Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କରୋନା ସଂକ୍ରମଣ ରୋକିବାକୁ ସଜାଗ ବଲାଙ୍ଗୀର ପ୍ରଶାସନ, ସଚେତନତା ସହ ଷ୍ଟେସନରେ ଯାଞ୍ଚ୍ ପ୍ରକ୍ରିୟା ଜୋରଦାର୍
  • ||
  • ନବୀନଙ୍କୁ ଚିଠି ଲେଖିଲେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ, ପିଏମ୍ କିଷାନ ସମ୍ମାନ ନିଧି ଯୋଜନାରେ ଲୋଡିଲେ ମୁଖ୍ୟମନ୍ତ୍ରୀଙ୍କ ହସ୍ତକ୍ଷେପ
  • ||
  • କରୋନା ସଂକ୍ରମଣ ରୋକିବାକୁ ସମ୍ବଲପୁର ବିଶ୍ୱବିଦ୍ୟାଳୟ ପକ୍ଷରୁ ଜାରି ହେଲା ନୋଟିସ, ସନ୍ଧ୍ୟା ୭ଟା ୩୦ ସୁଦ୍ଧା ହଷ୍ଟେଲ ଫେରିବାକୁ ଛାତ୍ରଙ୍କୁ ନିର୍ଦ୍ଦେଶ
  • ||
  • ଚିକିତ୍ସା ଅବହେଳାରୁ ୨ ନବଜାତ ଶିଶୁ ପୁତ୍ର ମୃତ ! ନର୍ସ ଓ ଡାକ୍ତରଙ୍କ ବିରୋଧରେ କାର୍ଯ୍ୟାନୁଷ୍ଠାନ ଦାବି କଲେ ବାପା
  • ||
  • ଓଲଟି ପଡିଲା ପ୍ରିନ୍ସ, ମୃତ୍ୟୁ ମୁଖରୁ ବର୍ତ୍ତିଲେ ୪୬ ଯାତ୍ରୀ
  • ||
  • ଷ୍ଟିୟରିଂ ଉପରୁ ନିୟନ୍ତ୍ରଣ ହରାଇଲେ ଡ୍ରାଇଭର, ଓଲଟି ପଡିଲା ଟ୍ରକ, ୬ ଶ୍ରମିକ ମୃତ
  • ||

ମହାମାରୀ ‘କରୋନା’ : ଏପ୍ରିଲ ୧୫ପର୍ଯ୍ୟନ୍ତ ବିଦେଶରୁ ଆସୁଥିବା ଲୋକଙ୍କ ଭିସା ରଦ୍ଦ କଲା ଭାରତ

12/03/2020 at 8:36 AM

ନୂଆଦିଲ୍ଲୀ ୧।୩: ବିଶ୍ବ ସ୍ବାସ୍ଥ୍ୟ ସଂଗଠନ ମଧ୍ୟ କରୋନା ଭାଇରସ୍ ଚୀନ୍, ଇରାନ୍ ଏବଂ ଇଟାଲୀରେ ମହାମାରୀ ବୋଲି ଘୋଷଣା କରିଛି । କରୋନା ଭାଇରସକୁ ଦୃଷ୍ଟିରେ ରଖି ଭାରତ ଏପ୍ରିଲ ୧୫ ପର୍ଯ୍ୟନ୍ତ ବିଦେଶରୁ ଆସୁଥିବା ଲୋକଙ୍କ ଭିସାକୁ ରଦ୍ଦ କରିଛି । ଏହି ପ୍ରତିବନ୍ଧକରୁ କୂଟନୀତିଜ୍ଞ, ଅଧିକାରୀ, ମିଳିତ ଜାତିସଂଘର କର୍ମଚାରୀ ଏବଂ ଆନ୍ତର୍ଜାତୀୟ ସଂଗଠନର କର୍ମଚାରୀଙ୍କୁ ବାଦ୍ ଦିଆଯାଇଛି । ଏହି ପ୍ରତିବନ୍ଧକ ୧୩ ମାର୍ଚ୍ଚ ୨୦୨୦୨ଠାରୁ ଲାଗୁ ହେବ।

