ଅନୁଗୁଳ ୦୪।୦୯: ମଦ ପିଇବା ହେଲା କାଳ। ସାଙ୍ଗର ଟାଙ୍ଗିଆ ଚୋଟରେ ସାଙ୍ଗର ମୃତ୍ୟୁ। ଅନୁଗୁଳ ଜିଲ୍ଲା ଠାକୁରଗଡ଼ ସୋମନାଥପୁର ଗାଁରେ ଅଭାବନୀୟ ଘଟଣା । ମୃତକ ଜଣଙ୍କ ହେଲେ ଦିଲୀପ ସେଠୀ ।
ସୁଚନା ମୁତାବକ ଦିଲୀପ ସେଠୀ , କୁନା ବେହେରା ରଞ୍ଜନ ବେହେରା ଭୋଜି କରିବା ସହ ଏକାଠି ମଦ ପିଇଥିଲେ । ମଦ ପିଇବା ସମୟରେ କୁନା ଓ ଦିଲୀପଙ୍କ ମଧ୍ୟରେ ଯୁକ୍ତିତର୍କ ହୋଇଥିଲା । ଏଥିରେ କୁନା ରାଗିଯାଇ ସେଠାରେ ଥିବା ଏକ ଟାଙ୍ଗିଆ ଆଣି ଦିଲୀପ ଉପରେ ଆକ୍ରମଣ କରିଥିଲା । ଫଳରେ ଘଟଣାସ୍ଥଳରେ ଦିଲୀପଙ୍କ ମୃତ୍ୟୁ ହୋଇଥିଲା । ଘଟଣା ସ୍ଥଳରେ ଠାକୁରଗଡ଼ ପୋଲିସ ପହଞ୍ଚି ମୃତଦେହ ଜବତ କରିଛି । ଦିଲୀପଙ୍କ ବାପା ଦଳଗୋବିନ୍ଦ ସେଠୀ ଏନେଇ ଥାନାରେ ଅଭିଯୋଗ କରିଛନ୍ତି । ଅଭିଯୁକ୍ତ କୁନାକୁ ପୋଲିସ ଅଟକ ରଖି ପଚାରାଉଚରା କରୁଛି ।
