ଦେବଗଡ ୨୩।୦୮: ଦେବଗଡ ଥାନା ରଙ୍ଗିଆଟିକ୍ରା ଗାଁର ହତ୍ୟାକାଣ୍ଡ ଘଟିଛି । ମଦ୍ୟପ ପୁଅର ଠେଙ୍ଗାମାଡ଼ରେ ବାପାର ମୃତ୍ୟୁ ହୋଇଯାଇଛି । ମୃତ ବ୍ୟକ୍ତିଙ୍କ ନାମ ଗୋବିନ୍ଦ ବୋଲି ଜଣାପଡିଛି । ଘଟଣାସ୍ଥଳରେ ପୋଲିସ ପହଞ୍ଚି ଛାନ୍ଭିନ୍ ଜାରି ରଖିଛି ।
{"id":318805,"sizeSlug":"large"}ସୂଚନାଯୋଗ୍ୟ ଯେ, ଗତକାଲି ସଂଧ୍ୟାରେ ରଙ୍ଗିଆଟିକ୍ରା ଗାଁର ଅମୂଲ୍ୟ ମୁଣ୍ଡା ମଦ୍ୟପାନ କରି ଘରକୁ ଆସିଥିସେ । କୌଣସି କାରଣରୁ ତାଙ୍କ ବାପା ଗୋବିନ୍ଦ ସହ ଗଣ୍ଡଗୋଳ କରିଥିଲା , ପରେ ଏକ ଠେଙ୍ଗାରେ ତାଙ୍କ ବାପାକୁ ଆକ୍ରମଣ କରିଥିଲେ । ବାପାଙ୍କୁ ଆକ୍ରମଣ ଦେଖି ଗୋବିନ୍ଦଙ୍କ ସାନ ପୁଅ ଦୁଇ ଆସି ଭାଇକୁ ବୁଝାସୁଝା କରିଥିଲେ। କିନ୍ତୁ ଭାଇର ବୁଝାସୁଝା ପରେ ବି ଅମୁଲ୍ୟ ମାନିନଥିଲା ।
କିଛି ସମୟ ପରେ ପୁଅ ଅମୂଲ୍ୟ ଏକ ଟାଙ୍ଗିଆ ଧରି ବାପାଙ୍କୁ ଖୋଜିବା ଦେଖି ସାନପୁଅ ବାପା ଗୋବିନ୍ଦଙ୍କୁ ଗାଁର ଥିବା ଲକ୍ଷ୍ମୀ ପୂଜା ମଣ୍ଡପରେ ଲୁଚାଇ ଦେଇଥିଲା । ବିଳମ୍ବିତ ରାତି ପର୍ଯ୍ୟନ୍ତ ବାପା ଗୋବିନ୍ଦଙ୍କ ସ୍ବାସ୍ଥ୍ୟ ଅବସ୍ଥା ଠିକ୍ ଥିବା ବେଳେ ସେ ସାନ ପୁଅ ଓ ବୋହୁଙ୍କୁ ଶୋଇବା ପାଇଁ ଘରକୁ ପଠାଇ ଦେଇଥିଲେ । ସକାଳେ ଲକ୍ଷ୍ମୀ ମଣ୍ଡପରେ ଗୋବିନ୍ଦଙ୍କ ମୃତଦେହ ପଡିଥିବା ଦେଖିବାକୁ ମିଳିଥିଲା । ତେବେ ଖବରପାଇ ଦେବଗଡ ପୋଲିସ ଘଟଣା ସ୍ଥଳରେ ପହଞ୍ଚି ଅଭିଯୁକ୍ତ ପୁଅ ଅମୂଲ୍ୟ ମୁଣ୍ଡାକୁ ଅଟକ ରଖିବା ସହ ଘଟଣାର ଅଧିକ ତଦନ୍ତ ଜାରି ରଖିଛି ।