ସରକାର ଏହା ମଧ୍ୟ କହିଛନ୍ତି ଯେ, ଭାରତୀୟ ନାଗରିକମାନଙ୍କୁ ଅନାବଶ୍ୟକ ବିଦେଶ ଯାତ୍ରା ନକରିବାକୁ କଡା ପରାମର୍ଶ ଦିଆଯାଇଛି। ଯଦି ସେମାନେ ଯେକୌଣସି ସ୍ଥାନରୁ ଫେରିଯାଆନ୍ତି, ତେବେ ସେମାନଙ୍କୁ ଅତି କମରେ ୧୪ଦିନ ଲୋକଙ୍କଠାରୁ ଦୂରରେ ରଖାଯାଇପାରିବ |

ବିଶ୍ବ ସ୍ବାସ୍ଥ୍ୟ ସଂଗଠନ କହିଛି ଯେ, ‘ଆମର ମୂଲ୍ୟାଙ୍କନ ଅନୁଯାୟୀ, COVID-19 ବର୍ତ୍ତମାନ ଏକ ମହାମାରୀ ହୋଇସାରିଛି | ବିଶ୍ବରେ କାୟା ବିସ୍ତାର କରୁଥିବା ଏହି ଭାଇରସ୍ ପାଇଁ ବିଶ୍ବ ସ୍ବାସ୍ଥ୍ୟ ସଂଗଠନ ଚିନ୍ତିତ ରହିଛି । ଏହା ଏକ ବିପଜ୍ଜନକ ସ୍ତରରେ ପହଞ୍ଚୁଛି |

ସରକାରଙ୍କ ତରଫରୁ କୁହାଯାଇଛି ଯେ, ଯେଉଁ ବିଦେଶୀ ବ୍ୟକ୍ତି ଭାରତକୁ ଆସିବାକୁ ଇଚ୍ଛା କରୁଛନ୍ତି, ପ୍ରଥମେ ଭାରତୀୟ ଦୂତାବାସ ସହିତ ଯୋଗାଯୋଗ କରନ୍ତୁ | ସମସ୍ତ ଭାରତୀୟ ନାଗରିକ ଏବଂ ବିଦେଶୀ ନାଗରିକଙ୍କୁ ନିର୍ଦ୍ଦେଶ ଦିଆଯାଇଛି ଯେ ଯଦି ଏହା ସଂପୂର୍ଣ୍ଣ ଆବଶ୍ୟକ ନଥାଏ ତେବେ ଅନାବଶ୍ୟକ ଯାତ୍ରା ନକରିବାକୁ | ଯଦି ସେମାନେ ଭାରତକୁ ଆସନ୍ତି, ତେବେ ସେମାନଙ୍କୁ ୧୪ ଦିନ ପର୍ଯ୍ୟନ୍ତ ଲୋକଙ୍କଠାରୁ ଅଲଗା ଭାବେ ନଜର ରଖାଯିବ ।

କରୋନା ଭାଇରସ୍ ମଧ୍ୟ ଭାରତରେ କାୟା ବିସ୍ତାର କରୁଛି । ଭାରତରେ COVID-19 ସଂକ୍ରମିତ ୬୦ ରୋଗୀ ଅଛନ୍ତି। କରୋନା ଜୀବାଣୁ ଉପରେ ସ୍ବାସ୍ଥ୍ୟ ମନ୍ତ୍ରଣାଳୟ ମଧ୍ୟ ସତର୍କ ରହିଛି । ସ୍ବାସ୍ଥ୍ୟ ମନ୍ତ୍ରଣାଳୟରେ କ୍ରମାଗତ ଭାବରେ ଅନେକ ବୈଠକ କରୁଛି ।

   Related Posts