ
  • ||
  • ପଞ୍ଚାୟତ ନିର୍ବାଚନ ପୂର୍ବରୁ ହିଂସା ! ସମିତି ସଭ୍ୟାଙ୍କ ଗାଡି ଜାଳିଦେଲେ ଦୁର୍ବୃତ୍ତ
  • ||
  • ମହିଳାଙ୍କ ଦେହରେ ନିଆଁ ଲଗାଇ ଦେଲେ ଧରମ ଭାଇ ! ଗୁରୁତର ଅବସ୍ଥାରେ ହସ୍ପିଟାଲରେ ଭର୍ତ୍ତି
  • ||
  • ବିଲଡର୍ ସଂସ୍ଥାର ଘର ଉପରେ ବୋମାମାଡ, ୩ ଶ୍ରମିକ ଆହତ
  • ||
  • ରାଜ୍ୟରେ ଆଉ ୩ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୪୮୪କୁ ବୃଦ୍ଧି
  • ||
  • ରାଜ୍ୟରେ ୧୦ ହଜାର ଉପରେ ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୧୦୪୮୯ କୋଭିଡ୍ ପଜିଟିଭ୍, ୧୧୪୪୪୦୧ରେ ପହଞ୍ଚିଲା ସଂଖ୍ୟା
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୨ ଲକ୍ଷ ୫୮ ହଜାରରୁ ଅଧିକ କରୋନା ପଜିଟିଭ୍, ୩୮୫ ମୃତ
  • ||

ସମ୍ବଲପୁର ବିଜେଡି ସାଂସଦ ପ୍ରାର୍ଥୀ ନଳିନୀ ପ୍ରଧାନଙ୍କ ପ୍ରାର୍ଥୀପତ୍ର ସଂପର୍କରେ ଆରମ୍ଭ ହେଲା ଶୁଣାଣି

6/04/2019 at 10:59 AM

ସମ୍ବଲପୁର ୬|୪ : ସମ୍ବଲପୁର ବିଜେଡି ସାଂସଦ ପ୍ରାର୍ଥୀ ନଳିନୀ ପ୍ରଧାନଙ୍କ ପ୍ରାର୍ଥୀପତ୍ର ନାକଚ ପାଇଁ ବିଜେପି ସାଂସଦ ପ୍ରାର୍ଥୀ ନୀତିଶ ଗଙ୍ଗଦେବ କରିଥିବା ଆବେଦନ ଉପରେ ଶୁଣାଣି ଆରମ୍ଭ ହୋଇଛି । ସମ୍ବଲପୁର ଜିଲ୍ଲାପାଳ ତଥା ରିଟର୍ଣ୍ଣିଂ ଅଫିସରଙ୍କ କାର୍ଯ୍ୟାଳୟରେ ଆରମ୍ଭ ହୋଇଥିବା ଶୁଣାଣିରେ ଉଭୟ ନଳୀନି ପ୍ରଧାନ ଏବଂ ନୀତିଶ ଗଙ୍ଗଦେବ ଉପସ୍ଥିତ ରହିବା ସହ ସେମାନଙ୍କ ଓକିଲ ମଧ୍ୟ ଉପସ୍ଥିତ ଅଛନ୍ତି । ନଳୀନ ପ୍ରଧାନ ନିର୍ବାଚନ ଲଢିବା ପାଇଁ ପୂର୍ତ୍ତ ସଚିବ ପଦବୀରୁ ଇସ୍ତଫା ଦେଇଥିଲେ ମଧ୍ୟ ଆହୁରି ଦୁଇଟି ସରକାରୀ ସଂସ୍ଥାରେ ସଂପୃକ୍ତ ଅଛନ୍ତି । ତେଣୁ ଅଫିସ ଅଫ୍ ପ୍ରଫିଟ୍ ୧୯୬୧ ଆଇନ ଅନୁଯାୟୀ ତାଙ୍କ ପ୍ରାର୍ଥୀପତ୍ର ନାକଚ ପାଇଁ ବିଜେପି ପ୍ରାର୍ଥୀ ଗତକାଲି ଆବେଦନ କରିଥିଲେ । ରିଟର୍ଣ୍ଣିଂ ଅଫିସରଙ୍କ ନିକଟରେ ଚାଲିଥିବା ଶୁଣାଣିବେଳେ ନଳିନୀ କହିଛନ୍ତି ଯେ, ସେ ଏହି ଦୁଇ ସଂସ୍ଥାରୁ ମଧ୍ୟ ଦୀର୍ଘଦିନ ହେଲା ଇସ୍ତଫା ଦେଇସାରିଛନ୍ତି । ତେବେ ସରକାର ଏନେଇ ବିଜ୍ଞପ୍ତି ପ୍ରକାଶ କରିନାହାନ୍ତି । ଅପରପକ୍ଷରେ ବିଜେପି ପ୍ରାର୍ଥୀଙ୍କ ଓକିଲ ଯୁକ୍ତି କରିଛନ୍ତି ଯେ, ସରକାର ବିଜ୍ଞପ୍ତି ପ୍ରକାଶ କରିନଥିବା ଅର୍ଥ ହେଉଛି ନଳିନୀଙ୍କ ଇସ୍ତଫା ଗୃହୀତ ହୋଇନାହିଁ । ତେଣୁ ଅଫିସ୍ ଅଫ୍ ପ୍ରଫିଟ୍ ଆଇନରେ ତାଙ୍କ ପ୍ରାର୍ଥୀ ପତ୍ର ନାକଚ ହେବା ବିଧେୟ ।

ସୂଚନାଯୋଗ୍ୟ ଯେ, ଭୁବନେଶ୍ବରର ପୂର୍ବତନ ମେୟର ତଥା ବିଡିଏର ଅଧ୍ୟକ୍ଷ ଅନନ୍ତ ନାରାୟଣ ଜେନାଙ୍କ ବିରୋଧରେ ମଧ୍ୟ ସମାନ ଅଭିଯୋଗ ଉଠିଛି । ସେ ମଧ୍ୟ ବିଡିଏ ଅଧ୍ୟକ୍ଷ ପଦରୁ ଇସ୍ତଫା ନଦେଇ ଭୁବନେଶ୍ବର ମଧ୍ୟ ଆସନରୁ ବିଜେଡି ପ୍ରାର୍ଥୀ ଭାବେ ପ୍ରାର୍ଥୀ ପତ୍ର ଦାଖଲ କରିଥିବା ବିଜେପି ଅଭିଯୋଗ କରି ତାଙ୍କ ପ୍ରାର୍ଥୀପତ୍ର ନାକଚ ପାଇଁ ଦାବି କରିଛି । ଅନନ୍ତଙ୍କ ପ୍ରାର୍ଥୀ ପତ୍ର ସଂପର୍କରେ ମଧ୍ୟ ଆଜି ଶୁଣାଣି ହେବ । ତେବେ ଅନନ୍ତ କହିଛନ୍ତି ଯେ, ଗତ ଦୁଇ ତାରିଖରୁ ସେ ବିଡିଏ ଅଧ୍ୟକ୍ଷ ପଦରୁ ଇସ୍ତଫା ଦେଇସାରିଛନ୍ତି ।  

   Related Posts