ଜଳେଶ୍ୱର ୨୩।୦୯: ପରକୀୟା ପ୍ରୀତିରୁ ହତ୍ୟାକାଣ୍ଡ । ସ୍ତ୍ରୀ ସହିତ ସମ୍ପର୍କ ଥିବାରୁ ଏକ କାତିରେ ଯୁବକକୁ ହତ୍ୟା କରି ବିଲରେ ପୋତିଦେଲେ ସ୍ଵାମୀ । ବିଲ ମଝିରୁ ମୃତଦେହ ଉଦ୍ଧାର କରିଛି ପୋଲିସ । ଘଟଣାରେ ତଦନ୍ତ ମଧ୍ୟ ଜାରି ରଖିଛି ପୋଲିସ । ମହିଳା ସମେତ ୨ଜଣଙ୍କୁ ଅଟକ ରଖିଛି ପୋଲିସ । ବାଲେଶ୍ୱର ଜିଲ୍ଲା ବାଲିଆପାଳ ଥାନା ଅଞ୍ଚଳରେ ଏଭଳି ଅଭାବନୀୟ ଦୃଶ୍ୟ ଦେଖିବାକୁ ମିଳିଛି ।
{"id":516327,"sizeSlug":"full","linkDestination":"none"}ଖବର ଅନୁଯାୟୀ, ବଡକଷବା ଗାଁର କାଙ୍ଗାଳି ପାତ୍ର ନାମକ ଜଣେ ଯୁବକ ସହିତ ସେହି ଗ୍ରାମର ରବୀନ୍ଦ୍ର ଜେନାଙ୍କର ସ୍ତ୍ରୀଙ୍କ ସହିତ ପରକିଆ ପ୍ରୀତି ରହିଆସୁଥିଲା । ବୁଧବାର ରାତିରୁ କାଙ୍ଗାଳି ପାତ୍ର ନିଖୋଜ ଥିଲେ । ଗାଁ ଦାଣ୍ଡରେ ରକ୍ତ ଜୁଡୁବୁଡୁ କାତି ପଡିଥିଲା । ହତ୍ୟା ସନ୍ଦେହ କରି ପରିବାର ଲୋକେ ଲିଖିତ ଭାବେ ଥାନାରେ ଅଭିଯୋଗ କରିଥିଲେ ।
{"id":516328,"sizeSlug":"full","linkDestination":"none"}ବାଲିଆପାଳ ପୋଲିସ ଅଭିଯୋଗ ପାଇବା ପରେ ଘଟଣାସ୍ଥଳରେ ପହଞ୍ଚି ତଦନ୍ତ ଜାରି ରଖିଥିଲା । ଏହି ସମୟରେ ଗାଁ ନିକଟସ୍ଥ ଏକ ଧାନ ବିଲ ମଝିରୁ ଯୁବକର ମୃତ ଶରୀର ଉଦ୍ଧାର କରିଥିଲେ । ପୋଲିସ ରବୀନ୍ଦ୍ର ଜେନା ଓ ସନ୍ଧ୍ୟା ରାଣୀ ଜେନାକୁ ଅଟକ ରଖି ତଦନ୍ତ ଜାରି ରଖିଛି । ଶରୀର ଗଳା ଛାତିରେ କଟା ଯାଇଥିବାର ଦେଖିବାକୁ ମିଳିଛି।