ନୂଆଦିଲ୍ଲୀ ୧୩।୦୯: ସାରାଦେଶରେ କରୋନା ସଂକ୍ରମଣ ସଂଖ୍ୟା ବଢିବାରେ ଲଗିଛି । ଏହାମଧ୍ୟରେ ଦେଶରେ ସୁସ୍ଥ ହାର ଢେର୍ ଅଧିକା ରହିଛି । ଏସବୁ ଭିତରେ ଆଜି କେନ୍ଦ୍ର ସ୍ବାସ୍ଥ୍ୟ ମନ୍ତ୍ରଣାଳୟ ପକ୍ଷରୁ 'post COVID-19 management protocol' ଜାରି କରାଯାଇଛି । କରୋନାରୁ ଆରୋଗ୍ୟ ଲାଭ ପରେ କେମିତି ନିଜର ଯତ୍ନ ନେବେ ଆକ୍ରାନ୍ତ । ସେନେଇ ବିସ୍ତୃତ ଭାବେ ସୂଚନା ଦିଆଯାଇଛି ।
wp:html/wp:htmlUnion Health Ministry issues 'post COVID-19 management protocol'; use of Chyawanprash, Yogasana, Pranayama and walks among suggestions. pic.twitter.com/aNLzi6P3hw
— ANI (@ANI) September 13, 2020
ସାମଗ୍ରୀକ ଭାବେ ଆକ୍ରାନ୍ତ ବ୍ୟକ୍ତି ନିଜର ଯତ୍ନ ନେବା ସହିତ ସାମାଜିକ ଦାୟିତ୍ବ ନିର୍ବାହ କରିବେ ସେନେଇ ଗାଇଡ ଲାଇନରେ କୁହାଯାଇଛି । ବ୍ୟକ୍ତିଗତସ୍ତରରେ ସଂପୃକ୍ତ ବ୍ୟକ୍ତି ମାସ୍କ ପିନ୍ଧିବା ସହିତ ହାତ ଧୋଇବେ ଏବଂ ସାମାଜିକ ଦୂରତା ରକ୍ଷା କରିବେ । ସେହିପରି ପର୍ଯ୍ୟପ୍ତ ପରିମାଣର ପାଣି ପିଇବାକୁ କୁହାଯାଇଛି । ନିଜର ରୋଗପ୍ରତିରୋଧକ ଶକ୍ତି ବୃଦ୍ଧି ପାଇଁ ଆୟୁଷ ମନ୍ତ୍ରାଳୟ ପରାମର୍ଶ ଦେଇଥିବା ଔଷଧ ସେବନ କରିବେ ।
ଏହା ସହିତ ଯଦି ଆକ୍ରାନ୍ତ ସମ୍ପୂର୍ଣ୍ଣ ସୁସ୍ଥ ଅନୁଭବ କରୁଛନ୍ତି । ତେବେ ସେ ନିଜର କାମ କରିପାରିବେ । ଯୋଗ ପ୍ରାଣାୟମ ମଧ୍ୟ କରିବାକୁ ଗାଇଡ ଲାଇନରେ କୁହାଯାଇଛି । ସେହିପରି ସାମାଜିକ ସ୍ତରରେ ଅନ୍ୟମାନଙ୍କ ମନୋବଳ ବୃଦ୍ଧି କରିବା ପାଇଁ ନିଜର ପଜିଟିଭ ଏକ୍ସପେରିଏନ୍ସ ସେୟାର କରିବାକୁ କୁହାଯାଇଛି । ମେଡିକାଲରୁ ଡିସ୍ ଚାର୍ଜ ହେବା ପରେ ଫୋନ ମାଧ୍ୟମରେ ସ୍ବାସ୍ଥ୍ୟକର୍ମୀଙ୍କ ଯୋଗାଯୋଗରେ ରହି ନିଜର ଯତ୍ନ ନେବାକୁ କୁହାଯାଇଛି ।