Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭାରତରେ ପହଞ୍ଚିଲା ଓମିକ୍ରନ୍‌ ଭ୍ୟାରିଆଣ୍ଟ । କର୍ଣ୍ଣାଟକର ୨ ଜଣ ବ୍ୟକ୍ତି ଓମିକ୍ରନ୍‌ ଭ୍ୟାରିଆଣ୍ଟରେ ସଂକ୍ରମିତ
  • ||
  • ହଜିନି ମାନବିକତା, ପାଇଥିବା ସୁନା ଗହଣାକୁ ଫେରାଇଦେଲେ ଅଟୋ ଚାଳକ
  • ||
  • ଭୁବନେଶ୍ବର : STF ମୋଷ୍ଟ ୱାଣ୍ଟେଡ ଲିଷ୍ଟରେ ଅନୀଲ ପାଣ୍ଡି, ସୂଚନା ଦେଲେ ମିଳିବ ପୁରସ୍କାର
  • ||
  • ଭୁବନେଶ୍ବର : ୩ ନିର୍ବାହୀ ଅଧିକାରୀଙ୍କୁ ବାଧ୍ୟତାମୂଳକ ଅବସର ଓ ଜଣେ ଆରଆଇ ଚାକିରୀରୁ ବହିଷ୍କୃତ
  • ||
  • ନୂଆଦିଲ୍ଲୀ : ବାତ୍ୟା ଅପଡେଟ୍ : ୩ରୁ ଓଡିଶାରେ ବର୍ଷା, ୪ରେ ପବନର ବେଗ ଛୁଇଁବ ୯୦ କି.ମି.
  • ||
  • ନୂଆଦିଲ୍ଲୀ : ଶୁକ୍ରବାରଠୁ ରାଜଧାନୀରେ ସମସ୍ତ ସ୍କୁଲ ବନ୍ଦ, ଘୋଷଣା କଲେ କେଜ୍ରିଓ୍ୱାଲ୍‌ ସରକାର
  • ||
  • ବାଇକକୁ ପିଟିଲା ଜୁସ୍ ବୋଝେଇ ଟ୍ରକ୍, ୨ ଆରୋହୀ ମୃତ
  • ||
  • କଣ୍ଟାବାଞ୍ଜି : ମମିତା ମେହେର ହତ୍ୟାକାଣ୍ଡ ମାମଲା : ADG କୋର୍ଟରେ ଜାମିନ ଆବେଦନ କଲା ଗୋବିନ୍ଦ ସାହୁ
  • ||
  • ସାନଖେମୁଣ୍ଡି : ୩୦ ଏକର ଗଞ୍ଜେଇ ଚାଷ ନଷ୍ଟ କଲା ପ୍ରଶାସନ
  • ||
  • ଘାରିଛି ଓମିକ୍ରନ ବିପଦ : ବିଳମ୍ବିତ ହେବ ଟିମ୍ ଇଣ୍ଡିଆର ଦକ୍ଷିଣ ଆଫ୍ରିକା ଗସ୍ତ ! ସମୟ ମାଗିଲା ବିସିସିଆଇ
  • ||

ପ୍ରଶିକ୍ଷଣ ପାଇଁ ଯାଇଥିଲେ ଦକ୍ଷିଣ ଆଫ୍ରିକା, ହେଲେ ସାକ୍ଷୀ ଭାବେ ଫସି ରହିଛନ୍ତି ଓଡ଼ିଆ ଯୁବକ, ଏକମାତ୍ର ପୁଅକୁ ଝୁରି ଝୁରି ପ୍ରାଣ ହରାଇଲେ ମା

16/07/2021 at 5:52 PM

ଢେଙ୍କାନାଳ ୧୬।୦୭:  ଉଦ୍ୟାନ କୃଷି ପ୍ରଶିକ୍ଷଣ ପାଇଁ ସୁଦୂର ଦକ୍ଷିଣ ଆଫ୍ରିକା ଯାଇ ଫସି ରହିଛନ୍ତି ଜଣେ ଓଡ଼ିଆ ଯୁବକ । ଏକମାତ୍ର ପୁଅର ଫେରିବା ବାଟକୁ ଚାହିଁ ଚାହିଁ ଶେଷରେ ଅକାଳରେ ଆଖି ବୁଜିଲେ ମା ।  ତଥାପି ଫେରି ପାରୁନି ପୁଅ । ଏପରି ସ୍ଥଳେ ସରକାରଙ୍କ  ସହଯୋଗକୁ ଚାହିଁ ବସିଛନ୍ତି ଢେଙ୍କାନାଳ ଜିଲ୍ଲାର ବେଲଟିକିରି ଗ୍ରାମବାସୀ।

ମରିଗଲେ ପାଟିରେ ପୁଅ ପାଣି ଟୋପାଏ ଦେବ । ଆଉ ମଶାଣିରେ ମୁହଁରେ ନିଆଁ ଟିକିଏ  ଦେବ । ଏପରି ଅନେକ ଆଶା ବାନ୍ଧିଥାନ୍ତି ବାପା ମା । ହେଲେ ବିଧିର ବିଧାନ କିଛି ଅଲଗା । ଚାଲିଛି ଶୁଦ୍ଧକ୍ରିୟା । ଏପଟେ ଗାଁ ପୋଖରି ତୁଠରେ ସାମିଲ ହୋଇଛନ୍ତି ଭାଇ ବନ୍ଧୁ ଆଉ କୁଟୁମ୍ବ। ମାତ୍ର ମାର ଏହି ଅନ୍ତେଷ୍ଟି କ୍ରିୟାରେ ସାମିଲ ହୋଇ ପାରିଲାନି ଏକ ମାତ୍ର ପୁଅ । ଏପରି ଦୁଃଖଦ ଘଟଣା ଦେଖିବାକୁ ମିଳିଛି ଢେଙ୍କାନାଳ ଜିଲ୍ଲା ବେଲଟିକିରି ଗ୍ରାମରେ । ଯାହାକୁ ନେଇ ବନ୍ଧୁ ବନ୍ଧବଙ୍କ ଠାରୁ ଆରମ୍ଭ କରି ଗ୍ରାମବାସୀଙ୍କ ପଯ୍ୟନ୍ତ ସମସ୍ତେ ମର୍ମାହତ ।

