ସମ୍ବଲପୁର ୦୪।୦୮ : ବ୍ରିଜ ତଳେ ପଡିଛି ମୃତଦେହ । ସମ୍ବଲପୁର ବୁର୍ଲା ଥାନା ଚାଉଁରପୁର ମହାନଦୀ ବ୍ରିଜ ନିକଟରେ ପଡିରହିଛି ମୃତଦେହ। ମୃତ ବ୍ୟକ୍ତିଙ୍କ ନାମ ହରେକୃଷ୍ଣ ନାଏକ ବୋଲି ଜଣାପଡିଛି । ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି ।
ଖବର ଅନୁଯାୟୀ, ସମ୍ବଲପୁର ବୁର୍ଲା ଥାନା ଚାଉଁରପୁର ମହାନଦୀ ବ୍ରିଜ ଉପରେ ଜଣେ ବ୍ୟକ୍ତିଙ୍କ ମୃତଦେହ ପଡିଥିବା ଦେଖିବାକୁ ମିଳିଥିଲା । ମୃତଦେହ ଦେଖିବା ପରେ ସ୍ଥାନୀୟ ଲୋକେ ନିକଟସ୍ଥ ପୋଲିସକୁ ଖବର ଦେଇଥିଲେ । ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହକୁ ଜବତ କରି ଛାନ୍ଭିନ୍ ଜାରି ରଖିଛି । ମୃତଦେହଟି ବୁଦା ତଳେ ଢଙ୍କା ହୋଇରହିଥିଲା ।
ସେପଟେ ପୋଲିସ ଛାନ୍ଭିନ୍ରୁ ମୃତକଙ୍କ ପରିଚୟ ମିଳିଛି । ମୃତକ ହେଉଛନ୍ତି ସମ୍ବଲପୁର ପିଡବ୍ଲୁଡି କଲୋନୀର ହରେକୃଷ୍ଣ ନାଏକ ବୋଲି ଜଣାପଡିଛି | ଏହା ହତ୍ୟା ନା ଆତ୍ମହତ୍ୟା ତାବା ବର୍ତ୍ତମାନ ପର୍ଯ୍ୟନ୍ତ ସ୍ପଷ୍ଟ ହୋଇନାହିଁ । ପୋଲିସ ତଦନ୍ତରୁ ଏହା ସ୍ପଷ୍ଟ ହେବ ବୋଲି ସ୍ଥାନୀୟ ଲୋକେ ଆଶା ରଖିଛନ୍ତି ।
