ଜୟପୁର ୨୬।୧୧: ସୁନାବେଡ଼ା ହିନ୍ଦୁସ୍ଥାନ ଏରୋନଟିକ୍ସ ଲିମିଟେଡ଼ (ହାଲ୍)ର ସୁଖୋଇ-୩୦ ଡିଭିଜନରେ ସୋମବାର ଇଞ୍ଜିନ୍ ପରୀକ୍ଷା ବେଳେ ଅଗ୍ନିକାଣ୍ଡ ଘଟଣା । ନିଆଁକୁ ଆୟତ୍ତ କରିବାକୁ ଯାଇଥିବା ତିନିଜଣ ଅଗ୍ନିଶମ ଠିକା କର୍ମଚାରୀ ପୋଡ଼ିହୋଇ ଗୁରୁତର ଆହତ ହୋଇଥିବା କର୍ମଚାରୀଙ୍କ ସ୍ବାସ୍ଥ୍ୟବସ୍ଥା ସ୍ଥିର ରହିଛି । ଆହତ କର୍ମଚାରୀ କାକିଗାଁର ଏସ୍. କଣ୍ଟା, ଗଞ୍ଜାମ କଲୋନିର ସନ୍ତୋଷ ଖଣ୍ଡୁଆଳ ଏବଂ ଡିପି କ୍ୟାମ୍ପର ଅଜିତ ଦାସ ।
{"id":189960,"sizeSlug":"large"}
ସୂଚନାଯୋଗ୍ୟ ଯେ, ସୁଖୋଇରେ ଇଞ୍ଜିନ ପରୀକ୍ଷା ବେଳେ ଏହା ଆଗପଛ ହେବାଦ୍ୱାରା ବଏଲିଂ ହୋଇ ଅଗ୍ନି ନିର୍ଗତ ହୋଇଥାଏ । ପରୀକ୍ଷା ବେଳେ ଅଧିକ ଅଗ୍ନି ନିର୍ଗମ ହୋଇଥିଲା । ଫଳରେ ନିୟୋଜିତ କର୍ମଚାରୀ ତୁରନ୍ତ ନିଆଁକୁ ଆୟତ୍ତ କରିବାକୁ ପହଞ୍ଚିଥିଲେ । ନିଆଁ ଝାସରେ କର୍ମଚାରୀମାନେ ପୋଡ଼ିଯାଇ ଆହତ ହୋଇଥିଲେ । ସମସ୍ତ ଆହତଙ୍କୁ ପ୍ରଥମେ ସୁନାବେଡ଼ା ହାଲ୍ ମେଡ଼ିକାଲର ଆଇସିୟୁରେ ଭର୍ତ୍ତି କରାଯାଇଥିଲା । ପ୍ରାଥମିକ ଚିକିତ୍ସା ପରେ ସମସ୍ତେ ବିପଦମୁକ୍ତ ଥିବା ଡାକ୍ତର ସଂଜୟ ମହାପାତ୍ର କହିଛନ୍ତି। ତଥାପି ଅଧିକ ଚିକିତ୍ସା ପାଇଁ ସମସ୍ତ ଆହତଙ୍କୁ ବିଶାଖାପାଟଣା ସ୍ଥାନାନ୍ତର କରାଯାଇଛି । ଚିକିତ୍ସା ସମୟରେ ଡାକ୍ତର ଶ୍ରୀ ମହାପାତ୍ର, ଡାକ୍ତର ପାର୍ଥସାରଥୀ ସେଠୀ ଏବଂ ଆହତ କର୍ମଚାରୀଙ୍କ ପରିବାର ସହିତ ଅଗ୍ନିଶମ ଅଧିକାରୀ ବସନ୍ତକୁମାର ପାତ୍ର ଓ ସୁଖୋଇ ଅଧିକାରୀ ଉପସ୍ଥିତରହିଥିଲେ। ଗତ ଅଗଷ୍ଟରେ ମଧ୍ୟ ହାଲ୍ରେ କମ୍ପ୍ରେସର ଫାଟି ସୁଦାମ ମହାନ୍ତି ନାମକ ଠିକା କର୍ମଚାରୀଙ୍କ ମୃତ୍ୟୁ ହୋଇସାରିଛି।