ସାଧାରଣ ପ୍ରଶାସନିକ ବିଭାଗରେ ଆକାଉଟାଣ୍ଟ ଭାବେ କାର୍ଯ୍ୟ କରୁଥିବା ଢେଙ୍କାନାଳ ଜିଲ୍ଲା ବେଲଟିକିରି  ଗ୍ରାମର ରଞ୍ଜନ ନନ୍ଦ ଓ ପତ୍ନୀ  ଭକ୍ତିମଞ୍ଜରୀ ନନ୍ଦଙ୍କର ଏକମାତ୍ର ପୁଅ ୨୮ବର୍ଷର ସବ୍ୟସାଚୀ ନନ୍ଦ। ସବ୍ୟସାଚୀ ଆଇଟିଆରରୁ ବିଟେକ ସାରି ଗତ ଡିସେମ୍ବର ୨୦୧୯ରେ ଉଦ୍ୟାନ କୃଷି ପ୍ରଶିକ୍ଷଣ ପାଇଁ ଦକ୍ଷିଣ ଆଫ୍ରିକା ଯାଇଥିଲେ । ପ୍ରଶିକ୍ଷଣ ସାରି ଗତ ମାର୍ଚ୍ଚ ୨୦୨୦ରେ ସେ ଘରକୁ ଫେରିବା କଥା । କିନ୍ତୁ କୋଭିଡ ମହାମାରୀ ଯୋଗୁଁ ଆନ୍ତର୍ଜାତିକ ବିମାନ ସେବା ବାତିଲ ତାଙ୍କ ଫେରିବା ବାଟରେ ବାଧା ସାଜିଲା । ଫଳରେ ଘରକୁ ଫେରି ନପାରି ପୁଣି ଦକ୍ଷିଣ ଆଫ୍ରିକାରେ ଏକ ଭଡା ଫାର୍ମ ହାଉସରେ ସବ୍ୟସାଚୀଙ୍କୁ ରହିବାକୁ ପଡିଲା। 

ତେବେ ଭାଗ୍ୟର ବିଡମ୍ବନା ଗତ ଫ୍ରେବ୍ରୁଆରୀ ମାସରେ ଉକ୍ତ ଫାର୍ମ ହାଉସ ମାଲିକଙ୍କ ପୁଅକୁ ଅଜଣା ଆତତାୟୀ ମାନେ ସବ୍ୟସାଚୀଙ୍କ ଉପସ୍ଥିତିରେ ହତ୍ୟା କଲେ । ଫଳରେ ଏହି ହତ୍ୟା ମାମଲାରେ ସବ୍ୟସାଚୀ ଏକମାତ୍ର ପ୍ରତ୍ୟକ୍ଷ ଦର୍ଶୀ ସାକ୍ଷୀ ଭାବେ ତଦନ୍ତକାରୀ ଦକ୍ଷିଣ ଆଫ୍ରିକା ପୁଲିସ ପାଖରେ ଫସି ରହିଛନ୍ତି । ଏପରିକି ତାଙ୍କ ଭିସା ଓ ପାସପୋର୍ଟ ଆଦିକୁ ଜବତ କରିନେଇଛି ସେଠାକାର ପୁଲିସ । ଫଳରେ ମାମଲାର ତଦନ୍ତ ନସରିବା ଯାଏଁ ପୁଅର ଫେରିବା ବାଟ ବନ୍ଦ ହୋଇଯାଇଛି । ଏପରିସ୍ଥଳେ ଏକମାତ୍ର ପୁଅକୁ ଝୁରି ଝୁରି ଗତ ୭ତାରିଖରେ ମା ଭକ୍ତିମଞ୍ଜରୀଙ୍କର ଅକାଳ ବିୟୋଗ ଘଟିଛି । ଯାହାକି ତାଙ୍କ ପରିବାର , ବନ୍ଧୁବାନ୍ଧବଙ୍କ ଠାରୁ ଗ୍ରାମବାସୀଙ୍କ ପର୍ଯ୍ୟନ୍ତ ସମସ୍ତଙ୍କୁ ବେଶ ବେଶ ମର୍ମାହତ କରିଦେଇଛି ।

ତେବେ ପୁଅ ଫେରିବା ପାଇଁ ଦକ୍ଷିଣ ଆଫ୍ରିକାର ଭାରତୀୟ ଦୂତାବାସକୁ ଯୋଗାଯୋଗ କରି ମଧ୍ୟ ବିଫଳ ହେବା ପରେ ହତାଶ ହୋଇପଡିଛନ୍ତି  ପରିବାର ଓ ଗ୍ରାମବାସୀ । ଏପରିସ୍ଥଳେ  ପୁଅକୁ ଫେରାଇଆଣିବା ପାଇଁ ସରକାରଙ୍କୁ ସହଯୋଗ କରିବାକୁ ଅନୁରୋଧ କରିଛନ୍ତି ସବ୍ୟସାଚୀଙ୍କ ବାପା ।

   Related Posts