Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଆଶ୍ଵସ୍ତି: କମୁଛି କରୋନା ପ୍ରଭାବ, ୨୪ ଘଣ୍ଟାରେ ଆରୋଗ୍ୟ ହେଲେ ୮୦୯ ସଂକ୍ରମିତ
  • ||
  • ଡିସେମ୍ବର-ଜାନୁଆରୀ ସମସ୍ତଙ୍କ ପାଇଁ ଗୁରୁତ୍ବପୂର୍ଣ୍ଣ: ଭୁବନେଶ୍ବର ଷ୍ଟେସନ ଓ ଏୟାରପୋର୍ଟରେ କରିପାରିବେ କୋଭିଡ୍‌ ଟେଷ୍ଟ
  • ||
  • ପରୀ ବାପା-ମା’ଙ୍କୁ ଭେଟିଲେ ବିଜେପି ଟିମ୍, ସିବିଆଇ ତଦନ୍ତ ଦାବି
  • ||
  • ରାଉରକେଲା : ଚଳନ୍ତା ଟ୍ରେନ୍‌ର ଟୟଲେଟ୍‌ରେ ନାବାଳିକାଙ୍କୁ ଦୁଷ୍କର୍ମ ଉଦ୍ୟମ, ଅଭିଯୁକ୍ତ ଯୁବକ ଗିରଫ
  • ||
  • କଟକ : ପୁଣି ଏକ ନକଲି ଘିଅ କମ୍ପାନୀରେ ଚଢାଉ, କୋଟିଏ ଟଙ୍କାର ଅପମିଶ୍ରିତ ସାମଗ୍ରୀ ଜବତ
  • ||
  • ପ୍ରେମ: ସେୟାର ଚାଟ୍‌ରୁ ଆରମ୍ଭ ଫେସବୁକରେ ଶେଷ, ସୋସିଆଲ ମିଡିଆରେ ପ୍ରେମିକାଙ୍କ ଅଶ୍ଲୀଳ ଫଟୋ ପୋଷ୍ଟ କଲେ ପ୍ରେମିକ
  • ||

COVID-19 ନିୟମାବଳୀ ଉଲଂଘନ : କର କ୍ଲିନିକ୍ ନଯିବାକୁ ରୋଗୀଙ୍କୁ ସ୍ବାସ୍ଥ୍ୟ ବିଭାଗର ନିର୍ଦ୍ଦେଶ

27/03/2020 at 8:13 AM

ଭୁବନେଶ୍ବର ୨୭।୩: COVID-19 ସତର୍କତା ଏବଂ ଚିକିତ୍ସା ନିୟମାବଳୀ ଉଲଂଘନ କରି ଅସୁବିଧାରେ ପଡିଲା ଭୁବନେଶ୍ବର ସ୍ଥିତ କର କ୍ଲିନିକ୍ । ସମସ୍ତ ରୋଗୀଙ୍କୁ ବିଭିନ୍ନ ଚିକିତ୍ସା ପାଇଁ (ଆଉଟଡୋର୍ ଏବଂ ଇନ୍ ଡୋର୍) ନଯିବାକୁ ନିର୍ଦ୍ଦେଶ ଦେଲେ ରାଜ୍ୟ ସ୍ବାସ୍ଯ୍ୟ ବିଭାଗ । ଏନେଇ ସ୍ବାସ୍ଥ୍ୟ ବିଭାଗ ପକ୍ଷରୁ ଟ୍ବିଟ୍ କି ସୂଚନା ଦିଆଯାଇଛି ।

ସୂଚନାଯୋଗ୍ୟ ଯେ, ବାରମ୍ବାର ପରାମର୍ଶ ସତ୍ତ୍ବେ କେତେକ ଘରୋଇ ଚିକିତ୍ସାଳୟ ସ୍ବାସ୍ଥ୍ୟସେବା କ୍ଷେତ୍ରରେ COVID-19ର ନିୟମାବଳୀକୁ ପାଳନ କରୁନାହାନ୍ତି | ଫ୍ଲୁ ଭଳି ଲକ୍ଷଣ ଥିବା ରୋଗୀଙ୍କୁ ଚିକିତ୍ସା କରୁଥିବାର ଦେଖାଯାଉଛି । ଫଳରେ ସରକାର ସେମାନଙ୍କୁ ଏହି ନିୟମାବଳୀ ଅନୁସରଣ କରିବାକୁ କଡା ନିର୍ଦ୍ଦେଶ ଦେଇଛନ୍ତି । କାରଣ ଏଥି ମଧ୍ୟରେ  ରାଜ୍ୟରେ ଆଉ ଜଣେ କରୋନା ସଂକ୍ରମିତ ଚିହ୍ନଟ ହେବା ପରେ ସଂକ୍ରମିତଙ୍କ ସଂଖ୍ୟା ୩ରେ ପହଞ୍ଚିଛି । ସ୍ବାସ୍ଥ୍ୟ ବିଭାଗ ପକ୍ଷରୁ ଏନେଇ ଟ୍ବିଟ୍‌ ଯୋଗେ ସୂଚନା ଦିଆଯାଇଛି। ତୃତୀୟ କରୋନା ପଜିଟିଭ ବ୍ୟକ୍ତି ଜଣଙ୍କ ଭୁବନେଶ୍ବରର ଏବଂ ତାଙ୍କ ବୟସ ୬୦ ବର୍ଷ ହେବ ବୋଲି ଜଣାପଡିଛି । ଗତକାଲି ୨୫ଟି ନମୁନା ପରୀକ୍ଷା ହୋଇଥିବାବେଳେ ଜଣଙ୍କର ରିପୋର୍ଟ ପଜିଟିଭ୍‌ ଆସିଛି । ତେବେ ତାଙ୍କ ସଂସ୍ପର୍ଶରେ ଆସିଥିବା ଲୋକଙ୍କ ସମ୍ପର୍କରେ ସ୍ବାସ୍ଥ୍ୟ ବିଭାଗ ଅନୁସନ୍ଧାନ ଚଳାଇଛି ।

