Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ମୃତ୍ୟୁ ହାରରେ ସାମାନ୍ୟ ହ୍ରାସ : ରାଜ୍ୟରେ ଗତ ୨୪ଘଣ୍ଟାରେ କରୋନା ନେଲା ୩୯ ଜଣଙ୍କ ଜୀବନ, ୩୪୭୧ରେ ପହଞ୍ଚିଲା ମୋଟ୍‌ ସଂଖ୍ୟା
  • ||
  • କାମାକ୍ଷାନଗରରେ ଦୁଇ ସାହି ମଧ୍ୟରେ ଗୋଷ୍ଠୀ ସଙ୍ଘର୍ଷ : ଜଣେ ମୃତ, ୨ ଗୁରୁତର
  • ||
  • ନୟାଗଡ : ୫ ଦିନ ପରେ ମିଳିଳା ନିଖୋଜ ଶିଶୁକନ୍ୟାର ମୃତଦେହ, ଶରୀରଠୁ ଅଲଗା ହୋଇ ପଡିଛି ମୁଣ୍ଡ
  • ||
  • ଖୋର୍ଦ୍ଧା : ଠାକୁରପଡ଼ାରେ ଯୁବକଙ୍କୁ ନିର୍ମମ ହତ୍ୟା ଘଟଣା, ୩ ଗିରଫ
  • ||
  • ଭୁବନେଶ୍ୱର : ୧୮ ଓ ୧୯ରେ ବଢିବ ବର୍ଷା, ୨୦ରୁ ବଦଳିବ ପାଗ
  • ||
  • କମୁଛି ସଂକ୍ରମଣ, ରାଜ୍ୟରେ ୨୪ ଘଣ୍ଟାରେ ୩୬୩୧ କୋଭିଡ୍ ପଜିଟିଭ୍ ଚିହ୍ନଟ
  • ||

ଯୌତୁକ ପାଇଁ ଗଲା ଜୀବନ ! ସ୍ତ୍ରୀକୁ ହତ୍ୟା କରି ସ୍ୱାମୀ ଫେରାର

18/07/2020 at 12:42 PM

ଭଞ୍ଜନଗର ୧୮।୦୭: ସ୍ତ୍ରୀକୁ ନୃଶଂସଭାବେ ହତ୍ୟା କରି ସ୍ୱାମୀ ଫେରାର ହୋଇଯାଇଥିବା ଅଭିଯୋଗ । ମୃତକ ଭଞ୍ଜନଗର ଥାନା ଅନ୍ତର୍ଗତ ଅଢ଼େଇ ଗ୍ରାମର ଡାକ ଓରଫ ଅନ୍ତର୍ଯ୍ୟାମୀ ଗୌଡ଼ଙ୍କ ସ୍ତ୍ରୀ ରଶ୍ମିତା । ଗତାକାଲି ବିଳମ୍ବିତ ରାତିରେ ଏଭଳି ଘଟଣା ଘଟିଛି । । ରଶ୍ମିତାଙ୍କୁ ତାଙ୍କ ସ୍ୱାମୀ ହତ୍ୟା କରିଥିବା ଭାଇ କୃଷ୍ଣଚନ୍ଦ୍ର ଗୌଡ଼ ଥାନାରେ ଅଭିଯୋଗ କରିଛନ୍ତି । ପୋଲିସ ମାମଲା ରୁଜୁ କରି ତଦନ୍ତ ଜାରି ରଖିଛି ।

ସୂଚନାଯୋଗ୍ୟ ଯେ, ଅନ୍ତର୍ଯ୍ୟାମୀ ଗାଙ୍ଗପୁର ଥାନା ଅନ୍ତର୍ଗତ ପଳାସପଲ୍ଲୀ ଗ୍ରାମର ରଶ୍ମିତାଙ୍କୁ ୧୬ ବର୍ଷ ତଳେ ବିବାହ କରିଥିଲେ । ତାଙ୍କର ୨ଟି ପୁଅ ଓ ଗୋଟିଏ ୬ ବର୍ଷର ଝିଅ ରହିଛନ୍ତି । ଗୁରୁବାର ରାତିରେ ରଶ୍ମିତା ସ୍ୱାମୀ ଅନ୍ତର୍ଯ୍ୟାମୀ ଛୋଟ ଝିଅ ସହ ଗୋଟିଏ ରୁମ୍‌ରେ ଶୋଇଥିଲେ । ରାତି ଅଧରେ ରଶ୍ମିତାଙ୍କ ଚିତ୍କାର ଶୁଣି ଘର ଲୋକ ଉଠି ପଡ଼ିଥିଲେ । ଦେଖିଲେ, ଛୋଟ ଝିଅଟି ମାଆକୁ ଜାବୁଡି ଧରି କାନ୍ଦୁଥିବାବେଳେ ଅନ୍ତର୍ଯ୍ୟାମୀ ଫେରାର ହୋଇଯାଇଥିଲା । ରକ୍ତ ଜୁଡୁବୁଡୁ ଅବସ୍ଥାରେ ରଶ୍ମିତାଙ୍କୁ ଶାଶୂ ପଡ଼ୋଶୀଙ୍କ ସହଯୋଗରେ ଭଞ୍ଜନଗର ଡାକ୍ତରଖାନାକୁ ନେଇଥିଲେ । କିନ୍ତୁ ସେଠାରେ ଚିକିତ୍ସାଧୀନ ଅବସ୍ଥାରେ ରଶ୍ମିତାଙ୍କ ମୃତ୍ୟୁ ହୋଇଛି । ରଶ୍ମିତାଙ୍କ ଭାଇ କୃଷ୍ଣଚନ୍ଦ୍ର ଗୌଡ଼ଙ୍କ ରିପୋର୍ଟ ଆଧାରରେ ବେଲଗୁଣ୍ଠା ଫାଣ୍ଡି ପୁଲିସ ଭଞ୍ଜନଗର ଡାକ୍ତରଖାନାରେ ଶବକୁ ଜବତ କରିବା ସହ ହତ୍ୟା ମାମଲା ରୁଜୁ କରିଛି । ଅଭିଯୁକ୍ତ ସ୍ୱାମୀ ଅନ୍ତର୍ଯ୍ୟାମୀଙ୍କୁ ଧରିବାକୁ ପୋଲିସ ଛାନଭିନ୍‌ ଜାରି ରଖିଛି ।

କୃଷ୍ଣଚନ୍ଦ୍ରଙ୍କ ଅଭିଯୋଗ, ୧୬ବର୍ଷ ହେଲା ଭଉଣୀର ବାହା ହୋଇଥିଲେ ମଧ୍ୟ ଅଧିକ ୫ଲକ୍ଷ ଟଙ୍କା ଯୌତୁକ ପାଇଁ ସ୍ୱାମୀ ଅନ୍ତର୍ଯ୍ୟାମୀ ଧମକ ଦେଉଥିଲେ । ଯୌତୁକ ଜନିତ କାରଣରୁ ଏଭଳି ଜଘନ୍ୟ ହତ୍ୟାକାଣ୍ଡ ଘଟିଛି ନା ଆଉ କଣ କାରଣ ରହିଛି ଏହାର ପୁଲିସ ତଦନ୍ତ କରୁଛି ।

   Related Posts