ସାଲେପୁର ୩୦।୦୬: ପରକୀୟା ପ୍ରୀତିର କରୁଣ ପରିଣତି । ଯୁବକଙ୍କୁ ଟାଙ୍ଗିଆରେ ହାଣି ବିଭତ୍ସ ହତ୍ୟା କରାଯାଇଛି । ହତ୍ୟା ଅଭିଯୁକ୍ତଙ୍କୁ ଗିରଫ କଲା ପୋଲିସ । କଟକ ଜିଲ୍ଲା ଟାଙ୍ଗୀ ଥାନା ଜରିପଡ଼ା ପଞ୍ଚାୟଚ ଜଗନ୍ନାଥପୁର ଗାଁରେ ଘଟିଛି ଘଟଣା ।
{"id":473386,"sizeSlug":"large","linkDestination":"none"}ଖବର ଅନୁଯାୟୀ, ଜଗନ୍ନାଥପୁର ଗାଁର ଉମେଶ ଚନ୍ଦ୍ର ସ୍ବାଇଁଙ୍କ ପୁଅ ଗୌରାଙ୍ଗ ସ୍ୱାଇଁକୁ ତାଙ୍କ ବଡ ବାପା ପୁଅ ବିଷ୍ଣୁ ସ୍ୱାଇଁ ଟାଙ୍ଗିଆରେ ହାଣି ବିଭତ୍ସ ଭାବେ ହତ୍ୟା କରିଛି । ଯାହାକି ପୁରା ଅଞ୍ଚଳରେ ଆତଙ୍କ ଖେଳିଯାଇଛି। କିନ୍ତୁ ବର୍ତ୍ତମାନ ପର୍ଯ୍ୟନ୍ତ ହତ୍ୟାର ପ୍ରକୃତ କାରଣ ଜଣାପଡିନଥିବା ବେଳେ, ବିଷ୍ଣୁଙ୍କ ପତ୍ନୀଙ୍କ କହିବା ଅନୁଯାୟୀ ଗୌରଙ୍ଗ ବିବାହିତ ହୋଇ ମଧ୍ୟ ତାଙ୍କ ସହ ଖରାପ ସମ୍ପର୍କ ରଖିବା ପାଇଁ ବାଧ୍ୟ କରୁଥିଲେ । ଏପିରିକି ଫୋନ୍କୁ ମେସେଜ କରୁଥିଲେ ।
ତେବେ ମଙ୍ଗଳବାର ସଂଧ୍ୟାରେ ବାଡିରେ ପଶି ଟଣା ଓଟରା କରିବାରୁ ବିଷ୍ଣୁ ରାଗିଯାଇ ଏକ ଟାଙ୍ଗିଆରେ ଗୋଡାଇ ଗୋଡାଇ ଗୌରାଙ୍ଗକୁ ହାଣିଥିବା ପୋଲିସକୁ କହିଛନ୍ତି । ପୋଲିସ ସ୍ୱାମୀ ଓ ସ୍ତ୍ରୀଙ୍କ ଅଟକ ରଖି ତଦନ୍ତ ଜରିରଖିଛି। ପୋଲିସ ତଦନ୍ତ ପରେ ହତ୍ୟାକାଣ୍ଡର ପ୍ରକୃତ କାରଣ ଜଣାପଡିବ ବୋଲି ସ୍ଥାନୀୟଲୋକେ କହିଛନ୍ତି ।