Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କେନ୍ଦ୍ରକୁ ଓଡ଼ିଶା ମାଗିଲା ଅଗଷ୍ଟ ବର୍ଷା-ବନ୍ୟାର ସହାୟତା, ଦାବି କଲା ୧୫୬୯.୫୦ କୋଟି ଟଙ୍କା
  • ||
  • ରାଜ୍ୟରେ ଆଉ ୧୬ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ରାଜ୍ୟରେ ୧୬୩୩ କରୋନା ସଂକ୍ରମିତ ଚିହ୍ନଟ
  • ||
  • ଟ୍ରକକୁ ପଛ ପଟୁ ପିଟିଲା ଟ୍ରଲର, ୨ ମୃତ
  • ||
  • ଡ଼କାୟତି ଯୋଜନା ପଣ୍ଡ, ବାଇପାସ କଡ଼ରୁ ୬ ଡକାୟତ ଗିରଫ
  • ||

କାହାକୁ ଦିଆଯିବ କରୋନା ଭ୍ୟାକସିନ୍‌ର ପ୍ରଥମ ଡୋଜ୍ ? ସରକାର ନେବେ ଅନ୍ତିମ ନିଷ୍ପତ୍ତି, ସ୍ୱାସ୍ଥ୍ୟକର୍ମୀଙ୍କୁ ମିଳିପାରେ ପ୍ରାଥମିକତା

31/07/2020 at 12:28 PM

ନୂଆଦିଲ୍ଲୀ ୩୧/୦୭ : କରୋନା ଭାଇରସରୁ ରକ୍ଷା ପାଇବା ପାଇଁ ଅନେକ ଭ୍ୟାକସିନ କମ୍ପାନୀର କାମ ବର୍ତ୍ତମାନ ଅନ୍ତିମ ପର୍ଯ୍ୟାୟରେ ରହିଛି | ଯଦି ସବୁ କିଛି ଠିକ ରହେ ତାହେଲେ ଅଗଷ୍ଟ ମାସ ଶେଷ ଆଡକୁ ଭ୍ୟାକସିନ ଉପଲବ୍ଧ ହୋଇଯିବ ବୋଲି ଦାବି କରାଯାଉଛି | ଭ୍ୟାକସିନର ପ୍ରଥମ ଡୋଜ କାହାକୁ ଦିଆଯିବ ତାକୁ ନେଇ ବର୍ତ୍ତମାନ ଚର୍ଚ୍ଚା ଜୋର ଧରିଛି | ସରକାରୀ ସ୍ଥରରେ ଏହି ପ୍ରସଙ୍ଗରେ ଚର୍ଚ୍ଚା ହେଉଛି | କିନ୍ତୁ କେନ୍ଦ୍ର ସ୍ୱାସ୍ଥ୍ୟ ସଚିବ ଇସାରାରେ ଏକ ସଂକେତ ଦେଇଛନ୍ତି | କେନ୍ଦ୍ର ସ୍ୱାସ୍ଥ୍ୟ ସଚିବ ରାଜେଶ ଭୂଷଣଙ୍କ କଥା ଉପରେ ଯଦି ଗୁରୁତ୍ୱ ଦିଆଯାଏ ତାହେଲେ କରୋନା ଭ୍ୟାକସିନର ପ୍ରଥମ ଡୋଜ ସ୍ୱାସ୍ଥ୍ୟକର୍ମୀଙ୍କୁ ମିଳିପାରେ |

ସ୍ୱାସ୍ଥ୍ୟ ସଚିବ କହିଛନ୍ତି ଯେ ସରକାରୀ ସ୍ଥର ବାହାରେ ମଧ୍ୟ ଏହି ପ୍ରସଙ୍ଗକୁ ସହମତି ମିଳିଥିବା ଦେଖିବାକୁ ମିଳିଛି | ଏଥିରୁ ସ୍ପଷ୍ଟ ହୋଇଛି  ଯେ ଦେଶ ଅଗଧାଡ଼ିର ସ୍ୱାସ୍ଥ୍ୟକର୍ମୀଙ୍କୁ ମହତ୍ୱ ଦେଉଛି | ଏହାଦ୍ୱାରା ସ୍ୱାସ୍ଥ୍ୟକର୍ମୀଙ୍କ ଅଭାବ ମଧ୍ୟ ଦୂର କରାଯାଇପାରିବ |

ସ୍ୱାସ୍ଥ୍ୟ ସଚିବ କହିଛନ୍ତି ଯେ, ବର୍ତ୍ତମାନ କୌଣସି ତାଲିକା ପ୍ରସ୍ତୁତ କରାଯାଇନାହିଁ କିନ୍ତୁ ଯଦି ତାଲିକା ପ୍ରସ୍ତୁତ କରାଯାଏ ତାହେଲେ ପ୍ରଥମ ସ୍ଥାନରେ ସ୍ୱାସ୍ଥ୍ୟକର୍ମୀ ଓ ଦ୍ୱିତୀୟ ସ୍ଥାନରେ ବୟସ୍କ ଓ ଅନ୍ୟାନ୍ୟ ରୋଗରେ ପୀଡିତ ଲୋକଙ୍କୁ ଭ୍ୟାକସିନ ଦିଆଯାଇପାରେ | ଭ୍ୟାକସିନ ଉପରେ ବିଶ୍ୱ ସ୍ୱାସ୍ଥ୍ୟ ସଂଗଠନ ମଧ୍ୟ ନଜର ରଖିଛନ୍ତି | ସଂଗଠନର ରିଜନାଲ ନିର୍ଦେଶକ ଡ.ପୁନମ କ୍ଷେତ୍ରପାଳ ସିଂହଙ୍କ ଅନୁଯାୟୀ, ଯେତେବେଳେ ଭ୍ୟାକସିନ ପ୍ରସ୍ତୁତ ହୋଇଯିବ ସେତେବେଳେ ଦୁନିଆର ପ୍ରତ୍ୟେକ ବ୍ୟକ୍ତି ଯାଏଁ ପହଞ୍ଚାଯିବ | ଭ୍ୟାକସିନର ପ୍ରାଥମିକ ଡୋଜ ସମସ୍ତ ଦେଶକୁ ପହଞ୍ଚାଯିବ ଯେପରିକି ସ୍ୱାସ୍ଥ୍ୟକର୍ମୀଙ୍କୁ ଦିଆଯାଇପାରିବ |

କେନ୍ଦ୍ରୀୟ ସ୍ୱାସ୍ଥ୍ୟ ସଚିବ ରାଜେଶ ଭୂଷଣ କହିଛନ୍ତି ଯେ, ସରକାରଙ୍କ ତରଫରୁ ବର୍ତ୍ତମାନ କୌଣସି ତାଲିକା ପ୍ରସ୍ତୁତ କରାଯାଇନାହିଁ | କିନ୍ତୁ ଯାହାକୁ ଆବଶ୍ୟକ ସେମାନଙ୍କୁ ପ୍ରଥମେ ଭ୍ୟାକସିନ ଦିଆଯିବ | ଯେଉଁସବୁ ଅଞ୍ଚଳରେ କରୋନା ବିପଦ ଅଧିକ ରହିଛି ଓ ସଂକ୍ରମଣ ମାମଲା ଅଧିକ ରହିଛି ସେହି ସବୁ ଅଞ୍ଚଳକୁ ପ୍ରଥମେ ଭ୍ୟାକସିନ ପହଞ୍ଚାଯିବ |

   Related Posts