ସୂଚନାଯୋଗ୍ୟ ଯେ, ଏହି କରୋନା ଆକ୍ରାନ୍ତ ଜଣଙ୍କ ପ୍ରଥମେ ଚିକିତ୍ସା ପାଇଁ ଭୁବନେଶ୍ବରର ସ୍ଥିତ କର କ୍ଲିନିକ୍‌ ରେ ଭର୍ତ୍ତି ହୋଇଥିଲେ । ତେବେ ଏନେଇ ସୂଚନା ମିଳିବା ପରେ ସାଧାରଣ ଲୋକଙ୍କୁ ଏବେ କର କ୍ଲିନିକ୍‌ ନଯିବା ପାଇଁ ପରାମର୍ଶ ଦିଆଯାଇଛି । ଏନେଇ ରାଜ୍ୟ ସ୍ବାସ୍ଥ୍ୟ ଓ ପରିବାର କଲ୍ୟାଣ ବିଭାଗ ଟ୍ବିଟ୍ ଯୋଗେ ଜଣାଇଛନ୍ତି ।

ତେବେ ସଂପୃକ୍ତ ବ୍ୟକ୍ତିଙ୍କ ସଂସ୍ପର୍ଶରେ କେତେଜଣ ବ୍ୟକ୍ତି ଆସିଛନ୍ତି ତାହାର ଯାଞ୍ଚ ଜାରି ରଖାଯାଇଛି । ସେମାନଙ୍କୁ ଖୋଜା ଚାଲିଛି । ଖୁବ୍ ଶୀଘ୍ର ସେମାନଙ୍କୁ କ୍ବାରେଣ୍ଟାଇନ୍ ରେ ରହିବା ଲାଗି ପରାମର୍ଶ ଦିଆଯିବ । ଏହା ବ୍ୟତୀତ କର କ୍ଲିନିକ୍‌ରେ ଥିବା ଡାକ୍ତର, ନର୍ସ ଓ ଅନ୍ୟ କର୍ମଚାରୀଙ୍କ ଉପରେ ମଧ୍ୟ ନଜର ରଖାଯାଇଛି । ସଂପୃକ୍ତ ସଂକ୍ରମିତ ବ୍ୟକ୍ତିଙ୍କୁ ଯେଉଁ ଡାକ୍ତର ଓ ନର୍ସ ଚିକିତ୍ସା କରିଥିଲେ ସେମାନଙ୍କୁ କ୍ବାରେଣ୍ଟାଇନ୍‌ ରେ ରହିବା ଲାଗି ମଧ୍ୟ ପରାମର୍ଶ ଦିଆଯାଇଛି ।

ସଂପୃକ୍ତ ସଂକ୍ରମିତଙ୍କ ବ୍ୟକ୍ତି ଜଣଙ୍କ ମାର୍ଚ୍ଚ ୧୦ତାରିଖରେ ଦିଲ୍ଲୀରୁ ଆସିଥିଲେ । ମାର୍ଚ୍ଚ ୨୧ ତାରିଖରେ କର କ୍ଲିନିକ୍ ଓପିଡିରେ ସେ ଡାକ୍ତରଙ୍କଠାରୁ ପରାମର୍ଶ ନେଇଥିଲେ । ତେବେ ତାଙ୍କୁ ମାର୍ଚ୍ଚ ୨୩ ତାରିଖରେ କ୍ଲିନିକ୍ ରେ ଭର୍ତ୍ତି କରାଯାଇଥିଲା । ସେ ସେଠାରେ ଆଇସିୟୁରେ ରହିଥିଲେ ।

ଉଲ୍ଲେଖଯୋଗ୍ୟ ଯେ, ପୂର୍ବରୁ ଚିହ୍ନଟ ହୋଇଥିବା ଦୁଇ ଆକ୍ରାନ୍ତ ମଧ୍ୟ ଭୁବନେଶ୍ବରର । ଜଣେ ଇଟାଲୀରୁ ଓ ଅନ୍ୟ ଜଣେ ବ୍ରିଟେନରୁ ଫେରିଥିଲେ । ସେମାନଙ୍କ ସ୍ବାସ୍ଥ୍ୟାବସ୍ଥା ସ୍ଥିର ରହିଛି ।

   Related Posts